الحفرة اللي ع طريق الغردقة!!!

**محمود حسن** · 19-04-2014 04:16 PM

السلام عليكم ورحمة الله وبركاته
يا جماعة بجد انا مش عارف اسم الطريق ده
ولكن في الغالب هو طريق قنا-الغردقة
في حفرة فيه حصلت فيها حوادث كتيرة
اعذروني انا مش عارف اي تفاصيل تاني لأن فيه حادثة حصلت لقرايبي ع الطريق ده ولما سألنا سمعت ناس بتقول أن الحفرة دي بقالها سنين هناك
طيب لو الحكوم مسدتهاش مينفعش الأهالي يسدوها مثلا ؟ وبكسبوا ثواب ؟
أتمنى أن حد يعمل الموضوع ده
ومحدش يقولي انت محاولتش ليه تسد الحفرة لاني من صعيد مصر وما اعرفش حاجة في طرق السفر

**Ahmed.Essam** · 19-04-2014 05:47 PM

كتر خيرك على كل حال وشكرا على التنبيه
بس لو اي حد قرأ تنبيهك وبيعدي على الطريق ده وعارف الحفرة يعمل حسابه لو تكرم ياخد معاه شوال رمل ويسد بيه الحفرة دي وطبعا له ثواب كبير جدا عن ربنا لانه كده اماط الاذى عن الطريق وده مش أي أذى ده فيها ارواح ناس

**sakr_skoda** · 19-04-2014 06:23 PM

تنبيهك للموضوع فعلا حاجة جميلة ياريت اى حد قريب من اى حفر فى الطريق بحاجة بسيطة ممكن يسدها ويمنع كوارث ويكون اجره وثوابة عند الله عظيم**

**محمود حسن** · 19-04-2014 08:03 PM

شكرا يا جماعة لكل اللي شارك وإن شاء الله حد يسدها ويكسب الأجر
وكمان ندعيله بالخير وغفران الذنوب

المشاركة الأصلية كتبت بواسطة محمود سامح

الحفر ده من ايام السيول

هو حضرتك انا سمعت ناس بتقول انها من زمان قوي
لكن كل اللي اعرفه انها
1-موجودة ع طريق الغردقة
2-أعتقد اللي بيصل ما بين الغردقة وقنا
أتمنى يا جماعة لو حد يعرف اسم الطريق عشان الموضوع يبقى أوضح أكثر والناس تستفيد

**abokoko** · 19-04-2014 10:43 PM

شكرا للتنبيه
و لكن
الطريق 220كيلو
فحضرتك لو جبت معلومه اكثر دقة فسوف تكون الفائده اكبر

عموما
لنا نحن سائقي الملاكى بنفضل نمشي ورا البيجو و المكروباص
لانهم حافظين للطريق
وبنسرع لما هما يسرعوا
ونبطئ لما هما يهدوا

المشكلة معايا فى ال لادا انى مش بقدر اجاريهم فى السرعه
الا لو كان بيجو قديم وصاحبه هادى اخره 110 كيلو

**ahmedfathi** · 22-04-2014 11:17 PM

دى من سمات الطرق المصريه حتى اللى الجيش بيعملها تقعد كام سنه كده حلوه وزى الحرير وبعد كده الاهمال وعدم الصيانه يبدأ يظهر ع الطريق
حفر تلاقى ومطبات وخوازيق وغطيان بلاعات ده ع الطرق السريعه ما بالك بقى بالطرق الفرعيه

**مصطفى-حسن** · 23-04-2014 01:55 AM

اوباااااااااا
كويس ان انا سافرت قبل السيول دى
لان انا من فترة كنت طالع من سوهاج لسفاجا طريق طولة 335 كم طول الطريق مقابلتش غير 7 عربيات بس وهوة فى التلت الاخير بيشترك مع طريق قنا الغردقة اللى هوة رسميا طريق قنا سفاجا

والطريق دة على فكرة مفيش علية اى خدمات
ومجرد ما تقطع الكارتة وتعدى شبكات المحمول التلاتة بتختفى

شكرا على التنبية