تقرير تغيير شجرة المياة - ابيزا 99 1400

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز
تحية طيبة،

كنت عملت موضوع من فترة عن ارتفاع درجة حرارة المحرك لفوق المعدلات الطبيعية مما ادي إلي شياط وحرق وتبخر للزيت بالاضافة الي انصهار في احد سلوك البوجيهات وقاعدة المينفولد.
وكان السبب الرئيسي في كل هذا الخراب والخلل في دورة التبريد يكمن في ثرموستات الكوع :pffft:

وبعد محاولات مضنية لتغييرها اكثر من مرة، لأن كل ما اشتري واحدة ماتشتغلش معايا
اسفرت المحاولات من فك وتركيب الي تفويت في اماكن ربط مسامير الربط الخاصة بالكوعة محل تغيير الثرموستات.
مما اضطرني لتركيبها وحكم اغلاقها بحلول بلدي مثل المعجونة السحرية والمسامير الشك وشوية عك وكلام فارغ.
وبعد سؤالي عن سبب عدم عمل الثرموستات رغم تغييره لأكثر من مرة وبعد سماعي لعدة مبررات اقتنعت بأحدهم وهو ما اتفق مع رأي أخي وصديقي وحبيبي في الله المهندس ايهاب منصور
وهو ان لكي يعمل الثرموستات ويغلق ويفتح الدورة لابد من وجود احكام للدورة وضغط كافي بداخلها ليدفع بالسوستة في الغلق والفتح.
ويبدو ان الدورة عندي كان بها خلل يؤدي لتهريب وتسريب ضغط المياة وهذا ما كنت اشعر به اولا لنقص المياة مما يعني تسريب وثانيا من فتح غطاء القربة وعدم وجود تنفيس عند الفتح
(في الاحوال الطبيعية عند فتح غطاء قربة التزويد تلاحظ تنفيس هواء وكأن الدورة مكتومة ومحبوس بداخلها هواء)

في الأيام الأخيرة لاحظت عدم انتظام في مؤشر الحرارة ونقص شديد في المياة
وعند البحث اكتشفت اثار صدأ فوق جسم الفتيس مما يعني تسريب من شجرة المياة :36_2_49[1]:

بعد البحث والسؤال والمفاضلة بين الجديد والأستيراد استقر الرأي علي شراء شجرة جديدة حتي لو صيني

وقد كان
تم شراء شجرة اخري جديدة صيني
http://www.nilemotors.net/Nile/34102...post3875528767

حاولت تركيبها بنفسي وعمل تقرير مصور بالفك والتركيب ولكن كان يجب مساعدة طرف اخر معي في التجربة مما استحال معه التصوير
ولكن سأنقل التجربة شفوياً
1- فك غطاء المحرك
2- فك الاسبراتير
3- فك جميع الخراطيم الموصلة للشجرة وتفصيلهم كالأتي
- خرطوم رفيع راجع القربة
- خرطوم ثخين مغذي للردياتير (راكب في الكوعة)
- خرطوم ثخين رجع الردياتير
- خرطوم تغذية لنظام التدفئة
- خرطوم راجع دورة نظام التدفئة
- خرطوم قادم من القربة
4- فك قاعدة تثبيت فيش وضفيرة المحرك
5- فك التيلة المثبتة للشجرة في ماسورة التغذية القادمة من طرمبة المياة
6- فك المسامير الثلاثة المثبتة للشجرة في جسم بلوكة المحرك

شرح فتحات الدخول والخروج في شجرة المياة

http://nileup.com/up/watermark.php?s...975592.jpg&p=c

http://nileup.com/up/watermark.php?s...975591.jpg&p=c


بعد الفك والتركيب تم ملء الدورة بمياة عادية من الحنفية مؤقتاً للتأكد من سلامة التركيب وكفاءة عمل الشجرة والثرموستات وحساس الحرارة

اثناء الفك اكتشفت ان التسريب مصدره قطع في خرطوم الراجع من القربة:Copy of majd(4):
الحمدلله علي كل حال
علي جميع الاحوال كنت انوي تغييرها بسبب العك المعمول في الشجرة وخوفي انها تضرب في اي لحظة

