إلغاء لانسر شارك ؟؟؟؟؟؟

**Yasser Zaky** · 19-04-2014 06:35 PM

أيه الموضوع الغريب ده وياترى الموضوع ده هايأثر على أسعار قطع الغيار
ذكرت تقارير صحفية بمجلة “نيمان جيدوشا شيمبون” أن شركة “ميتسوبيشي” ستوقف إنتاج سيارتها “لانسر إيفولوشن إكس” نهاية العام الجاري بسبب ضعف مبيعاتها عالميا.

أضافت التقارير أن الشركة اليابانية العريقة تخطط لإلغاء طراز “إيفولوشن إكس” والمعروف باسمه بين مجتمع السيارات “Lancer Shark” نهائيا، حيث باعت “ميتسوبيشي” من ذلك الطراز منذ أول إطلالة له في عام 1992 حوالي 92 ألف سيارة داخل اليابان و154 ألفا خارج القطر الياباني.

رابط الخبر :
صحيفة يابانية: "ميتسوبيشي" توقف إنتاج "لانسر إيفولوشن إكس" نهاية 2014 - جريدة البورصة

حد يقدر يفيدنا
ملحوظة أنت كنت ناوي أشترى الشارك على أخر الأسبوع

**seven777** · 19-04-2014 06:55 PM

هى ميتسوبيشى بتفكر تلغى لانسر ايفوليوشن و توقف انتاجها و يكون الجيل العاشر ده اخر موديل من لانسر ايفو
بس ده مش معناه و قف انتاج ميتسوبيشى لانسر اللى اخر شكل ليها لانسر ex
المفروض ان ينزل منها شكل جديد بس مش حينزل منها ايفوليوشن

**seven777** · 19-04-2014 07:00 PM

و حضرتك الشارك اللى انت عايز تشتريها ملهاش علاقة بالايفوليوشن ده فرق شاسع فى كل حاجة و الايفو فى مصر سعرها حوالى 800,000 جنيه

**Yasser Zaky** · 19-04-2014 07:48 PM

الخبر مكتوب فيه
"أضافت التقارير أن الشركة اليابانية العريقة تخطط لإلغاء طراز “إيفولوشن إكس” والمعروف باسمه بين مجتمع السيارات “Lancer Shark” نهائيا، حيث باعت “ميتسوبيشي” من ذلك الطراز منذ أول إطلالة له في عام 1992 حوالي 92 ألف سيارة داخل اليابان و154 ألفا خارج القطر الياباني."
بمعنى أن الايفو هي الشارك وهو ده اللي عملي قلق

شكرا أ / seven777 على الافادة

**seven777** · 19-04-2014 07:55 PM

يا استاذ ياسر اللى مقصود فى الخبر هى لانسر ايفوليوشن و ممكن حضرتك تعمل سيرش فى جوجل و تتأكد بنفسك
لكن ميتسوبيشى لانسر العادية مش حيقف انتاجها حيتغير شكلها بس

**walidzakzok** · 19-04-2014 08:02 PM

المشاركة الأصلية كتبت بواسطة yasser zaky

الخبر مكتوب فيه
"أضافت التقارير أن الشركة اليابانية العريقة تخطط لإلغاء طراز “إيفولوشن إكس” والمعروف باسمه بين مجتمع السيارات “lancer shark” نهائيا، حيث باعت “ميتسوبيشي” من ذلك الطراز منذ أول إطلالة له في عام 1992 حوالي 92 ألف سيارة داخل اليابان و154 ألفا خارج القطر الياباني."
بمعنى أن الايفو هي الشارك وهو ده اللي عملي قلق

شكرا أ / seven777 على الافادة

الزميل رد على حضرتك بس المعلومة مش واصلة ليك صح الموضوع بيتكلم عن الايفو ودي بتاخد شكل اللانسر يعني الايفو الحالية شبه الشارك بس طبعا فرق السما من الارض ومش معنى ان الايفو هاتقف يبقى اللانسر الشارك هاتقف ولو ركزت هتلاقي انه اتباع منهحوالي 250 الف عربية فى 22 سنة اما اللانسر العادية تخطت الرقم دة باضعاف مضاعفة

**Yasser Zaky** · 19-04-2014 09:12 PM

شكرا للأعضاء الأفاضل على الافادة القيمة والردود الوافية
الحمد لله فهمت الفرق
مرة تانية شكرا

**walidzakzok** · 19-04-2014 10:24 PM

المشاركة الأصلية كتبت بواسطة Yasser Zaky

شكرا للأعضاء الأفاضل على الافادة القيمة والردود الوافية
الحمد لله فهمت الفرق
مرة تانية شكرا

شكرا لذوقك

**محمد سمير حسين** · 20-04-2014 10:10 AM

بس يا استاذي الفاضل انا عارف ان حضرتك خلاص عرفت الفارق ان الايفو حاجة والشارك بتاعة مصر حاجة تانية النقطة التانية هنفترض جدلا انها هتوقف كمان الشارك بتاعةمصر انا شايف ان دي ميزة مش عيب ليه بقي لان حضرتك كده هتفضل راكب موديل ومافيش موديل تاني حرقه (غطي عليه) بالنسبة للجانب بتاع قطع الغيار مش هيتأثر لان مات شاء الله العربية انتشرت دلوقتي جامد وده اللي بياثر في قطع الغيار متقلقش نفسك يا باشا