الموضوع: قطع غيار كرايسلر فيوجر

السلام عليكم انا شارى كرايسلر فويجر موديل 1997 منذ 15 يوم بس العربية جميلة بس وانا ماشى حسيت بنتشة مرة او اتنين انا خايف يكون الفتيس به اى شيء وعايز اعرف قطع الغيار ثمنها كام
الفتيس الاتوماتيك سعره كام بتركيبه فى اى مركز
فرملة اليد مش شغالة يبدو ان العيب فى قطعة الحديد ربما
الكراسى ثمنها كام
فلتر الزيت
فلتر البنزين- تيل الفرامل
يعنى ياريت واحد من اصدقائنا يبلغنا سعر قطع الغيار ضرورى

احسن و اضمن حد تتعامل معاه جورج جرس في التوفيقية
الراجل فاهم كويس جدآ و لو طلبك مش عنده بيدلك عند مين و بيجيب القطع الاصلية .
هو تيل الفرامل الخلفي حسب النوع بين 400 و 600
طقم البوجيهات البلاتينيوم 210
انا لسة شارية الحاجات دي امبارح و علشان كدة فاكرة سعرها
ابعد عن المحل اليي واخد الناصية ادام محطة مترو الاسعاف لأنه حرامي و الحاجات مش اصلية و كان عايز يديني طقم البوجيهات ب260 و مش الامريكي الصلي حتى شكل العلبة باين انه مضروب .
خلف ضار القضاء العالي سوق كبير لكل قطع غيار السيارات الكريزلر و الجيب .
كل حاجات العربية متوفرة و الاسعار معقولة جدآ
ربنا يباركلك فيها