انتهي التقرير

صورة التسريب

http://nileup.com/up/watermark.php?s...952581.jpg&p=c

http://nileup.com/up/watermark.php?s...952582.jpg&p=c

http://nileup.com/up/watermark.php?s...952583.jpg&p=c


محاولة العمل الفردي

http://nileup.com/up/watermark.php?s...953541.jpg&p=c


صور الشجرة الجديدة

http://nileup.com/up/watermark.php?s...954401.jpg&p=c

http://nileup.com/up/watermark.php?s...954402.jpg&p=c

http://nileup.com/up/watermark.php?s...954403.jpg&p=c

http://nileup.com/up/watermark.php?s...954404.jpg&p=c

http://nileup.com/up/watermark.php?s...954405.jpg&p=c

http://nileup.com/up/watermark.php?s...954406.jpg&p=c



ملاحظات ودروس مستفادة
- احد اهم اسباب خشونة وتلف ثرموستات الكوعة استخدام مياة الحنفية لأحتوائها علي نسبة عالية من الأملاح.
- ضرورة مراجعة مستوي سائل التبريد مرة كل اسبوع بعد الأطمئنان علي سلامة دورة التبريد.
- مراقبة مؤشر الحرارة في لوحة العدادات اثناء القيادة علي فترات متقاربة

تحياتي للجميع وانتظروني في صيانة جديدة وتقرير جديد ان شاء الله

والله المستعان
،
،

تسلم ايدك على التقرير
ياترى غيرت الثرموستات؟

اقتباس:

---

المشاركة الأصلية كتبت بواسطة Karim Ibiza

تسلم ايدك على التقرير
ياترى غيرت الثرموستات؟

---

الله يسلمك يا كريم
الشجرة معاها كل حاجة (ثرموستات وحساس حرارة)
http://www.nilemotors.net/Nile/34102...post3875528767

تحياتي

قدر الله ماشاء فعل والحمد لله على كل شى

مهندس مفيش كلام ربنا يباركلك فيها الصراحه انا كنت عاوزز اركب شجره الميه بس بعد اللى حصل معاك قررت انى ااجلها للشتا علشان الصيف ومشاكل السخونه بعد اللى حصل معاك خاصه ان انا بقرص على المكنه جامد

مبرووووووك والله كنت اتمنى اقعد معاك نعملها مع بعض بالتوفيق وقولنا على النتيجة

اقتباس:

---

المشاركة الأصلية كتبت بواسطة ahmed pico

قدر الله ماشاء فعل والحمد لله على كل شى

---

شكراً علي مرورك الطيب

اقتباس:

---

المشاركة الأصلية كتبت بواسطة nesr6060

مهندس مفيش كلام ربنا يباركلك فيها الصراحه انا كنت عاوزز اركب شجره الميه بس بعد اللى حصل معاك قررت انى ااجلها للشتا علشان الصيف ومشاكل السخونه بعد اللى حصل معاك خاصه ان انا بقرص على المكنه جامد

---

الله يخليك ويبارك فيك
يجب تغييرها في اقرب وقت ممكن

تحياتي

اقتباس:

---

المشاركة الأصلية كتبت بواسطة mahmoudelsayed

مبرووووووك والله كنت اتمنى اقعد معاك نعملها مع بعض بالتوفيق وقولنا على النتيجة

---

الله يبارك فيك يا حودة
ولا يهمك يا صديقي، الحمدلله عملتها وكان معايا عم علاء شغال معايا ونبهني لكام نقطة
الحمدلله ان تفكيري هداني اعملها عند ورشة عصام
اولا خدت منه عدة
ثانيا عم علاء ساعدني كتير
ثالثا عصام اشرف علي عملية الفك والتركيب

تحياتي

مبروك عمل الصيانه
وكويس انك عملتها قبل دخول الصيف
بالتوفيق لك وللجميع

معلشى انا ماقصدش شجره الميه انا اقصد ترموثتات الكوعه كنت عاوز اركبها بس خفت من الصيف وفكرت اخيها الشتا اللى جاى

اقتباس:

---

المشاركة الأصلية كتبت بواسطة hossamalsadik

مبروك عمل الصيانه
وكويس انك عملتها قبل دخول الصيف
بالتوفيق لك وللجميع

---

الله يبارك فيك
الحمدلله علي كل حال

تحياتي

اقتباس:

