http://media.linkonlineworld.com/img..._12_55_806.jpg
عرض للطباعة
هههههههه والله عندك 1000 حق
ههههههههههههههههههههههههه ههههه
احب اقولك ان الصورة الذهنية ديه في طريقها للاختفاء
الصين في اقل من 5 سنين هتبقى اكبر منتج للسيارات في العالم
مستوى جودة التقفيل والانتاج هيختلف تماماً واكيد لاحظت الفرق الرهيب في المتاح حالياً عن ما كان متاح حتى 5 سنين ماضية
تقريباً الصين في كل التوقعات الاقتصادية هتبقى المصنع الوحيد الجديد للعالم
بعض الدول ممكن تحتفظ بالتكنولوجيا وتعتمد على الصين في التصنيع لكن في خلال فترة قليلة جداً حتى الميزة النسبية ديه هتختفي والصين هتسيطر حتى على احدث تكنولوجيا في الانتاج
ما تستبعدش حروب لاسباب اقتصادية معقدة الفنرة القادمة
الصين وحش لا يعرف الرحمة وهو قادم قادم لا محالة
lol
على فكره من الصوره اللى حصل ده طبيعى لان كل ما قل الجزء المشارك فالتصادم زادت معاه قوه رد الفعل و العجله مشاركه بجزء صغير فالتصادم مقابل جزء كبير فأكصدام العربيه و لو الأكصدام مصنوع من نوع سئ من البلاستيك كان اتكسر
الصين دلوقتى فى تطور كل يوم يمكن الكلام ده ينطبق على السيارات الصينية الموديلات القديمة شوية من 2004 مثلا و انت طالع زى الجيلى فروته والحاجات دى اما عندك مثلا البرليانس v5 عربية ولا كلمة عليه وتقدر تشوف اختبارات التصادم بتاعتها
الصورة قديمة جدا
والتصادم بيعتمد على نقطة التصادم
يعنى مثلا الاقصدام بيكون معمول بطريقة متموتش الناس الى ماشية
واقدر اجبلك فيديو لتصادم مع كلاب وشوف العربيات بتبوظ ازاى
بدل ما نضحك على الصين نتعلم منها الى قربت تسيطر على اقتصاد العالم كله
انا مش بعادي الصين ولا هدفي التريقة ولكن مقارنة الصناعة الالمانية بالصناعة الصينية واكيد الالمان هيكسبوا مهما طال الزمن :)
والفرق ان الصين عندها قوة والمانيا عندها عقل فاكيد العقل يكسب القوة :)
يا فندم.. الصين أكبر منتج للسيارات في العالم فعلا من سنة 2011 وحتى الآن
ييجي بعدها اليابان وبعدين أمريكا وبفارق كبييير في عدد السيارات
احنا بنتكلم على حوالي 18 مليون عربية هي حوالي الإنتاج السنوي للصين مقابل حوالي 9 مليون في اليابان وحوالي 7 مليون في أمريكا
ومن ناحية الجودة فأنا أتفق تماما إن جودة السيارات الصينية هتبقى عالية جدا قريب.. لإن سرعة ااتطور في الصين أعلى من أي مكان في العالم
أنا شايف الصين هي مستقبل صناعة السيارات في العالم
...
هو المعيار مين اكثر انتاج ولا المعيار مين افضل في الأنتاج ده ؟؟
بالقوه البشريه في الصين و بظروف و قوانين العمل هناك اللي اقرب للعبوديه ممكن الصين تنتج 20 مليون عربيه في السنه و المانيا تنتج خمسه بس لكن جوده و اتقان العربيه الألماني هتتفوق على عشر عربيات من الصيني مجتمعين الحكايه مش عافيه و مش زياده عدد و خلاص لأن في فكر بيحكم الموضوع في المانيا و في الدول المتقدمه الفكر انك تحافظ على مستوى صناعتك فتلاقي اهتام بوسائل الأمان في السياره و تلاقي اهتمام بالعامل اللي في المصنع نفسه مستحيل تلاقي هناك عامل امي او جاهل روح الصين هتلاقي الفكر انتج كثير بيع و اكسب و خلاص و يوم ما بيهتم بوسائل الامان بيبقي عشان ياخد تصريح يدخل السوق الأوربيي و في فارق كبير اوي بين واحد بيطبق الحد الادني من وسائل الامان عشان يدخل السوق و بين واحد اساسا تفكيره ازاي يطور وسائل الأمان في السياره عشان يعمل لعربيته سمعه افضل و دعايا افضل في فارق بين العامل الصيني اللي في الغالب على قده تعليميا و تثقيفيا و بين العامل المتعلم اسحاله ده ينتج يصنع حاجه زي ده و اساسا تكنولجيا السيارات للشركات دي زيها زي الأسرار العسكريه فاللي متخيل ان خلال كام سنه تكنولوجيا بي ام او اودي او مرسيدس هتبقى في ايد الصينين يبقي بيحلم لأن الناس دي بقالهم سنييييييييييين طويله اوي محتفظين باسرار تفوقهم , المقارنه في حد ذاتها غير جائزه ............................
