جيتا 2010 تسحق سيفيك d: في المحروسة

اقتباس:

---

المشاركة الأصلية كتبت بواسطة inspiron

https://www.youtube.com/watch?v=iOJOaPT9C44

https://www.youtube.com/watch?v=h3qS14GkIZs

---

الف شكر على الفيديو بس اللي لفت انتباهي اكتر ال channel بتاعت الواد اللي رافع الفيديوهات دي ده حاطط كل ال 1600. المشهور في مصر تقريبا المازدا والكورولا واللانسر والسيراتو والتيدا والسيفيك
واخدتو بالكو في شده ل 4 عربيات مع بعض تيدا وابيزا وسيراتو ولانسر
و الابيزا كسبت وزاد احترامي للتيدا عربيه محترمه فعلا وكان نفسي والله من زمان يبقه حد مصور فيديوهات ليها عشان محدش بيصدق التيدا فعلا عفيه اوي عدت الكل وكانت جنب الابيزا بالضبط وفي فيديوهات تانيه عدت السيفيك وغيره.. وانا اعتقد انها اسرع 1.6 في مصر...

اقتباس:

---

المشاركة الأصلية كتبت بواسطة inspiron

والله لو الجماعة ملاك الالماني بيفكروا زي ما حضرتك بتقول فانا مبفكرش كده لو الكلام علي عربيات اقل من 150 حصان.ولما بنزل من ال 122 حصان واروح لل 306 حصان بغباوتها ساعتها بس بفكر كده :)

اما بالنسبة لفيديو الجيتا اللي حضرتك رافعه فده كلللللل المنتدي عارفه..وحضرتك مخدتش بالك اني رافع فيديو في رد سابق لعربيتي الفانتازيا وهي بتعمل 14 ثانية من 0-100 كم.يعني كلام انا عارفه كويس.لكن تعالي وشوف الفيديو الاخير لنفس العربية بعد 100 الف كم حققت تسارع في اقل من 11 ثانية..اذا حضرتك متعرفش ظروف الفيديو انا اقولك..ولا كنت علي منزل ولا مطلع ولا لاعب في الفيديو ولا حاجة..لأن لو هختبر تسارع علي منزل ابقي انا راجل اهبل :)

بالفانتازيا دي ياما طلعت من لانسر وسيراتو والنترا وطلعت مرة من كرولا mmt وصاحبها كان هيتجنن.وكل العربيات اللي بقولك عليهم دول معارف علي فكرة.

بالفانتازيا دي وصلت بيها لسرعة 210 كم اللي محدش في المنتدي عرف يكسر ال 200 بيها ومصورها ورافعها هنا علي المنتدي !! وعلي شرط...طريق مستوي مش منزل

بس مشكلة المنتدي ده الرئيسية ،، عدم الثقة في الرأي الآخر او عدم الأخذ بالأسباب.والتكذيب بقا بطريقة او بأخري..حتي لو جيبت جميع الأدلة اللي تثبت بيها حاجة مش علي هوي الناس..تلاقي أول رد اما السخرية أو التعنت بقا...ليييه..معرفش..نقطة اخيرة...مش معقول كم الفيديوهات دي يكون صحابها كلهم ضلالية ومقضيينها منازل بعربياتهم..ده مبيحصلش في مجلة ميكي حتي :)
تحياتي

---

لا يا باشا انا مصدقك وكل حاجة ومش فكرة عدم ثقة في راي اخر على قد ماهي ان بعض الردود بتبقى Doesn't make sense !! لاننا مجربين برضوا وعارفين

سواء كان الفانتزيا او الجيتا او الجولف 1.6 عربيات كلنا ركبناهم وشدين معاهم كتيييير

وماعتقدش ان فيه حد هنا في المنتدى بيجري الا وكان معلمه على تلت اربع عربيات منهم على الاقل !! فاحنا مش بنتكلم على عربية لسه نازلة جديد ومحدش يعرف عنها حاجة

انا مصدقك في ان عربيتك الفانتزيا كانت بتعلم على كل العربيات اللى حضرتك ذكرتها دي ومش هكدبك لاني عارف تماما ان حضرتك مش محتاج تكدب او في غنى عنه

لكن لازم حضرتك تثق برضوا في الراي الاخر وفي ان ده مش ال Common !! ومش معنى ان عربية حضرتك كانت كدة يبقى كل الالماني 1.6 كدة !!!

هتقولي مانا عربيتي Stock يبقى عيب user والواحد بس محتاج يحافظ على عربيته !!

هقولك طب ماهو ببساطة اشمعنى لو جبنا اي سيراتو حتى لو اللى سايقها في اولى ابتدائي هيطلع بيها من اي فانتزيا !! ؟؟

ليه السيراتو مش محتاجة ان الواحد يحافظ عليها عشان تطلع من الفانتزيا ؟

قصة انها محتاجة معاملة خاصة او طريقة معينة عشان تجري والكلام ده اانا شخصيا مش بقتنع بيه !! لكن فيه حاجة اسمها عربية فايقة متفتحة صاحبها بيجري بيها كتير عاملها كل صيانتها

زيوتها وفلاترها كلها تمام

فالماتور اتعود على الجري فبقت اسرع من الاول ودي حقيقة

جايز حضرتك العربيات اللى شديت معاهم ماكانوش متفتحين او صحابهم مالهمش في الشد

انما لو وحدنا الحالة وجبنا سيراتو / لانسر / النترا / كورولا وحالتهم زي حالة عربيتك الفانتزيا هتلاقيهم بيطلعو منك بسهولة

اصل ماينفعش ماتور 102 حصان و 8 صباب يطلع من عربية زي ال MMT اللى هي تعتبر من اقوى ال 1.6 !!