---

المشاركة الأصلية كتبت بواسطة nesr6060

معلشى انا ماقصدش شجره الميه انا اقصد ترموثتات الكوعه كنت عاوز اركبها بس خفت من الصيف وفكرت اخيها الشتا اللى جاى

---

لو دورة التبريد مظبوطة مش هتفرق معاك صيف من شتا
توكل علي الله واعملها واغسل الدورة وان شاء الله مفيش مشاكل

تحياتي

مبروك يا هندسه بالتوفيق ان شاء الله

الف مبروك الشجرة الجديدة وتحياتى على التقرير الممتاز ... وان شاء الله تبقى خير عليك

ان بصراحة نفسى قفلت من ثرموثتات الكوعة دى بعد الفصل البايخ اللى عملته معايا ...

اقتباس:

---

المشاركة الأصلية كتبت بواسطة ehab_mansour

مبروك يا هندسه بالتوفيق ان شاء الله

---

الله يبارك فيك يا صديقي

تحياتي

اقتباس:

---

المشاركة الأصلية كتبت بواسطة mahmoud ghanem

الف مبروك الشجرة الجديدة وتحياتى على التقرير الممتاز ... وان شاء الله تبقى خير عليك

ان بصراحة نفسى قفلت من ثرموثتات الكوعة دى بعد الفصل البايخ اللى عملته معايا ...

---

الله يبارك فيك يا حودة
يا صديقي لو الدورة مظبوطة ان شاء الله مايحصلش مشاكل من الثرموستات
ما الدنيا كلها عندها الثرموستات راكب

نجرب نركبها علي الشتا الجاية

تحياتي

اقتباس:

---

المشاركة الأصلية كتبت بواسطة mahmoud ghanem

الف مبروك الشجرة الجديدة وتحياتى على التقرير الممتاز ... وان شاء الله تبقى خير عليك

ان بصراحة نفسى قفلت من ثرموثتات الكوعة دى بعد الفصل البايخ اللى عملته معايا ...

---

يا محمود يا صديقي العزيز هي مش نفس متزعلش مني ... دي انظمة مصممه و معمول حساب كل شيء فيها و كل نقص او زيادة ليها ضررها لذلك انصحك لله متمشيش وري الفكر اللي يقلك يا عم كبر دماغك

و في الاخر و الاول ده شيء يرجعلك فيه القرار و لكن وجب علينا النصيحة

اقتباس:

---

المشاركة الأصلية كتبت بواسطة syd

الله يبارك فيك يا حودة
يا صديقي لو الدورة مظبوطة ان شاء الله مايحصلش مشاكل من الثرموستات
ما الدنيا كلها عندها الثرموستات راكب

نجرب نركبها علي الشتا الجاية

تحياتي

---

فى الشتاء يبقى تمام بس هو السؤال اعرف من فين انها شغالة كويس ؟ غير مؤشر الحرارة

اقتباس:

---

المشاركة الأصلية كتبت بواسطة ehab_mansour

يا محمود يا صديقي العزيز هي مش نفس متزعلش مني ... دي انظمة مصممه و معمول حساب كل شيء فيها و كل نقص او زيادة ليها ضررها لذلك انصحك لله متمشيش وري الفكر اللي يقلك يا عم كبر دماغك

و في الاخر و الاول ده شيء يرجعلك فيه القرار و لكن وجب علينا النصيحة

---

طب دلوقتى انا معايا الثرموثتات اعرف من فين انها شغالة كويس وبتقوم بالدور المطلوب منها غير مؤشر الحرارة ..
علشان انا المؤشر فى الماتور القديم كان تمام والحرارة مزادتش عن النصف وبردوا جابت جواان

هل فى اختبار ليها يأكد انها بتقوم بدورها وخصوصا فى التبريد لما الماتور بيسخن ؟؟

اقتباس:

---

المشاركة الأصلية كتبت بواسطة mahmoud ghanem

طب دلوقتى انا معايا الثرموثتات اعرف من فين انها شغالة كويس وبتقوم بالدور المطلوب منها غير مؤشر الحرارة ..
علشان انا المؤشر فى الماتور القديم كان تمام والحرارة مزادتش عن النصف وبردوا جابت جواان