النظرة إلى الألمان كإنهم آلهه ما بيغلطوش وبيعملوا كل حاجة صح على الإطلاق نظرة قاصرة وينقصها الكثير من المعلومات التاريخية والعلمية وعدم معرفة بأحوال الصناعة في العالم.
الألمان ما وصلوش للمستوى ده من فراغ... وفي وقت من الأوقات كانت الصناعة الألمانية (زيها زي كل أحوال الدنيا) متأخرة عن الدول الأخرى
واللي يشوف أحوال الصناعة في بريطانيا مثلا وازاي بقت معظم مصانع السيارات فيها ملك لشركات غير بريطانية (هندية وصينية وغيرها) ما يشوفش إزاي كانت الصناعة البريطانية أفضل صناعة في العالم في بدايات القرن العشرين.
واللي يعرف شوية عن إزاي صناعة السيارات اليابانية تطورت.. وإزاي كانوا الناس بيبصولها في الستينات وكانوا بيوصفوها بنفس الأوصاف اللي بنوصف بيها السيارات الصينية من 5 سنين (عربيات رخيصة وجودتها منخفضة)... ما يقولش إنها أصبحت حاليا أكثر الصناعات جودة في العالم من أكتر من 20 سنة وبتنافس أفضل الصناعات الأوروبية.
على فكرة... صناعة السيارات الألمانية واخدة سمعة لكذا سبب..
أولا.. بيحاولوا يحافظوا على سمعتهم اللي أخدوها خلال الـ100 سنة اللي فاتت
ثانيا... القوانين الألمانية والأوروبية اللي بتفرض عليهم الالتزام بمواصفات ومعايير عالية جدا.. وده كويس طبعا.. إنما بيعلي السعر جدا.
ثالثا... الطرق السريعة الألمانية هي الوحيدة في العالم اللي السرعة القصوى فيها مفتوحة... وده معناه إن أي حد يقدر يسوق عربيته للحدود القصوى بتاعتها .. وإذا ماكانتش العربيات الألمانية ثابتة وتتحمل السواقة بالسرعات العالية دي.. يبقى هتخسر سمعتها جوه بلدها.
رابعا... طبيعة المجتمع الألماني بشكل عام اللي بقى ما يقبلش يتنازل عن مستوى معين من الرفاهية والنظام والجودة...
الظريف في الموضوع إن السيارات الألمانية سوقها في النازل جوه ألمانيا نفسها... وده مش كلامي.. ده كلام إحصائيات ودراسات اتعملت في السوق الألمانية!!
طبعا الكلام ده لإن الألمان بني آدمين زي كل الناس في العالم... بيدوروا على الشيء المناسب من ناحية الجودة والسعر والأداء... فلو العربيات الألماني بقت سعرها عالي مقابل جودة أقل شوية من الياباني وأداء عالي أكتر من المطلوب... ده أكيد مش بيعجب كل الناس.
العملية كلها أساسا في تقديم المنتج المناسب... ولو كان المنتج اللي يناسبك ده ألماني.. ياباني.. صيني .. مريخي.... اشتريه ما دام مريحك.
...
