100 100
يا باشا ده موضوع اكتر من ممتاز
• موضوع مترابط.
• موضوع دقيق ومنظم تنظيم عالي جداً.
• مجهود ذهني وفي وقت حضرتك يا باشا.
واخيراً يا باشا من شدة تكامل الموضوع الاختلافات النقاشية تكاد تكون منعدمه.
وبصراحه انا استفدت جداً من هذا الموضوع.
شكرا يا باشا علي المجهود المميز.
تسلم يا محمد باشا
شوية جداول من الآخر الصراحة
أنا متعود قبل ما اشترى عربية أعمل جداول زى دى واحطها على الموبايل. وكانت الناس فى المعارض تستغرب أوى من إللى أنا عامله
بس سيبك إنت....شايف الأسترا متألقة ازاى، خصوصاً على الكورولا..... ;-)
هههههههه
صباح الفل يا كبير
أفضل شيء في المقارنات .. الجداول والأرقام .. وهذا ما فعله باختصار وامتياز الأستاذ محمد هاني .. فجزاه الله خيرا وننتظر المزيد بإذن الله تعالى .
موضوع مفيد جدا جدا وهى دى المقارنة الصح تسلم ايديك
بس مكتوب ان الاسترا الفئة الاولى فيها 4 ايرباج بينما كل الفئات الاولى فى العربيات التانية الفئة الأولى 2 ايرباج بس
فهل ده صحيح؟
وحاجة كمان هل سنة الصنع تفرق فى المقارنة
بمعنى ان الاسترا ظهرت فى 2013 بينما الكورولا ظهرت 2014
فهل ده عامل اعتمد عليه ان دى قدامها سنة اكتر على متقلب على افتراض انهم بيغيروا لاشكل كل 4 سنين
Many thanks for your effort
فى بعض التعديلات خاصة الأسترا
الأبعاد 4658×1814×1500 بدون المرايات
الوزن 1449 كجم أوتوماتيك، فارغة، بدون اى تجهيزات
الفئتين فيهم
فوانيس شبورة خلفية
الأضواء النهارية
إضاءة الفرامل التحذيرية أو الEPL مع الABS
الكوزمو (الفئة التانية، 200 ألف) فيها
7 سماعات
بلوتوث
فرش جلد وقماش
مش عارف تعديل إرتفاع المصابيح والFollow me Home موجودين وﻻ ﻷ فى الانجوى. بس موجودين أكيد فى الكوزمو
شكرا للتعديل يا دكتور
الوزن ١٣٩٣ بحسب البروشور للنسخة المصرية ، اللي حضرتك كاتبه ده للتربو ١.٢
خاصية ال EPL مش مكتوبة و انا سالت منصور قالولي مش متوفرة.
البروشور كاتب انهم ٦ سماعات
البلوتوث علي حد علمي كان مجهز بزراير فقط و مش شغال.
تعديل ارتفاع المصابيح مانيوال في الهاش باك و ال gtc فقط و ليس السيدان
ال follow me home غير متوفر بحسب البروشور و التوكيل
يا باشا حد ياخد معلومات زى دى من المبيعات برضو
دول كاتبين البروشور بتاع الأسترا والانسيجنيا مليانين أخطاء صريحة.
بالنسبة للوزن فأنا جايبه من كتالوج العربية وده بتاع النسخة ال16 العادية مش التربو
الEPL جزء من نظام الABS فى العربيه وده أساسى مش اختيارى. وده برضو من الكتالوج.
السماعات فى الكوزمو 7 عندى فى العربية. عاددهم يا باشا
البلوتوث تم إضافته وتفعيله فى الكوزمو 2014 إللى 200 ألف
تعديل إرتفاع المصابيح يدوياً موجود عندى برضو هو والFollow me Home مع إمكانية تعديل الوقت إللى يفضل منور لك فيه....و مجربهم عملى.