هل فى اختبار ليها يأكد انها بتقوم بدورها وخصوصا فى التبريد لما الماتور بيسخن ؟؟

---

بص يا حودة
عايز تختبر الثرموستات وتشوفها شغالة ولا لاء
اولا ركبها
طبعا لما تركبها هتفضي ماية الشجرة والبلوكة
هتلاقي عندك خرطومين داخلين علي الشجرة
منهم واحد هتلاقي درجة حرارته باردة اول لما تدور العربية
هتفضل تتشيك عليه كل شوية
اول لما تلاقيه سخن - يبقي كدة الثرموستات كانت قافلة وفتحت وسمحت للمياة المحبوسة جوة المحرك انها تخرج
شوية وهتلاقي المروحة اشتغلت (دارت) هتفضل مراقبها ومراقب مؤشر الحرارة
لو المروحة فصلت والحرارة مازالت ثابتة يبقي الثرموستات رجعت قفلت تاني

دة غير طبعا انك تخرج تجري بالعربية في طريق مفتوح (يستحسن بليل) علي الاقل 10 دقايق متصل علي سرعة 90 مثلا

تحياتي

اقتباس:

---

المشاركة الأصلية كتبت بواسطة syd

بص يا حودة
عايز تختبر الثرموستات وتشوفها شغالة ولا لاء
اولا ركبها
طبعا لما تركبها هتفضي ماية الشجرة والبلوكة
هتلاقي عندك خرطومين داخلين علي الشجرة
منهم واحد هتلاقي درجة حرارته باردة اول لما تدور العربية
هتفضل تتشيك عليه كل شوية
اول لما تلاقيه سخن - يبقي كدة الثرموستات كانت قافلة وفتحت وسمحت للمياة المحبوسة جوة المحرك انها تخرج
شوية وهتلاقي المروحة اشتغلت (دارت) هتفضل مراقبها ومراقب مؤشر الحرارة
لو المروحة فصلت والحرارة مازالت ثابتة يبقي الثرموستات رجعت قفلت تاني

دة غير طبعا انك تخرج تجري بالعربية في طريق مفتوح (يستحسن بليل) علي الاقل 10 دقايق متصل علي سرعة 90 مثلا

تحياتي

---

الله ينور يا هندسه
اضافة علي كلامك
بعد التركيب اللي مهندس سيد قاله يا محمود بيه هتتأكد من ملأ الدورة بالمياة و تدور العربية و تلاحظ المؤشر و اول ما يقرب من درجة حرارة التشغيل الطبيعية (90 ) تلاحظ الخرطوم الخارج من كوعة الثرموستات هتلاقيه سخن و بعدين المراوح تدور .......
قانون اساسي لازم تعرفه ... طالما المراوح دارت و فصلت = الثرموستات فتح و الدورة اكتملت مياة و الدنيا زي الفل

و طوال مانت راكب العربية تلاحظ المؤشر كل شوية بشكل طبيعي
انا ركبت اتنين ثرموستات من يوم ما اشتريت العربية حتي الان و مبعرفش امشي من غيره

دانا بفضل ماشي الصبح سرعه اقل من 80 و ار بي ام اقل من 2500 لحد ما الحرارة ترفع 90 و بعدين امشي براحتي و ده مبيحصلش معايا في الشتاء بدون ثرموستات اطلاقا بسبب اني بمشي سرعات دائما و الجو مفتوح في طريقي في اكتوبر للشغل !!!!!!!!!!!!!!!! طيب امشي ازاي انا من غيره طيب ؟؟؟؟؟؟؟ امشي علي حرارة 60 علي المؤشر ؟؟؟

ربنا المستعان

اقتباس:

---

المشاركة الأصلية كتبت بواسطة ehab_mansour

الله ينور يا هندسه
اضافة علي كلامك
بعد التركيب اللي مهندس سيد قاله يا محمود بيه هتتأكد من ملأ الدورة بالمياة و تدور العربية و تلاحظ المؤشر و اول ما يقرب من درجة حرارة التشغيل الطبيعية (90 ) تلاحظ الخرطوم الخارج من كوعة الثرموستات هتلاقيه سخن و بعدين المراوح تدور .......
قانون اساسي لازم تعرفه ... طالما المراوح دارت و فصلت = الثرموستات فتح و الدورة اكتملت مياة و الدنيا زي الفل