مش عارف اخدت بالك من تعليقي وقريته ولا لاء
اولا انا قولت ان الصين بتنمو بشكل ملحوظ وسريع مش معنى كده انها وصلت للقمة
بس انا بقولك فعلاً انها تخطت كتير من عظماء صناعة السيارات
بدون دخول في تفاصيل كتير احنا شغالين في منتج صيني وسعره غالي ولكنه بالمقارنة باي منتج تاني مش هتعرف تجيبه غير ب 3 اضعاف السعر من اوربا وكواليتب بجد هتبقى اقل من الصين
المنتجات الصيني غزت امريكا واوروبا كلها والميزان التجاري في صالح الصين بتصدرلهم اكتر ما بتسورد منهم
المنتجات الصيني متنوعة وفيها كل مستويات الجودة والمعايير الدولية المختلفة
الصين بتصنع منتجات بمواصفات الاتحاد الاوربي للسوق الاوربية ومنتجات للسوق الامريكي وغيره
لكن للاسف احنا الى يهمنا السعر فقط وهو ما بيقولش لاء عاوز منتج زبالة هيعملك منتج زبالة بفلوسك
عاوز تعرف بقا التكنولوجيا الصينية وصلت فين والابتكار تابع المنتجات الجديدة والافكار والتكنولوجيا الحديثة وشوف اغلبية المنتجات صناعة ايه
عاوز تتاكد من فاعلية المنتجات شوف مبيعاتهم في الاسلحة ...شوف الكمبيوتر والالكترونيات
عاوز تقول ان تكنولوجيا هتبقى في اوروبا يبقى فيه حاجتين اولا لازم ترجع للتاريخ وتعرف ياعنى ايه الصين اعتمدت على الهندسة العكسية وقت ما كان مفيش عندها ابتكار وتكنوجيا الانتاج والتطوير
وثانياُ : لازم تتابع استحواز الصين والهند مثلا على اكبر شركات السيارات في العالم والتكنولوجيا في لحظة بتبقى موجودة عندهم ازاي
من الاخر ربنا يديك طول العمر و مش اكتر من 5 سنوات وهتبقى بتدور ازاي تبيع عربيتك وتشتري الصيني ((الافضل )) و المتوفر والارخص والاكثر انتشاراً والارخص في قطع الغيار
مش بطلب منك انك تغير رأيك ...اتفرج بس وانت تشوف الكلام الى بقوله وهو بيحصل
ا اولا مفيش نظره التأليه و الكلام ده كل ما هناك انك بتتتكلم عن الدوله الأفضل على مستوى العالم صناعيا حتى مقارنه بامريكا في مستوى الصناعه و جوده و اتقان ما يصنع بشكل عام بما في ذلك صناعه السيارات , الخطئ و البشري موجود في كل مكان لو حضرتك انتبهت لكلامي في نقطه ثقافه و مستوى العامل هتلاقيها بتجاوب على كلامك لان نسبه الخطئ البشري دي بتقل كثير لما بيكون اعتمادك على عامل متعلم و بيعمل في اجواء انسانيه بتحافظ على تركيزه مش عامل تعليمه قليل بيعمل في اجواء سيئه بتزيد من نسبه الخطئ البشري
معاك طبعأا ان المانيا كدوله مكنتش من السابقين في عصر الثوره الصناعيه كالأنجليز و الروس مثلا لكن المانيا و من قبل الحرب العالميه الاولى و هي من الدول صاحبه الأبتكار و الجوده في الصناعه و دي من العوامل اللي كانت بتديها - على مستوى صناعه السلاح - تفوق في عنصر مفاجئه العدو خلال الحربين , و بعيدا عن الحرب طبيعه المجتمع الألماني المختلفه عن الأنجليز بتديلهم استمراريه اكثر كون نسب المجنسين و المقيميين من اصول غير المانيه اقل بكثير و كون تملك او شراء الأجانب للشركات هناك اصعب بكثير من الأنجليز فده في راي يخلي في صعوبه كبيره انك تتوقع تكرار اللي حصل للشركات الأنجليزيه في المانيا