بالمرة بقى :-)
الفوكاس تقفيل ألمانى
جزاكم الله خيرا على النقاش الراقي والمعلومات القيّمة والأخلاق العالية.
السلام عليكم
اسمحولي ارد بطريقة تجيب العراك :argue1:
بالنسبة لمشاكل الاسترا:
رعشة في المحرك وبتطلع على الطارة وبتحتاج تظبيط في التوكيل
استجابة الفتيس مش اللي هي مع انها المفروض تكون رياضية شوية وسحبها في البداية مش حلو اوي ويمكن الفلوينس بفتيسها البسيط اوي دا تكون بتسحب في البداية بطريقة افضل كمان
بالنسبة للكورولا:
واطية (واطية ع الارض يعني مش هي اللي واطية) :tongue02:
بالنسبة للفلوينس:
ابعاد العربية محتاجة تعود (بقول تعود مبقولش تجيب صداع ها؟)
الجزء السفلي من الإكصدام سهل الخدش
عدم انغلاق المرايا الجانبية بالكامل
الاكصدامات ضعيفة ودهانها سهل الكشط
الثبات بعد 120 في الملفات مش حيبسطك لو كنت راكب اوبل استرا قبليها مثلاً
بالرغم ان وسائل الامان فيها كتير إلا انها اتحرمت من الـesp
فورد فوكاس:
نتش في الفتيس بس مش بتزيد ولا بتقل والنتش دا بالتعود مش حيزاولك
السيراتو:
بخل فظيع من التوكيل في وسائل الأمان يعني ايه عربية بـ200 الف مافيهاش غير abs و2 ايرباج
الالنترا:
نفس الكلام الموجه للسيراتو وخد عندك بتحب تنزل البحر كتير لو عديت بيها الـ120
السيفيك مش عايز اظلمها معرفش عنها حاجة
- من غير جدال بقى الموضوع محسوم وبيتهيئلي ان الاولى بالسعر هي الكورولا
واللي مفروس من الكورولا بقى ممكن يفكر اوي في الاوريس والامبريزا
وممكن كيا سول الشكل الجديد 2015 نزل خلاص في كونتاكت بس بتعمل 205 الف للتوب لاين :U_thin1[1]:
ايه لازمة الخناقات بقي دلوقتي هههههههههه
طب انا عاوز اتخانق معاك يا برنس ، بقي انا هاري نفسي مواضيع عن تعلية الكورولا و تعديل ارتفاع الكورولا و كاتب في المقارنة ان ارتفاعها بقي ١٥.٥ سم و بقت اعلي سيدان ممكن تلاقيه في مصر و تيجي تقول انها واطية علي الارض.
ليه كدة يا برنس ههههههه ،حبيبي صباح الفل
والله يا جماعة انا بحبكم في الله :Ka_che1[1]:
معلش والله يا جماعة ابويا دايماً يقولي كُل حمّص كتير عشان ذاكرتي تعبانة هههههههه
- 15.5 سم يا عم محمد ؟ دا ايه الهنا دا دا كدا تمام اوي
بس ايه حكاية ان العربية بتفطص جامد لو محملة 4 افراد غير السائق ؟ هي بتفطص جامد يعني ولا في الهدوء ؟
الموضوع باختصار جدا للتوضيح ،
الكورولا عالميا بتنزل بنوعين عفشة و كل واحدة بتديك خلوص ارضي مختلف.
النوع الاول في اوروبا و الدفعة الاولي فقط في مصر عفشة عادية بخلوص ارضي ١٢.٥ ،
النوع الثاني في اسيا و تشمل السوق الخليجي و الروسي عفشة رياضية متماسكة بخلوص ارضي ١٥.٥ سم.
بعد الشكاوي من الانخفاض في مصر خصوصا مع تحميل اكتر من ٣ افراد و مطبات المحروسة العجيبة قررت تويوتا ايجيبت طلب من تويوتا اليابان بوضع و تعديل العفشة ال ١٢.٥ بالعفشة ال ١٥.٥ من المصنع و ده بداية من الدفعات التي تم تسليمها من شهر يناير ٢٠١٤ معدلة من المصنع في تركيا.