و طوال مانت راكب العربية تلاحظ المؤشر كل شوية بشكل طبيعي
انا ركبت اتنين ثرموستات من يوم ما اشتريت العربية حتي الان و مبعرفش امشي من غيره

دانا بفضل ماشي الصبح سرعه اقل من 80 و ار بي ام اقل من 2500 لحد ما الحرارة ترفع 90 و بعدين امشي براحتي و ده مبيحصلش معايا في الشتاء بدون ثرموستات اطلاقا بسبب اني بمشي سرعات دائما و الجو مفتوح في طريقي في اكتوبر للشغل !!!!!!!!!!!!!!!! طيب امشي ازاي انا من غيره طيب ؟؟؟؟؟؟؟ امشي علي حرارة 60 علي المؤشر ؟؟؟

ربنا المستعان

---

وانا كذلك
انت مش متصور حجم معاناتي من غيره
كل لما ازود عن 40 الاقي الحرارة نزلت للابيض
افضل مستني اي عربية نقل وافضل ماشي في ديلها بمسافة تقل عن متر ونص وعلي حسب سرعته
بيجري فوق 80 بجري وراه - تحت ال60 بهدي وراه
وكل دة ومحافظ علي المسافة بيني وبينه (حوالي متر ونص او اقل)
ويا سلام لو مش محمل وبياكل مطبات - انا في ظهره عدل
بقعد اصوت جوة العربية "هتدغدغلي العربية يا ابن اللذينة - هدي الله يهديك) :-)

عذاب المشي في الشتا بدون ثرموستات

الله ينور علينا وعليك يا بشمهندس ايهاب

اقتباس:

---

المشاركة الأصلية كتبت بواسطة syd

وانا كذلك
انت مش متصور حجم معاناتي من غيره
كل لما ازود عن 40 الاقي الحرارة نزلت للابيض
افضل مستني اي عربية نقل وافضل ماشي في ديلها بمسافة تقل عن متر ونص وعلي حسب سرعته
بيجري فوق 80 بجري وراه - تحت ال60 بهدي وراه
وكل دة ومحافظ علي المسافة بيني وبينه (حوالي متر ونص او اقل)
ويا سلام لو مش محمل وبياكل مطبات - انا في ظهره عدل
بقعد اصوت جوة العربية "هتدغدغلي العربية يا ابن اللذينة - هدي الله يهديك) :-)

عذاب المشي في الشتا بدون ثرموستات

---

اقتباس:

---

المشاركة الأصلية كتبت بواسطة syd

الله ينور علينا وعليك يا بشمهندس ايهاب

---

اكرمكم الله يا هندسه
ههههههههههههههههههه اسلوبك تحفة في سرد احداث المشي ورا النقل :44:
حبيبي يا هندسه

الترموستات مهمه واهميتها خاصة فى الشتاء والجو البارد
افضل طريقه لاختبارها من وجة نظرى الطرق المفتوحه سواء شتاءا او صيفاً
حافظ على ان تكون مياه التبريد نضيفه ده هيجنبك تلف الترموستات وكمان البلوكه ودوة التبريد بالكامل

اقتباس:

---

المشاركة الأصلية كتبت بواسطة ehab_mansour

اكرمكم الله يا هندسه
ههههههههههههههههههه اسلوبك تحفة في سرد احداث المشي ورا النقل :44:
حبيبي يا هندسه

---

:S_thum1[1]:

اقتباس:

---

المشاركة الأصلية كتبت بواسطة hossamalsadik

الترموستات مهمه واهميتها خاصة فى الشتاء والجو البارد
افضل طريقه لاختبارها من وجة نظرى الطرق المفتوحه سواء شتاءا او صيفاً
حافظ على ان تكون مياه التبريد نضيفه ده هيجنبك تلف الترموستات وكمان البلوكه ودوة التبريد بالكامل

---

http://www.nilemotors.net/Nile/image...um1%5B1%5D.gif

الثرموستات بكل تأكيد مهمة
كمان احب اضيف ان سوائل التبريد التي تحتوي علي مادة زيتية لها أكبر الأثر في الحفاظ علي طرمبة المياة وتزييت سوستة الثرموستات بالأضافة علي ابقائها دون صدأ