حتى اليابان فهي غير الصين في حاجات كثير و كلامك عن انها نجحت توصل لمكانه معينه لوشوفنا ليه وصلوا هنعرف ليه صعب الصين توصل لنفس المكانه , فبخلاف بردو نقطه العامل و مستواه و الظروف اللي بيعمل فيها اليابان و المانيا مجتمعات في تركيبتها الذهنيه نظريه الأفضل انهم الأفضل في النوع البشري و دي بيولد عندهم غريزه انه مينفعش يصنع او يقدم غير الأفضل عشان كده الشركات الياباني لما حبيت تعمل مستوين من اي منتج بما في ذلك السيارات اصبح لديها تصنيع في اليابان ينتج مستوى مميز و تصنيع في الخارج لمن يريد الأسم و بجوده اقل و اعتقد انك لو قارنت بين اي سياره يباني تقفيل مصنعها الأم في اليابان و الشقيقه المصنعه في المكسيك او تايلند او جنوب افرقيا هتلاقي مشاكل و اختلافات تساوي فرق القيمه النقديه , ثانيا في اليابان كما في المانيا و اوربا القواعد و القوانين تطبق عليهم و على ما ينتجون فتجد صناعه تحقق افضل ارقام الأمان و خلافه عكس الصين اللي مش بتلزمهم داخليا بكده فاساسا فاقد الشئ لن يعطيه هو فقط بيحاول يوصل لدرجه النجاح و بس
النقاط اللي حضرتك قلتها عن اسباب تفوق صناعه السيارات الألمانيه و السمعه اللي عندهم هي هي نفس اسباب استحاله وصول الصين للمستوى ده من وجه نظري لان ببساطه العوامل دي غير موجوده في الصين و لا في تفكير الصانع الصيني نهيك عن اني كشخص عادي مثلا لم اسمع بابتكار صيني في صناعه السيارات - ربما تقصير مني الله اعلم - فاعتقد في فارق بين صانع مبتكر و صانع مقلد
هي في الأول و الأخره اراء قد نتفق او نختلف فيها فنحن و مهما علمنا مما يحدث لديهم فهو لا يتعدى قشور الحقيقه, تحياتي لحضرتك
ممكن حضرتك تكون اتعاملت معاهم في منتاجات و مجالات اخرى غيري , بس انا بكلمك على ضوء اللي انا تعاملت معاه بشكل مباشر انه باختصار هو لا يهتم بجوده ما يقدمه داخليا و بالتالي متنتظرش منه يقدملك خارجيا افضل جوده و ما يقدمه للسوق الأوربي و الأمريكي فهو بيحاول يوصل لمستوى الجوده اللي يسمحله يدخل لكن صعب اوي تلاقي المنتج الصيني يستهدف 9 من مقياس الجوده لو 6 كافيه تدخله السوق المستهدف ؟؟
نظره و هدف الشركات الصيني في الأساس ارتفاع المبيعات و نظره و هدف الشركات الألماني - بتكلم عن صناعه السيارات هنا - انه يحافظ اولا على سمعتهم و مستواهم و يقدموا الجديد في التكنولوجي و الامان عكس السياره الصيني اللي انا شخصيا و الله محصلش قبل كده و سمعت عن ابتكار لهم عمل صيت و سمع و الناس فضلت تحكي و تتحاكي عنه
اتفق معاك تماما إن توجهات الصين حاليا هي المكسب المالي بشكل أساسي. . وإن اهتمامهم بالجودة ينحصر فقط في الأسواق اللي بتفرض عليهم التزامات وقوانين لازم يلتزموا بيها علشان يعرفوا يبيعوا..
واتفق معاك بردو في مسألة فرق الجو العام للعمال بين الصين من ناحية واليابان وألمانيا من ناحية تانية
بس خلينا نفكر في حاجة تانية
ألمانيا هي اللي اخترعت حاجة اسمها عربيات سنة 1880.. ومستوى الصناعة فيها حاليا مخليها أفضل صناعة سيارات في العالم.
اليابان بدأت صناعة السيارات في ثلاثينات القرن العشرين.. وعربياتها بدأت تتصدر في الخمسينات وكانت ايامها مثال لسوء جودة السيارات.. واستولت على أكبر سوق في العالم ( السوق الأمريكي ) في الثمانينات بسبب أسعارها المنخفضة وجودة أفضل.. وبتنافس فخامة الألماني ( لكزس وإنفنتي ) من بداية التسعينات.. وبقت أكبر مصنع للسيارات في العالم مع بداية الألفية.
احنا دلوقتي بنتكلم على الصين اللي بدإت تصنع أو عربية سنة 1995. . ودلوقتي بقت أكبر مصنع للسيارات في العالم... وفيها حوالي 40 ماركة عربيات... وجودة السيارات بتتحسن بمعدل فظيع..