اما الدفعات الاولي سيتم تعديلها بالعفشة الجديدة في تويوتا ايجيبت و قد بدائو بالفعل في تعديل عدد ٧ سيارات حتي الان
استرا أفضل في مصر
هي الكورولا فيها شاشة ؟ و لو فيها من اي فئة بالظبط ؟
شكرا مقدما
الهاي لاين فيه شاشة تاتش دي في دي و بكاميرا خلفية و نقاء صوت 4 way audio .
و في نافيجيشن بس مش شغال في مصر .
في بقي اوبشن اجمل انك ممكن تشتري الكاسيت التاتش اصلي من التوكيل بالضمان و بالكاميرا و المفاجئة ان النافيجيشن شغاااااال و سعره بالتركيب ٤٥٠٠ جنيه
أنا بصراحة نتيجة المقارنة دي لحد دلوقتي بالنسبة لي غريبة جدا!! أنا كنت متخيل إن المقارنة هتنحصر بين الكورولا والفلوينس بس علشان الوسع الداخلي والخلوص الأرضي والفتيس والتوكيل، والغريبة إنه مع عدم توافر الحاجات دي في الأسترا إلا إنها لحد اللحظة دي مازالت في المركز الأول!! صحيح الفرق مش كبير بينها وبين الاتنين التانيين، لكن فعلا هي محتلة المركز ده بقالها فترة ومحافظة عليه!! هل ده معناه إن كل السلبيات دي يمكن التغاضي عنها مقابل مميزات العربية التانية؟! ياريت يبقى في مناقشة للكلام ده، وجزاكم الله خيرا.
الموضوع مفيد جدا وشكرا على مجهودك ولكن لى سؤال من فضلك
دلوقتى بدور على عربيه فى حدود 185 الف ولكن وجدت ان المبلغ ده وصلنى من خلال المقارنة الى الفلوانس الفئه ام 188 الف و لاسترا انجوى وانا محتار
هل اختار الاوبل أو الفوانس مع العلم اننى من البحر الاحمر و اسافر للقاهره كل شهرين مرة ومعى اولاد
هل اختار الثبات على الطريق ( الاسترا )افضل ولا الارتفاع العربيه عن الارض (الفلوانس) مع مراعاه الجبال المنتشرة الموجوده فى شوارعنا
الاسترا اقدم من الكورولا الجديده و الفلوينس الفيس ليفت فى السوق و ما غيرتش حاجه فيها . لسه الكورولا و الفلوينس الجديده ما خدوش
التريند بتاعهم فى السوق بقوه و عليهم حجز استلام بيصل ل 3 شهور و برغم كده ثابتين نفسهم فى فتره قصيره وواخدين شير كويس
من الاراء و الاعجاب
فرق الثبات مش ضخم قوى . الفلوينس تقيله برضه على الطريق و الملفات و الفرق اللى بتقول عليه ممكن تبدأ تحسه من بداية سرعة
ال 180 و دى سرعه مش عامه برضه . انا لما كنت باشترى كان فى دماغى الاسترا بس بعدت عنها لسببين مهمين .
المساحه الداخليه سيئه جدا بالنسبه لحجم العربيه الخارجى و خصوصا انه انا طويل و دى مصيبه بالنسبه لى .
وزن العربيه تقيل على الموتور و الفتيس ( 1400 كجم ) مشكلة الاوبل الازليه اللى بتعدم الموتور بدرى و تقلل كفاءته و تدخل فى مواضيع السخونه
أعتقد أن نتائج الاستطلاع قد لخصت الوضع تماما.
فين ال 3008 ده اقوي من ده كله
شكرا ع المجهود
أنا شايف أفضل 3 عربيات الفلونس و الكورولا و السيفيك
سكودا رابيد؟