تحياتي

شكرا على المعلومات القيمة ولكن عندى سؤال.. عربيتى مو2000 وعندى مشكلة نقص المية بصورة غريبة شوية .... كل اسبوع بزود فى القربة حوالى نص ليتر ودة مش طبيعى طبعا بس الحرارة الحمد لله ثابتة على ال90 ... بس هل استمرار نقص المياة دة حيأثر مستقبلا مع العلم ان ما فيش اى تسريب واضح لدورة المية .... ملحوظة ... صديق لى قالى ان غطا القربة عندى مش اصلى وبيسرب !!!! . رجاء الأفادة

اقتباس:

---

المشاركة الأصلية كتبت بواسطة flamingo

شكرا على المعلومات القيمة ولكن عندى سؤال.. عربيتى مو2000 وعندى مشكلة نقص المية بصورة غريبة شوية .... كل اسبوع بزود فى القربة حوالى نص ليتر ودة مش طبيعى طبعا بس الحرارة الحمد لله ثابتة على ال90 ... بس هل استمرار نقص المياة دة حيأثر مستقبلا مع العلم ان ما فيش اى تسريب واضح لدورة المية .... ملحوظة ... صديق لى قالى ان غطا القربة عندى مش اصلى وبيسرب !!!! . رجاء الأفادة

---

قبل اى حاجة لازم تتأكد ان مفيش تسريب من الخراطيم او من شجرة المياه او من عند الطرمبة

بعد كده تبدأ تدور على تسريب البخار زى ما قالك صاحبك على غطا القربة
روح لميكانيكى شاطر او حد بتاع ردياتيرات يكبسلك الدورة ويعرف التسريب منين

ملحوظه هوا حضرتك بتزود المايه كل اسبوع مايه ايه ؟ اوعى تكون المياه العاديه على الاقل لحد ماتظبط دورة المياه ( دورة مياه التبريد ) حط مياه مقطره بس عشان تحافظ على البلوكه من التأكل وكمان تحافظ على طرمبة المايه والرداتيير وخلافه من الصدأ

وبعد ماتكشف على الدوره كويس وتطمن أن مافيش أى تسريب اكشف على غطاء القربه بيبقى فيه كوتشه هل هى موجوده من عدمه وهى فعلا ممكن تسرب ميه وتحدياً بخار المايه لان دورة التبريد بعد ما الميه بتسخن بيكون ضغط البخار عالى فممكن الغطا لو مش محكم يسربه
وممكن لما العربيه تسخن وضغط بخار المايه بيكون عالى وقتها تبص على الدوره نظره متفحصه بعنيك لو فى تسريب ممكن تشوفه

وبعد ماتنتهى المشكله ماتنساش تحط المياه الموصى بها ++ g12

بالتوفيق

يا باشا مفيش اي حاجة واحنا هنا عشان نساعد بعض
موضوع انك تزود مياة كل اسبوع فدة شئ غير طبيعي في دورة تبريد مغلقة
مغلقة يعني مالهاش غير منفذ تزويد واحد فقط (القربة) وباقي الدورة مغلقة في قلب بعضها
وبالتالي طالما في نقص في مستوى سائل التبريد يبقي اكيد في تسريب
راجع علي غطا القربة وغيره ان امكن
راجع علي كل الخراطيم وكل الافايز بتاعتها
راجع علي الشجرة
راجع علي الريدياتير نفسه
واخيراً ولكنه مستبعد - راجع علي طبات المحرك
انا ابتديت معاك بالأسهل والاكبر احتمال تلفه للاصعب والمستبعد حدوث تلفه

تحياتي وفي انتظار ردك للمتابعة معاك لحد لما تحل مشكلتك ان شاء الله

والله المستعان
،
،

اقتباس:

---

المشاركة الأصلية كتبت بواسطة flamingo

شكرا على المعلومات القيمة ولكن عندى سؤال.. عربيتى مو2000 وعندى مشكلة نقص المية بصورة غريبة شوية .... كل اسبوع بزود فى القربة حوالى نص ليتر ودة مش طبيعى طبعا بس الحرارة الحمد لله ثابتة على ال90 ... بس هل استمرار نقص المياة دة حيأثر مستقبلا مع العلم ان ما فيش اى تسريب واضح لدورة المية .... ملحوظة ... صديق لى قالى ان غطا القربة عندى مش اصلى وبيسرب !!!! . رجاء الأفادة