ده حتى بال Logic !! الكورولا ماتور اقوى Dual vvti + فتيس اقوى (6 سرعات ويعتبر مانويل) + وزن اخف !! ؟؟ يعني ليها افضلية في كل حاجة تقريبا ازاي بقى اقنعني ؟؟

السيفيك غلطان غلطة عمره انه شد من الثبات الشدايه دى علشان تبقا صح من 120

اقتباس:

---

المشاركة الأصلية كتبت بواسطة corolladestroyer

الف شكر على الفيديو بس اللي لفت انتباهي اكتر ال channel بتاعت الواد اللي رافع الفيديوهات دي ده حاطط كل ال 1600. المشهور في مصر تقريبا المازدا والكورولا واللانسر والسيراتو والتيدا والسيفيك
واخدتو بالكو في شده ل 4 عربيات مع بعض تيدا وابيزا وسيراتو ولانسر
و الابيزا كسبت وزاد احترامي للتيدا عربيه محترمه فعلا وكان نفسي والله من زمان يبقه حد مصور فيديوهات ليها عشان محدش بيصدق التيدا فعلا عفيه اوي عدت الكل وكانت جنب الابيزا بالضبط وفي فيديوهات تانيه عدت السيفيك وغيره.. وانا اعتقد انها اسرع 1.6 في مصر...

---

أشكرك علي مرورك الكريم :)..مهو أنا مرضيتش أرفع باقي فيديوهات الـ channel دي مخصوص عشان الموضوع ميسخنش زيادة..وحضرتك شاهد الابيزا دي عملت مع كل العربيات دي ايه :)..وفعلاً التيدا هي أكتر عربية لفتت نظري في الـ channel كلها أكتر من الجيتا..لأن عربية 1600 سي سي 118 حصان فتيس أوتوماتيك 4 سرعات وفعلاً أدائها ما شاء الله خرافي.
أشكرك مرة أخري.

اقتباس:

---

المشاركة الأصلية كتبت بواسطة Ahmod

انا مصدقك في ان عربيتك الفانتزيا كانت بتعلم على كل العربيات اللى حضرتك ذكرتها دي ومش هكدبك لاني عارف تماما ان حضرتك مش محتاج تكدب او في غنى عنه

لكن لازم حضرتك تثق برضوا في الراي الاخر وفي ان ده مش ال Common !! ومش معنى ان عربية حضرتك كانت كدة يبقى كل الالماني 1.6 كدة !!!

هتقولي مانا عربيتي Stock يبقى عيب user والواحد بس محتاج يحافظ على عربيته !!

فيه حاجة اسمها عربية فايقة متفتحة صاحبها بيجري بيها كتير عاملها كل صيانتها

زيوتها وفلاترها كلها تمام

فالماتور اتعود على الجري فبقت اسرع من الاول ودي حقيقة

جايز حضرتك العربيات اللى شديت معاهم ماكانوش متفتحين او صحابهم مالهمش في الشد

انما لو وحدنا الحالة وجبنا سيراتو / لانسر / النترا / كورولا وحالتهم زي حالة عربيتك الفانتزيا هتلاقيهم بيطلعو منك بسهولة

اصل ماينفعش ماتور 102 حصان و 8 صباب يطلع من عربية زي ال MMT اللى هي تعتبر من اقوى ال 1.6 !!

ده حتى بال Logic !! الكورولا ماتور اقوى Dual vvti + فتيس اقوى (6 سرعات ويعتبر مانويل) + وزن اخف !! ؟؟ يعني ليها افضلية في كل حاجة تقريبا ازاي بقى اقنعني ؟؟

---

حضرتك قولت المفيد في المقتبس ده..ونقطة إن جايز العربيات دي مش متفتحة أو ملهومش في الشد..لا يا باشا :) كلهم أصدقاء ليا ومجانين طريق أكتر مني ومع ذلك سديت معاهم.وأنا كلمتهم علي فكرة عشان يعملوا عضويات ويشاركوا في الموضوع ويحكوا التجربة بأمانة..وأهو بالمرة نكسب كام زبون في المنتدي هههههههههههههه..
تحياتي ليك يا زعيم :)

اقتباس:

---

المشاركة الأصلية كتبت بواسطة koshary

السيفيك غلطان غلطة عمره انه شد من الثبات الشدايه دى علشان تبقا صح من 120

---

مكانتش هتفرق .. لأن الباسات بتتعبها بعد الـ 120 وتعديها.زي ما هو كان واضح في الفيديو بتاع الموضوع اللي فات.