حد ملاحظ حاجا ؟

**fouad mekkey** · 18-04-2014 07:21 PM

العربية الجيلي انتشارها قل جداً في المعارض كنت الأول بلاقي ب 3 او 4 عربيات موجودين في المعارض الي بعدي عليها لكن دلوقت معتش بشوف ولا عربي في المعارض

ياتري الطلب عليها قل بعد المشاكل الي حصلت فيها ولا اتوقف انتاجها ولا ايه ؟

**هانى ظرف منصور** · 18-04-2014 07:24 PM

الصدا خلص عليها وريحنا من قرفها

**M I D O** · 18-04-2014 08:19 PM

لو فعلا الكلام دة صحيح يبقي اكيد تم ايقاف خط الانتاج عشان يواجهو المشاكل او علي الاقل قللو الانتاج وشددو علي الجودة والله اعلم

**عبدالرحمن شبل** · 19-04-2014 04:19 AM

العربيه بقي عليها حجوزات اكتر واعرف ناس كتير بيحجزوا العربيه المعارض بتديهم ميعاد تسليم بعد اسبوع و10 ايام ، واكتر من محافظه على فكره

**karimfahmy99** · 19-04-2014 06:45 AM

المشاركة الأصلية كتبت بواسطة عبدالرحمن شبل

العربيه بقي عليها حجوزات اكتر واعرف ناس كتير بيحجزوا العربيه المعارض بتديهم ميعاد تسليم بعد اسبوع و10 ايام ، واكتر من محافظه على فكره

يعنى المقصود من الكلام ان نسبة البيع و طلب العربية زاد عن معدل الانتاج و الله اعلم

**M I D O** · 19-04-2014 05:06 PM

المشاركة الأصلية كتبت بواسطة dedi

ياريت يكون كدة وياريت كان عمل كدة من الاول بدل الدعاية السيئة وذنب الناس التى دفعت دم قلبها ووقعت فى مشاكل

اتمني يكون عمل كدة ويعوض الملاك الي اشترو

**MACCA** · 06-06-2014 04:46 AM

انا كنت حاجزها من اباظه واستلمتها من اسبوع بعد مدة انتظار شهر بالظبط وهي فعلا مطلوبة وعليها طلب كبير وملحوظاتي عليها للان انها سيارة ممتازة جدا من جميع النواحي فلم اجد اي عيوب والحمدلله مع العلم انى عندي خبرة مش بطالة في السيارات واخر سيارة قبلها كانت اوبترا 2009 مانوال وبصراحة الايمي احسن من الاوبترا في كل حاجة مثلا الانطلاق والمناورة افضل بكتيررغم ان ماتورها1500 والاوبترا1600 وكذلك وزنها اتقل ب50 كيلو ام الاوبشن فالمقارنة كلها لصالحها ولم احس نهائيا انها صيني اوتقفيل مصري ودي شهادة لله اما التوكيل والضمان ربنا يستر انا قلقان من كلام الاعضاء عن توكيل غبور عموما ح يبان في الالف كيلوالاول ولي ملحوظة اني ما استلمتش غطا الاستبن اللي فيه العدة من كوريك ومفتاح العجل وووو مع العربية وقالوا في المعرض
حا نتصل بيك لما يجوا

**mazen21** · 06-06-2014 10:23 AM

هو فعلا تواجدها عموما قليل جدا في الشارع مش اللي هو + الى جانب المعارض تكاد تكون مختفية منها ودا قد يرجع الى
1- الناس من كتر الكلام السئ اللي طلع على العربية قال وانا اشتري عربية عليها لغط كتييير ليه هو انا هاغامر بالفلوس واشترى حاجة تانية
2- كمان ممكن يكون ابتدوا يوقفوا انتاجها علشان ينزلوا الموديل الجديد راجع الرابط ده

كمان انا لاحظت ان في بعض مواقع بيع المستعمل اعلانات البيع للعربية دي كتر فجأة اليومين دول ولموديلات حتى نفس السنة تلاقي عربية 2014 وعاملة 7 الاف 10 الاف كم واصحابها بيبعوها اكيد من البلاوي اللي سمعها خاف لاحسن الصدا يظهر حتى لو جبور عالج الصدا قبل ما تخرج من المصنع هيفضل الحاجز النفسي مقلقك من العربية
وبصراحة مقياس انتشار العربية في الشارع هو الاصل على اثبات نجاها وليس الارقام اللي بتطلع في الجرايد او حد يقول لك كاني وماني ودي عليها الناس واقفة طوابير بتحجزها

المشتري المصري لما بيثق في عربية بتلاقيها اتبدرت في الشارع ومش هاذكر امثلة لعربيات صيني اخرى بتمشي تتكعبل كل شوية في واحدة علشان محدش يقول دا بيعمل دعاية

-

الموضوع: حد ملاحظ حاجا ؟

LinkBack

أدوات الموضوع

عرض

-

ممكن العكس -

-

-

المواضيع المتشابهه

حد ملاحظ حاجا ؟

الي عاوز يشتري حاجا من النيت

انا رايح التوكيل بكرة حد عاوز حاجا

سرطان مفاجىء من غير أى حاجا لزجاج الساجا

الكلمات الدلالية لهذا الموضوع

المفضلات

المفضلات

ضوابط المشاركة