تفتكر بالمعدل السريع جدا للتطور ده.. تتوقع إيه؟؟؟
أكيد فيه شيء مختلف جاي.. الناس دي ما بتلعبش
الصينى ده زباله لبلاد مبتخترمش نفسها
هههههههههه الموضوع طلع للعالمية ( على الفيس )منتظر اشوف الاراء بحماس
موضوع رائع
انا هتكلم عن تجربتي الشخصية، انا كان معايا اوبترا ثم سوزوكى sx4 ثم كورسا الجديدة هاي لاين ومعاها فى نفس الوقت اسبيرانزا a516 وبعد كده بعت الكورسا والاسبيرانزا وجبت مرسيدس c180 موديل 2000
الفرق الملاحظ بالنسبة لي بين الصناعة الصينى والالماني هو الاعتمادية, بمعنى انك بتركب عربية مش متوقع مفاجآت تحصلك غير الصينى اللي ممكن اي حاجة تحصل في اى وقت.
لو السؤال علي القدرة، فاكيد الصين عندهم القدرة انهم يعملوا عربيات بالجودة الالمانية والدليل ان شركة SAIC اللي بتعمل الMG بتقفل الاوكتافيا والباسات، لكن من وجهة نظري الموضوع هو عدم وجود رغبة لدى المصنع الصينى حالياَ علي الاقل في انتاج سيارات بجودة عالية زى الالمانى يمكن لان ال TARGET MARKET بالنسبة له فالفترة دى هو المستخدم ذو ميزانية محدودة.
الحاجة التانية اللي لازم نفتكرها ان الصين بتعتمد في كثير من منتجتها علي ال reverse engineering والمانيا بتعتمد علي ال innovation وبكده حتي مع تطور المنتج الصينى اللي بيعتمد فالمقام الاول علي economies of scale هتبقي هناك مسافة بينه وبين المنتج الألماني، ممكن المسافة تقل بس هتفضل موجودة.
الكلام بتاع حضرتك مظبوط جدا.. بس أنا أختلف مع حضرتك في نقطة صغيرة
مسألة الابتكار innovation حاليا مش موجودة بوضوح في المنتجات الصينية بشكل عام.. بس أتوقع إننا حنسمع على منتجات صينية مبتكرة في وقت قريب..
على فكرة.. مسألة اعتماد الصينيين على الهندسة العكسية reverse engineering هدفه الأساسي هو اختصار الوقت والنزول في السوق بمنتجات منافسة على مستوى مقبول لفئات معينة من المستهلكين.. ومع الوقت هما بيتعلموا ويحسنوا جودة منتجهم.
التطور الطبيعي لأي إنسان عايز يكون على القمة إنه:
1- يقلد
2- يغلط
3- يتعلم من خطؤه
4- يعمل حاجة تخليه ما يغلطش تاني ( يعمل نظام وقوانين )
5- يفكر في حاجة جديدة (يبتكر) تخليه متميز عن غيره.
انا شايف إن معظم الصناعات الصينية الجيدة دلوقتي خلصوا مرحلة 3.. وبعضهم خلص مرحلة 4
على فكرة.. أنا اتعاملت مع صينيين سنة 1999.. وكان صاحب المصنع اللي باشتغل فيه جايب كل ماكيناته من الصين..
الراجل ده قاللي حاجة مش ناسيها لحد دلوقتي.. قاللي إن الصين مش بتسمح للشركات العالمية تفتح مصانع هناك إلا لما يوافقوا على شرطين أساسيين..
1- الشركات اللي تفتح في الصين منتجاتها تنزل بأسماء صينية
2- الشركات دي ملزمة بنقل التكنولوجيا والمعرفة know-how للعاملين الصينيين
الشرط الأولاني ده أعتقد إن فيه بعض استثناءات.. إنما الشرط الثاني ده هو فعلا اللي هيخلي الصين تتقدم وتبقى القوة العظمى قريب جدا.
ما ننساش إن الصناعات الصينية مش عربيات بس... فيه شركات صينية في الإلكترونيات بقت رائدة وبتعمل منتجات محدش بيعمل زيها .. زي هواوي Huawei مثلا.
...
عفواً انا حبيت اشارك اكبر عدد من اعضاء المنتدي في الحوار والرأي
فعملت موضوع مماثل في المنتدي الاجتماعي العام
برجاء المشاركة
http://www.nilemotors.net/Nile/417802-vs.html
هههههههههههههههههههه
سيناوي
اسعار السيارات