استفسار بخصوص مركز صيانه المنصوره

**amrosh** · 07-10-2008 11:41 AM

ان شاء الله ناوى اعمل صيانه الالف فى مركز صيانه المنصوره
يا ترى حد عمل الصيانه هناك و ايه اخبار المركز
و لازم احجز قبلها
و شكرا

**أبو عبدالله** · 07-10-2008 01:27 PM

صيانة الألف مفيش اي مشكلة فيها
لأنه فحص على العربيه وتربيط عفشة فقط ومجانية

ومتهيألي مش لازم حجز لأن معندهمشي زحمة اصلا
يعني عادي

وابقى قولنا عملت ايه بإذن الله

**amrosh** · 07-10-2008 06:28 PM

شكرا يا ابو عبد الله
و باذن الله اقولكم عملت ايه

**bmya** · 08-10-2008 06:39 PM

بص ياباشا انا عملت صيانه 1000 عندهم
اولا مفيش مركز صيانه لدايهاتسو لكن هما هيبعتوك لمركز صيانه تويوتا النصر وهو تبعهم برده
من الاخر خدمه زي الزفففففففففففففففففت
طرقه كلامهم غبيه جداا واستقبالهم زباله
وانا اصلا كانت العربيه اتخبطت مني من وره والزجاج الخلفي اتكسر واشتريته وروحت اركبه لقيتهم بيقولولي معلش اصل معندناش فني تركيب زجاج
لمبه الصالون والشنطه معلقه مش بتطفي يقولك معلش مش هنقدر نعملك حاجه فيها روح للسمكري اللي عدلهالك خليه يظبوطها حاجه تقرف بجدددددددد
والناس اللي في الريسبشن تحس انهم بياعين في كشك ومش لابسين فورمال حتي
كفايه ان انا اخدت العربيه متوسخه ومغسلوهاش ولا نضفو الموتور ولا اي حاجه
لاء ده كمااااااااااان المصيبه اني لقيت مكان صوابع معلمه بالتراب في السقف والفرش
مع انهم المفروض يكونوا لابسين اي حاجه في ايديهم ويحوطوا كيس علي الكرسي

ده وانا بعمل صيانه للنيسان الناس معاملتهم جميييييله ونضافه ملهاش حل لدرجه انهم نسيوا الروول بتاع الاكياس اللي بتتحط علي الفرش عندي
عموما صيانه ال1000 عادي يعني زي ما ابوعبدالله قاللك بسيطه ومفيش فيها اي حاجه وجايز يكونو اتعدلو شويه
لان انا طلعت من عندهم روحت للموزع بتاعهم نايل اتو وبهدلتهم هناااااك
وقالولي معلش وقعدوا يتاسفو وقالولي ان مركز دايهاتسو نفسه هيفتح قريب بس مش عارف هو فتح ولا لسه
عموما ابقه عرفنا انت عملت ايه

**madoo** · 13-10-2008 09:52 PM

طيب هو فى مركز تانى للصيانه فى طنطا

انا اعرف ان فى ثرى اس فى المحله بس دا مركز خدمه وبيع ولا صيانه ولا ايه انا مش عارف

**amrosh** · 17-10-2008 03:31 PM

شكرا لكل الردود "ابو عبد الله و bmya "

انا رحت فعلا الاسبوع اللى فات "يوم السبت "
و رحت لمركز صيانه دايهاتسو فقالولى انه لسه ما اشتغلش فعلا و قدامه اسبوعين و ان الصيانه فى تويوتا
و هما بالمناسبه قدام بعض"على اول طريق المحله"
اولا الاستقبال معقول يعن مش وحش قوى زى الاخ "bmya" ما حصله و لا حلو قوى "عادى"
ثانيا العربيه عندى فيها صوت خبط مع المطبات فقلت لمهندس الاستقبال و قاللى هنشوفها و انتظرت فى مكان الانتظار و هوه بالمناسبه مكان معقول و نضيف
المهم قعدت حوالى ساعتين وكان فيه زجاج ممكن تشوف ورشة الصيانه تحت و شفت العربيه مرفوعه و العمال شغالين فيها
بعد الساعتين المهندس قاللى ان الصوت ده من الاسكاتره و ان فيها بوش "بصراحه انا معنديش اى خبره فى العربيات" المهم قاللى انه هيطلبها من المركز الرئيسى و خد تليفوناتى عشان يكلمنى لما تيجى و قاللى انها جوه الضمان يعنى مجانا
انا قريت هنا فى المنتدى مواضيع كتير عن موضوع الصوت ده و اسبابه و مش عارف اعمل ايه اكمل معاهم و لا استنى لصيانه ال 5000

**أبو عبدالله** · 17-10-2008 03:56 PM

المشاركة الأصلية كتبت بواسطة amrosh

شكرا لكل الردود "ابو عبد الله و bmya "

انا رحت فعلا الاسبوع اللى فات "يوم السبت "
و رحت لمركز صيانه دايهاتسو فقالولى انه لسه ما اشتغلش فعلا و قدامه اسبوعين و ان الصيانه فى تويوتا
و هما بالمناسبه قدام بعض"على اول طريق المحله"
اولا الاستقبال معقول يعن مش وحش قوى زى الاخ "bmya" ما حصله و لا حلو قوى "عادى"
ثانيا العربيه عندى فيها صوت خبط مع المطبات فقلت لمهندس الاستقبال و قاللى هنشوفها و انتظرت فى مكان الانتظار و هوه بالمناسبه مكان معقول و نضيف
المهم قعدت حوالى ساعتين وكان فيه زجاج ممكن تشوف ورشة الصيانه تحت و شفت العربيه مرفوعه و العمال شغالين فيها
بعد الساعتين المهندس قاللى ان الصوت ده من الاسكاتره و ان فيها بوش "بصراحه انا معنديش اى خبره فى العربيات" المهم قاللى انه هيطلبها من المركز الرئيسى و خد تليفوناتى عشان يكلمنى لما تيجى و قاللى انها جوه الضمان يعنى مجانا
انا قريت هنا فى المنتدى مواضيع كتير عن موضوع الصوت ده و اسبابه و مش عارف اعمل ايه اكمل معاهم و لا استنى لصيانه ال 5000

هو الصوت مش من الأسكاتره بالظبط

هو من دراع الدركسيون نفسه

انت عارف هو بيبقى عبارة عن مفصلات علشان الثنايا اللي بيبقى ماشي فيها العمود
فالمصلات دي المفروض يبقى فيها عوازل زش بلاستيك مثلا
علشان متعملش زي بوشه كده
فلما العربيه بتعدي على مطبات والعجل يتحرك لأعلى ولأسفل
البوشه دي بتعمل الصوت ده

وهو غير مؤثر على شئ
والمفروض ان التوكيل جاله حل من اليابان وهيبتدوا يعملوه ان شاء الله

**amrosh** · 17-10-2008 04:08 PM

المشاركة الأصلية كتبت بواسطة أبو عبدالله

هو الصوت مش من الأسكاتره بالظبط

هو من دراع الدركسيون نفسه

انت عارف هو بيبقى عبارة عن مفصلات علشان الثنايا اللي بيبقى ماشي فيها العمود
فالمصلات دي المفروض يبقى فيها عوازل زش بلاستيك مثلا
علشان متعملش زي بوشه كده
فلما العربيه بتعدي على مطبات والعجل يتحرك لأعلى ولأسفل
البوشه دي بتعمل الصوت ده

وهو غير مؤثر على شئ
والمفروض ان التوكيل جاله حل من اليابان وهيبتدوا يعملوه ان شاء الله

شكرا على التوضيح و يارب تتحل المشكله فعلا