الله ينور بصيرتك موضوع ولا اروع
الله ينور بصيرتك موضوع ولا اروع
مجهود محترم
انا تعبت على ما اخدت القرار وكنت محتار بين العربيات دى فعلا
والحمد لله اخترت الأسترا باقتناع لأن فيها اللى بدور عليه
وبقول لكل واحد هيشترى
اسمع من غيرك
وبعدين فكر .. وخد قرارك باقتناع للعربية اللى بتحبها
متابع
عندي سؤال بعد إذنك .... انت ليه مادخلتش السوبارو امبريزا في المقارنة ؟
عشان مكنتش لسة جمعت معلوما عنها و بعديها بشوية عملتها :
http://www.nilemotors.net/Nile/418162-a.html
تحت امرك في اي مقارنة :)
وفين ياعم الكروز من الفيلم ده !!!!!!!
سيراتو
هو بس الاسترا فيها فوانيس سبورة خلفية في الفئتين انجوي و كوزمو و كمان الاسترا فيها أضواء نهارية في الفئتين حضرتك كاتب مفيش
و فيها نور باركينج و وحدات رفع في الفئتين و دول مش موجودين في الكورولا علي الأقل معرفش الباقي بس الباركينج بس في الاسترا و الفوكس اظن
بصراحة هذه أفضل مقارنة وأفضل مناقشة استمتعت بها على هذا الموقع وأحيي الجميع على كل المشاركات
وأقترح على سيادتك (heeshooheeshoo) لإثراء هذا الموضوع أكثر وأكثر أن تشارك بإرسال المقارنة التي ذكرتها والتي قمت بعملها على Excel Sheet وحتى تعم الاستفادة
كما أنني حاليا بصدد الشراء وعلى وشك أخذ القرار وسيكون هذا مفيد لي شخصيا جدا في اتخاذ القرار الصحيح
تحياتي للجميع وبارك الله لكم في مجهوداتكم الرائعة.... فأنتم جميعا حقا مميزون
تحياتي للجميع
بالنسبة للفوكس:
من متابعتي لمناقشة عن الESP في قسم الفورد كان هناك خلاف ولكن من الردود تم الاتفاق على إن الفوكس بها ESP وهو مرتبط بخاصية اسمها Traction Control وهو مذكور أيضا في البروشور المعلن على موقع الوكيل
فقط أردت التوضيح حيث أن المقارنة المنشورة تفيد أنه لا يوجد ESP
تحياتي للجميع
وقت عمل المقارنة كان في تخبط جامد في الوكيل و معندهمش معلومات دقيقة و الاقوي من كدة كان عندهم ٢ بروشور و كل واحد فيه معلومات متضاربة مع التاني فرحتلهم و كان ساعتها نازلة بال esp في الهاي لاين فقط هبقي اصور البروشور.
بعد كدة عرفت انها نزلت في جميع الفئات و هتلاقي الكلام ده في التعليقات السابقة من الاعضاء
تسلم ايدك ,,,,,,
تقرير رائع هيفيد ناس كتير
والتعلقيات كملت التقرير
احسدك على نشاطك :36_7_7[1]:
مجهود رائع مشكور ,, جزاكم الله خيرا
وارجو منكم المساعده ( ان شاء الله هاغير عربيتي اليومين دول وروحت اتفرجت علي كل العربيات المذكوره باستثناء الالنترا ,,,, استقريت اخيرا علي واحده من تلاته 1-استرا 185 ,,2-فلؤينس 179 ,,3- فوكاس 187 اللي هي مذكوره في التقرير بسعر 195 ( عبد اللطيف جميل رخص سعر الفورد ونزل سعر الفايده بالنسبه للتقسيط ,,شكله هينافس بقوه) المهم مشكلة الاسترا اللي انا شفتها ان الصالون الخلفي ضيق فعلا و كمان الفئه دي ناقصه اوبشنز كتير , الفلوينس عربيه رائعه ولا شك اوبشنز كتير وبسعر نسبيا معقول و صالونها واسع ولكن للاسف بالنسبه لي فيها عيب مهم ,,,, انها مع اخويا ومعاه واجمد لون فيها من وجهة نظري المتواضعه اللي هو الموكا (البني) زائد اني شايف ان عزلها نسبيا مش عالي ,, يعني كنت راكب معاه والعربيه مقفوله كويس والتكييف شغال وعدينا علي دخان فشميت ريحته جوه العربيه ,,, وكمان نسبيا صوتها عالي شويه , باقي الفوكاس للاسف ماعرفش حاجه عن ادائها علي الطريق وان كان شكلها عجبني جدا من بره ومن جوه , اوبشنز اقل شويه من الفلوينس بس مش فقيره يعني , هي اقرب واحده فيهم بالنسبه لي ..... بس محتاج حد يعرفني ادائها ع الطريق والثبات واستهلاك البنزين والوكيل كويس ولا وحش واسعار الصيانات وقطع الغيار ,,, وترشيحاتكم ونصايحكم هتحدد لي بشكل كبير اجيب ايه
..... اسف علي التطويل ,, منتظر المشاركه و جزاكم الله خيرا
والله ياباشا انا معاك ان الفلوانس عربية محترمه وركوبه حلوه بس زي ما قلت قبل كده اخويا لسه جايبها من أقل من شهر، انا ماليش تعليق سلبي عليها غيرش بس اني حاسس ان عزلها مش عالي، وبعدين ياباشا انا من ساعة ما ركبت جوه الفوكس وهي داخله دماغي جامد بصراحة، بس بيقولولي ان دي 2014 وهينزلو 2015 بشكل جديد، مش عارف برده مدى صحة الكلام ده خصوصا اني اصلا ماعرفش الشكل 2014 ده من كام سنه بالظبط، فمتلخبط حبتين.
طيب هوا ايه اخبار البنزين في المقارنة ده - معدل الاستهلاك و نوع البنزين 92 او 95
انا مهتم بالفورد فوكاس و الكورلا و السيفك
طيب في حد عنده ارقام و نوع البنزين
كله 92 ماعدا الفوكاس 95 علي تانك البنزين و الاسترا بتحصل كركرة و تسقيف من 92 الا لو بنزينة نضيفة جدا او 95 .
عندي مثال لافضل استهلاك في الكورولا علي الطوالي جبته علي مثبت السرعة بالتكييف علي سرعة 100 كم كانت 4.3 لتر كل 100 كم اما وسط البلد 8 الي 9 لتر كل 100 كم و الفلوانس ارقام قريبة من دي و اعلي منهم شوية السيراتو ثم الهوندا ثم الالنترا ثم فوكاس ثم استرا
باشمهندس محمد......
كل سنة وأنت طيب يا باشا.
لى تعليق بس لو تسمح..... الأسترا مش فى آخر القائمة، لأن الأرقام عندى مش بعيد عن الكورولا وأكيد أقل من السيراتو والالنترا من التجربة العملية مع زملاء معهم العربيتين.
وأظن الفوكاس كمان أحسن منهم وأحسن الأسترا. السيفيك مش عارف بقى الصراحة اخبارها ايه.
تحياتى يا باشا
و معظم العربيات ده مكتوب على التانك 95
...
و حضرتك طيب يا دكتورنا المحترم .
التجربة العملية للاستهلاك مهمة و لكن الاستهلاك بيفرق من شخص للتاني و ظروف الطريق و ممكن كمان لو نفس الشخص ساق عربيتين يطلع استهلاك مختلف في رأي الارقام هتبقي ريفيرنس صلب نتكلم عليه لانه بيبقي معمول في احسن ظروف و بمقاييس معينة .
http://nileup.com/up/uploads/nilemotors_14130240801.jpg
ملحوظة اخري واحد صديق لي معاه الاسترا و كانت بتواجه مشكلة مع البنزين 92 و راح عمل تحديث لسوفت وير في فرع منصور و مشكلة التقطيع بتاع البنزين قلت جامد عن الاول و لكن استهلاك البنزين بقي عالي جدا جدا و اعلي من الارقام اللي مكتوبة دي كمان .
تحياتي لحضرتك
ان شاء الله حجيب الفوكاس الاسبوع دا بس انا اعرف انها بنزين 92
ربنا يوفقك بصراحه مجهود خرافي
بس نفسي تكتبلي السول كمان
هو ليه المازدا 3 مش في المقارنة ؟؟؟