السلام عليكم ورحمة الله وبركاته

اعلانات التمويل العقاري مالية القنوات ... كل بنك عامل تمويل عقاري خاص بيه

في حد عنده فكرة عن التمويل ده بيتم ازاي ؟؟ وهل حد اتعامل في الموضوع ده قبل كده مع اي بنك ؟؟

لأني كنت بفكر اجيب شقة تقسيط عن طريق التمويل العقاري لأي بنك ادفع مقدم معقول مش مبالغ فيه والاقساط تكون معقولة برضو بس مش عارف الموضوع بيتم ازاي .. هل انا اللي باختار الشقة اللي عايزها واقول للبنك عليها وهو يبعت خبراؤه يعاينوها ويتفقو عليها ويتم البيع ولا هم اللي بيجيبوها لي ؟؟؟

وهل يشترطو ان الشقة يكون فيها عدادات الكهرباء والمياه ؟؟

وهل الموضوع بسيط زي تقسيط العربية كده ولا معقد ؟؟؟

وبضمان المرتب ولا حاجة تاني ؟؟ ولو بالمرتب مطلوب حد ادنى كام ؟؟؟ وهل الحد الادنى ده بيأثر على اختياري لمساحة الشقة ؟؟؟

ونسبة البنك بتكون كام مضافا لسعر الشقة ؟؟؟

وايه اقصي عدد سنوات القسط ، واقل مبلغ للقسط ؟؟؟

وايه الاجراءات والارواق المطلوبة ؟؟؟؟

وهل الامتلاك للشقة بيكون بالارض ولا من غير ؟؟؟؟

مع العلم ان معنديش اي واسطة في اي بنك ..

اعتذر عن اسالتي الكتير لأن للاسف معنديش اي فكرة عن الموضوع ومش عايز حد يشتغلني من بتوع البنوك لو اتصلت اسأل ... ربنا يعلم الواحد بيجيب القرش ازاي مش ناقصة نصب و خسارة .....