تغيير طقم الشنبر مع قاعدة الفتيس

**dr_abooody** · 27-03-2009 11:34 AM

السلام عليكم

انا معايا 128 مو 85

العربية ما تورها لم يتم فتحة اطلاقا من سنة 85
و عاملة 95الف كيلو على قراءة العداد بس ما اعتقدش انها جابت ال 100 الف كيلو في حياتها عشان كانت مرفوعة معظم الوقت و معانا من سنة 1990
المهم الموتور الميكانيكي قالى انة خفيف و محتاج لنصف عمرة
بس هو مش بياكل زيت كتير
هو بس فية تنقيط زيت مش عارف منين عشان كدا بينقص
و استهلاك البنزين ال 200 كيلو ب 25 ليتر
و الموتور سحبة مش بطال بس مع الحمولة بيضعف
و الشكمان مش بيطلع دخنة بيضا دة حتى بنزل مية دليل ان الحرق كويس
المهم الراجل قالي ان العربية عايزة طقم شنبر و قاعدة فتيس و كلة بالمصنعية هيعمل 500 جنية

اية رايكم في السعر
و هل اي ميكانيكي ممكن يعمل الطقم دة و لا اشوف واحد مشهور بيعملة
و هل طقم الشنبر هو اللي بيخلى العربية تدور الصبح بالعافية مع ان طقم الكهربا كويس و المارش كله تمام

ارجو الرد بسرعة

**samirayad** · 27-03-2009 11:43 AM

فعلا أنت محتاج طقم شنبر...............بسبب رفع العربيه كتير ..........وأعتقد المبلغ كبير شويه (المفروض 300 على الأكثر ).......وفعلا طقم الشنبر ممكن يخللى العربيه تدور بالعافيه طالما خف كده (وأنا صراحه مش خايف من الشنبر قد ما أنا خايف أنك حتحتاج شمايز جديده ....لأن أكيد الشنابر أكلتها )

**dr_abooody** · 27-03-2009 02:54 PM

المشاركة الأصلية كتبت بواسطة samirayad

فعلا أنت محتاج طقم شنبر...............بسبب رفع العربيه كتير ..........وأعتقد المبلغ كبير شويه (المفروض 300 على الأكثر ).......وفعلا طقم الشنبر ممكن يخللى العربيه تدور بالعافيه طالما خف كده (وأنا صراحه مش خايف من الشنبر قد ما أنا خايف أنك حتحتاج شمايز جديده ....لأن أكيد الشنابر أكلتها )

شكرااا على ردك يا غالي

بخصوص رفع العربية هي اترفت حوالى 8 سنوات بس مش متواصل كل 3 سنين تنزل شهر
و هل 95 الف كيلو كافية انها تبقى عايزة طقم شنبر انا سامع انها كل 150 او 180 الف مش 95 و لا دة بسبب رفع العربية الكتير

بس هو قالي 500 بالمصنعية و بالطقم و بكل حاجة

و هل فيها مشاكل ان العربية اسيبها كدا من غير ما اعمل الطقم دة

و اية موضوع الشمايز دة

يا ريت لو تعرف موضوع تفصيلي عن عمرة الموتور بالكامل تبعتة عشان اكون فاهم الدنيا بردة

**samirayad** · 27-03-2009 03:07 PM

و لا دة بسبب رفع العربية الكتير

رفع العربيه بدون الأحتياطات (وهى حل البوجيهات ووضع طبقة زيت خفيفه على وجه البساتم .......بيخللى الشنابر تقشط من جدران الشمايزالداخليه مع أول دواره قادمه....لأن الشنبربيبقى راكن على نقطه معينه على الشميز من الداخل وبيبقى عامل زى الموس مع الدواره بعد الركنه الطويله .....وده سبب اللى حصل عندك )

بس هو قالي 500 بالمصنعية و بالطقم و بكل حاجة

لو شامله الشمايز يبقى كويس....لأننى واثق أن الشمايز تعبت للسبب اللى قولتهولك فوق

و اية موضوع الشمايز دة

الشمايز دى قمصان بتركب داخل البلوك علشان هى اللى تتغير مع العمرات....والبلوك مايبوظش...(علشان كده بتسمى القمصان .....علشان لما تدوب تشترى قمصان غيرها .....شوفت اللعبه جايه أزاى )

يا ريت لو تعرف موضوع تفصيلي عن عمرة الموتور بالكامل تبعتة عشان اكون فاهم الدنيا بردة

العمره ببساطه تغيير السبايك والشنابر والشمايزوالبساتم والبلوف (الصبابات مع تغيير القواعد والدلايل وعمل الروديه اللازم )........ونصف العمره هو تغيير الشنبر فقط والأطمئنان على تحضين الصبابات (الروديه ).....وعندك رأس السلندر كويسه جدا من شرحك السابق