مؤشر الأر بى أم

**abasabnfernas** · 18-04-2014 03:01 PM

مؤشر الأر بى أم عندى فى السكودا فليشيا فى بعض الأحيان بيلعب جامد,و العربية فى السرعات العالية زى الفل اما فى وسط البلد ألأر بى ام بينزل واحدة واحدة لغاية اما تفصل العربية فى الأشارات و لما السكة تفضى و احاول اجرى بتنتش نشتان تلاتة و ترجع زى الفل و الأر بى ام يرجع ينظبط اخش وسط البلد تبتدى القصة من تانى,ياترى العيب منين

**sakr_skoda** · 18-04-2014 03:33 PM

مشكلتك فى الكاربرتير ارفع السلانسية شوية وممكن حاجة تعملها بنفسك بدل وصلات الوجيهين اللى فى النص ودور العربية حتعطس معاك وتضرب مدفعين ثلاثة وبعد كدا بطل العربية ورجع الوضع على ماكان علية ودور ودا علاج مسكن لتسليك الكاربرتير حتى يتم عمل الصيانة للكاربرتير وممكن تراجع على الموضوعات اللى فى المثبتات(مكتبة الفيديو لسلسلة علم نفسك )

**abasabnfernas** · 19-04-2014 02:28 AM

الف شكر لكم
انا ايضا كنت متوقع ان الكربريتار فيه مشكلة و محتاج تنظيفة محترمة و ساتبع سلسلة علم نفسك لاستاذ الجليل صبحى
اما الار بى ام الى فى بعض الاحيان بيلعب جامد بدون ان يرتفع صوط الموتور ماالسبب ؟

**sakr_skoda** · 19-04-2014 08:49 AM

المشاركة الأصلية كتبت بواسطة abasabnfernas

الف شكر لكم
انا ايضا كنت متوقع ان الكربريتار فيه مشكلة و محتاج تنظيفة محترمة و ساتبع سلسلة علم نفسك لاستاذ الجليل صبحى
اما الار بى ام الى فى بعض الاحيان بيلعب جامد بدون ان يرتفع صوط الموتور ماالسبب ؟

شوف الاسبرتير فك الغطاء ونضفة ولو استمرت المشكلة يبقى المشط***

**أحمد جودة** · 20-04-2014 11:04 AM

المشاركة الأصلية كتبت بواسطة abasabnfernas

الف شكر لكم
انا ايضا كنت متوقع ان الكربريتار فيه مشكلة و محتاج تنظيفة محترمة و ساتبع سلسلة علم نفسك لاستاذ الجليل صبحى
اما الار بى ام الى فى بعض الاحيان بيلعب جامد بدون ان يرتفع صوط الموتور ماالسبب ؟

الله ينور عليك تسلمخ ايدك

سبب عشوائية تحرك مؤشر rpm غالباً سببة المبينة ودة عن تجربة أما أطراف التوصيل للموبينة مش متوصلة بصورة سليمة والاحتمال التاني ان الموبينة ابتدت تهييس وفى طريقها للتغير والدليل حركة عشوائية للمؤشر وتنتيش وتقطيع للعربية

تقبل تحياتي