السيراتو الجباره

**borio1704** · 21-04-2014 09:58 AM

المشاركة الأصلية كتبت بواسطة spidars

القديمه حاجه والجديده حاجه تانبه خالص القديمه بالنسبه للجديده صفر علي الشمال فمتقرنش دي بدي

أنا سقت القديمة 6-سرعات والجديدة معايا...

الفرق بينهم بسيط جدا على مستوى التسارع والسرعة ..

أنا أصلا جبت بالقديمة 170 على الدائري في المسافة بين طريق السويس وطريق الاسماعيلية... وما كنتش عايز أزود لإن كان معايا عيلتي في العربية.

خلي بالك ... القديمة فيه منها 4-سرعات .. دي فعلا ما تتقارنش مع الي زيها الـ6-سرعات أساسا.. ولو كنت بتتكلم عليها يبقى لازم تسوق القديمة أم 6-سرعات.

**svneleven** · 21-04-2014 11:53 AM

فعلا القديمة فيه منها 6 سرعات تقريبا من أول 2011 و فرق جامد بينها و بن ال 4 سرعات.

**hi_nmr** · 22-04-2014 12:18 AM

المشاركة الأصلية كتبت بواسطة spidars

القديمه حاجه والجديده حاجه تانبه خالص القديمه بالنسبه للجديده صفر علي الشمال فمتقرنش دي بدي

ليه مقارنش ؟؟ اذا كانت المكنه نفسها والجير نفسه يبقي ايه الاختلاف الجوهري اللي يخلي واحده اسرع من الثانيه ؟؟ مفيش
انا مش شايف اختلاف غير في الشكل مع ان رأي الشخصي الشكل القديم احلي

**hi_nmr** · 22-04-2014 12:27 AM

المشاركة الأصلية كتبت بواسطة spidars

بس كثبات وامان وراحه انا معاك في نقطه الفتيس 6 لكن ايه لازمه مكنه منغير ثبات

مين قال ان القديمه مفيهاش ثبات ؟؟ هو لو مفيهاش ثبات تفتكر قلبي هيطاوعني اوصل بيها للسرعه دي ؟ اكيد الواحد مش مستغني عن نفسه
انصحك تجرب القديمه الاول هتعرف ان مفيش فرق
انا سوقت الاثنين وبقولك مفيش حاجه جوهريه تخلي الجديده اسرع من القديمه اللي فيها الجير الجديد

**lanos2004** · 22-04-2014 01:02 AM

الفتيس الست نقلات تجميع اسرع من 4 نقلات لان النقله بتكون قصيرة والنقلات القصيرة بتدى تسارع افضل

**eng.m7md.ali** · 22-04-2014 01:23 AM

يعني سرعة 200 ومش حاسس وكمان عالدائري؟؟

طيب

**lanos2004** · 22-04-2014 01:29 AM

المشاركة الأصلية كتبت بواسطة eng f3lix

يعني سرعة 200 ومش حاسس وكمان عالدائري؟؟

طيب

الدائرى اصلا طريق زى الزفت وبجرى عليه وفيه حتت بتحس انك طاير من على الارض اصلا---وبشوف بى امات ومرسيدس بتتهبد عليه

**spidars** · 22-04-2014 01:43 AM

المشاركة الأصلية كتبت بواسطة hi_nmr

ليه مقارنش ؟؟ اذا كانت المكنه نفسها والجير نفسه يبقي ايه الاختلاف الجوهري اللي يخلي واحده اسرع من الثانيه ؟؟ مفيش
انا مش شايف اختلاف غير في الشكل مع ان رأي الشخصي الشكل القديم احلي

اولا المكنه مش نفس المكنه والعفشه مش نفس العفشه والايرودينمك مختلف وانا كان معايا لانسر سوبر اكشن بعتها وجبت السيراتو القديمه الفتيس 6 سرعات كامله بصمه كنت هعيط علي الانسر الي كنت باخد ملفات عنيفه وديقه علي سرعات جيت الخدها باسيراتو كنت هتقلب ولا مفصلات الكباري ولا مطبات الهوي بلاش كلام عن القديمه لانها مقعدتش معايا غير شهر وبعتها وجبت السيراتو الجديده دلوقتي الملف هو هو الي كنت باخده بالنسر علي 120 والي جيت اخده بنفس السرعه بالسيراتو القديمه وكنت هتقلب فيه بخده بالجديده علي 140 وانا مطمن ولا عمري قلقت من السيراتو الجديده في اي ظروف او سرعه

**eng.m7md.ali** · 22-04-2014 01:46 AM

المشاركة الأصلية كتبت بواسطة lanos2004

الدائرى اصلا طريق زى الزفت وبجرى عليه وفيه حتت بتحس انك طاير من على الارض اصلا---وبشوف بى امات ومرسيدس بتتهبد عليه

مجرب والله .. مش بس بالمرحومة لا ده انا جربت بجينسس كوبيه ياجدعااااااااان !!!!

المصيبة ان في ناس هنا بتشوف الكلام والتجارب الغريبة دي وتاخدها بمصداقية

الموضوع: السيراتو الجباره

LinkBack

أدوات الموضوع

عرض

-

-

-

-

-

المواضيع المتشابهه

تغطية بالصور لمكان حادث السيراتو على سرعة160حتى لانظلم السيراتو .شوف واحكم بنفسك

عفوا يا ملاك السيراتو ! ! السيراتو عايزة سواق !! ؟

ارجو المساعده في تسعير هذه العربيه بهذه المواصفات الجباره 205

شركة أم عماره للأجهزه الجبارهشركة أم عماره للأجهزه الجباره

سؤال لأصحاب السيراتو : هل السيراتو بتفك من بعضها وتصدر أصوات بعد فترة وجيزة ؟؟

الكلمات الدلالية لهذا الموضوع

المفضلات

المفضلات

ضوابط المشاركة