الموضوع: تغيير قاعدة الجيربوكس

المشاركة الأصلية كتبت بواسطة moatz

مشكور يا استاذ حسن علي تعبك ونقل التجربة ، جزاك الله كل خير ، بس بعد اذنك كان عندي استفسار بالنسبة للنقطة اللي حضرتك ذكرتها في الخطوات المتبعة و هي ضبط اتجاه السهم الموجود علي كاوتش القاعدة الجديدة ، حضرتك بتقول بنضبط الأسهم مع بعضها و باين في الصورة عند حضرتك ان السهم متجه لأسفل ، بينما بالصدفة وجدت المعلومة الخاصة بتلك النقطة في كتيب الخدمة و اللي تنص علي ضبط اتجاه السهم لأعلي فقط دون اي اشتراطات آخري ( فضلا القي نظره علي الصورة المرفقة)

مش عارف انا كده فاهم صح و لا لأ ، فارجو من حضرتك و الزملاء الأعزاء التوضيح ، مع الشكر

انا اولا باشكرك علي المعلومة دية لان انا كنت شاكك الي اليوم في تركيب القاعدة بهذه الطريقة لان انا باشيك علي السيارة بنفسي في الشغل كل يوم خميس بحكم ان مافيش ضغط شغل والذي زاد من شكي انني بالاحظ ارتفاع القاعدة الالمنيوم المربعة الموجودة اعلي الصورة بتاعتك في سيارات اصدقائي ولكن انا ركبتها علي الوضع اللي انا شاري السيارة به اعتقادا مني ان هذا هو وضع الفبريكة واسف علي الالتباس وسوف يتم اعادة التجربة مرة اخري بالطريقة الصحيحة

تم اليوم تعديل اتجاه السهم بالقيام بالعمل السابق شرحه في بداية الموضوع وتم التصوير قبل وبعد العمل وكذلك تم وضع صورة عدة التفوير والكبس اللازمة للعمل وهي في متناول الجميع وهذا العمل تم بماء علي توضيح الامر قبل الاخ معتز وانا باشكره علي ذلك وتم ايضا تعيير البوابة للانجكشن ولكن بدون تصوير وهي علي التجربة