اطمن انشاء الله بس غيره نوع محترم
دى أعراض زيت منتهى الصلاحية ومش بيقوم بوظيفته
غيره يا هيثم باشا ومتقلقش مش هيحصل حاجة اطمن كان بيعمل معايا كدة وغيرته وكله بقى تمام
ولو خايف تغيره علشان متغيرش من زمان وعلشان الرايش اللى فى الزيت والكلام ده اطمن الفتيس علشان يبوظ خالص لازم يكون مشى على الأقل ٢٠٠٠٠٠ بدون تغيير وكان فى الفترة دى بيتزود فقط وما تغيرش ولا مرة لكن أنا مش عارف العربية عندك عاملة كم كيلومتر
لان عربيتى كانت عاملة ١٨٠ الف وغيرته وكله بقى تمام وكان عندى نفس الأعراض بتاعت عربيتك وكله تمام
والطبيعى ان زيت الفتيس بيتغير بعد ٤٠ الف كيلو مش أكتر للمحافظة على كفاءة الفتيس وعمره الافتراضى
عموماالاعراض اللى عندك دة عادية جدا ومفيش خطورة ان شاء الله من تغيير زيت الفتيس بس تحط زيت موبيل ٣٢٠ مش ٢٢٠ لانه خفيف ومش هيدى الفتيس اللزوجة المطلوبة
نصيحة : لازم زيت غالى وانظف حاجة للفتيس بالذات
وطمنا بكرة عملت ايه
تحياتى
مانتحرموش منك أبدا يارب بأستاذ ايمن بجد طمنتنى وريحتنى ربنا يريح بالك ...... يعنى كده باذن الله اجيب زيت موبيل ٣٢٠ وأغير الكميه على قد اللى هينزل بالظبط باذن الله مش كده ولا إفك الفتيس كله واطلعه بره وانزل الزيت اللى فيه واغيره كله بالنوع موبيل ٣٢٠ بحيث ان مايكونش خليط قديم على جديد او نوعين مختلفين
غير الزيت وقولنا النتيجة لأن عندي الفتيس بس مانوال بحس انه خشن في الغيار الاول والتاني وساعات التالت وبدأت اسمعله صوت وزودت الزيت مفيش جديد فاهغيره ان شاء الله وربنا يكرم
نزل زيت الفتيس من الطبة اللى تحت بتاعة الفتيس هينزل عندك حوالى 3لتر ونصف تقريبا هحط غيرهم اللى هيظبط الكمية طبعا مقاس الزيت بس هية مش هتزيد عن كدة زى عندى كدة بالضبط
ومفيش حاجة اسمها افك الفتيس كله وتننزل منه الزيت اوعى تعمل كدة فك الطبة بس ونزل الزيت اللى موجود وهو حوالى 3ونصف لتر حسب الكتالوج وتحط غيرهم وكل حاجة هتظبط ظبطة المصنع
ومفيش حاجة اسمها زيت قديم وزيت جديد انت نزلت القديم خلاص حسب الكتالوج وبقى كله جديد
امال بقى اللى عمالين يزودوا الزيت كل ماينقص من ساعة تصنيع العربية ومغيرهوش ولا مرة تقول لهم ايه
توكل على الله وانا بقول لك كلام المصنع وعن تجربة كمان
لو فى حاجة حبيت تسالنى فيها دة رقم تليفونى فى هولندا لو عندك برنامج فيبر او لاين او تانجو كلمنى وانا تحت امرك ولو معندكش رن لى وانا هتصل بيك
0031685040622
تقبل تحياتى
غير زيت وفلتر ومتحطش الزيت الاحمر لانة بتاع الكورى الالمانى لية زيت معين فى نوعين نوع ب120 اللتر بيقعد 40 الف ونوع ب200 بيقعد 60 الف حتتلاقيهم فى شارع دمشق عند الشهابى او رزق الله
صباح الخير ...
اولا متقلقش خااالص انا كان عندى نفس الالعراض دى وعربيتى فيكترا 94 شاريها عامله عداد 160 الف كيلو ومكنش عتدى اى داتا عن إللى قبلى اذا كان بيغير ولا مبيغيرش وبعد السؤال هنا وهناك ... قلت هغير وإتكل ع الله ... صابت الحمدلله خابت الحمدلله برضوا ... وناس حذرتنى من التغير بعد عدد الكيلوااات ده بس قلت اتكل ع الله واغير ... جبت وولفر ب 55 جنيه 4 لتر ب 220 جنيه ونزلت الزيت القديم من الطبه ونااازل إسود وميه خاااالص ... وحطيت وولفر والحمدلله بدأت العربيه تضبط معااااايا وتختفى الاعراض ... والف مبروك ع التغيره مقدماااا ...
انا كنت عامل موضوع عن افضل زيت للفتيس وكنت بقارن بين فالفولين وليكولى مولى وولفر وإستقريت ف الاخر ع وولفر الماااانى
https://www.facebook.com/photo.php?f...type=1&theater
مبروك مقدما :x1[1]::x1[1]::x1[1]::x1[1]:
زيت وولفر لللفتيس ديكسرون 2 ATF اللى فى الاعلان ممتاز ومش مغشوش والسعر ممتاز ومنافس وموجود هنا ومنتجاتهم ممتازة كلهاودى هى نفس نوعية الزيت اللى فى الكتالوج بالظبط وكمان المانى وبيوصلوهولك لحد البيت انت هتحتاج اربع علب يعنى اربعة لتر وهيتبقى نصف لتر تستخدمه للتزويد ودة على فترات بعيدى كل ما ينقص وما اعتقدش انه هينقص ودى صورته حط يا هيثم من من الزيت وهتدعيلى
http://nileup.com/up/uploads/nilemotors_13979863371.jpg