---

يا باشا مفيش اي حاجة واحنا هنا عشان نساعد بعض
موضوع انك تزود مياة كل اسبوع فدة شئ غير طبيعي في دورة تبريد مغلقة
مغلقة يعني مالهاش غير منفذ تزويد واحد فقط (القربة) وباقي الدورة مغلقة في قلب بعضها
وبالتالي طالما في نقص في مستوى سائل التبريد يبقي اكيد في تسريب
راجع علي غطا القربة وغيره ان امكن
راجع علي كل الخراطيم وكل الافايز بتاعتها
راجع علي الشجرة
راجع علي الريدياتير نفسه
واخيراً ولكنه مستبعد - راجع علي طبات المحرك
انا ابتديت معاك بالأسهل والاكبر احتمال تلفه للاصعب والمستبعد حدوث تلفه

تحياتي وفي انتظار ردك للمتابعة معاك لحد لما تحل مشكلتك ان شاء الله

والله المستعان
،
،

اقتباس:

---

المشاركة الأصلية كتبت بواسطة syd

بص يا حودة
عايز تختبر الثرموستات وتشوفها شغالة ولا لاء
اولا ركبها
طبعا لما تركبها هتفضي ماية الشجرة والبلوكة
هتلاقي عندك خرطومين داخلين علي الشجرة
منهم واحد هتلاقي درجة حرارته باردة اول لما تدور العربية
هتفضل تتشيك عليه كل شوية
اول لما تلاقيه سخن - يبقي كدة الثرموستات كانت قافلة وفتحت وسمحت للمياة المحبوسة جوة المحرك انها تخرج
شوية وهتلاقي المروحة اشتغلت (دارت) هتفضل مراقبها ومراقب مؤشر الحرارة
لو المروحة فصلت والحرارة مازالت ثابتة يبقي الثرموستات رجعت قفلت تاني

دة غير طبعا انك تخرج تجري بالعربية في طريق مفتوح (يستحسن بليل) علي الاقل 10 دقايق متصل علي سرعة 90 مثلا

تحياتي

---

الله ينور يا صديقى

اقتباس:

---

المشاركة الأصلية كتبت بواسطة ehab_mansour

الله ينور يا هندسه
اضافة علي كلامك
بعد التركيب اللي مهندس سيد قاله يا محمود بيه هتتأكد من ملأ الدورة بالمياة و تدور العربية و تلاحظ المؤشر و اول ما يقرب من درجة حرارة التشغيل الطبيعية (90 ) تلاحظ الخرطوم الخارج من كوعة الثرموستات هتلاقيه سخن و بعدين المراوح تدور .......
قانون اساسي لازم تعرفه ... طالما المراوح دارت و فصلت = الثرموستات فتح و الدورة اكتملت مياة و الدنيا زي الفل

و طوال مانت راكب العربية تلاحظ المؤشر كل شوية بشكل طبيعي
انا ركبت اتنين ثرموستات من يوم ما اشتريت العربية حتي الان و مبعرفش امشي من غيره

دانا بفضل ماشي الصبح سرعه اقل من 80 و ار بي ام اقل من 2500 لحد ما الحرارة ترفع 90 و بعدين امشي براحتي و ده مبيحصلش معايا في الشتاء بدون ثرموستات اطلاقا بسبب اني بمشي سرعات دائما و الجو مفتوح في طريقي في اكتوبر للشغل !!!!!!!!!!!!!!!! طيب امشي ازاي انا من غيره طيب ؟؟؟؟؟؟؟ امشي علي حرارة 60 علي المؤشر ؟؟؟

ربنا المستعان

---

ايون والله فى الشتاء بعمل كدة

مشاء الله اداء متميز ,, وبالتوفيق

اقتباس:

---

المشاركة الأصلية كتبت بواسطة Hazem_Ahmed

مشاء الله اداء متميز ,, وبالتوفيق

---

شكراً علي مرورك الطيب

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

بارك الله فيك ع الافاده الجميله دى

يعنى عصام كان عنده حق بقى لما اصر انى مركبش ترموستات الكوعة وقالى ان م.محمد سيد بيعانى منها وعاملالو مشاكل ، وعشان كده لسه مركبتش انا كمان الترموستات بتاع الكوعه