السيراتو الجباره

**Mohab.Nabil** · 20-04-2014 09:01 PM

المشاركة الأصلية كتبت بواسطة borio1704

أولا... سحب العربية مميز علشان 6 سرعات... مقابل معظم العربيات اللي في نفس الفئة اللي لسه 4 سرعات أوتوماتك

على الورق.. الغيار السادس ممكن يجيب لحد 265 فعلا... بس لو عايز تشد بالعربية فعلا وتجيب السرعة القصوى.. استحالة تجيبها على السادس... الخامس ممكن هو اللي يجيب معاك... لإن السادس هنا "أوفردرايف" لتوفير الوقود.

أنا معايا السيراتو الجديدة 2014... بس للأسف ما بعرفش أعدي الـ120 كتير علشان هنا الرادار ما بيرجمش... تاخدلك مخالفة 500 ريال زي الباشا ومفيهاش تفاهم ولا تخفيض.. هتدفع هتدفع.. وكله بالكمبيوتر.

بس مرة طلعت على طريق مفتوح (ومطمن إنه مفيهوش رادار).. وقدرت أوصل لحد 170 في مسافة حوالي 3 كيلو... بس الهوا كان قوي وجاي في وشي.. يمكن لو الهوا كان أهدى كنت قدرت أوصل لـ200 بسهولة

أعرف واحد هنا في السعودية جاب بيها 220 على طريق سفر.

...

يا باشا ولا على الورق ولا على غيره 265 ازاى يعنى ؟ دا موتور 1600

و 220 ده مع ظروف مساعدة كتير منها اكيد ان الهوا كان معاه و كان الطريق كويس و العربية حالتها كويسة و اظن ان ده اخرها

الارقام اللى بتتكلموا فيها 260 و الكلام ده محتاج عربية 2000 سى سى على الاقل دا لو قدرت تجيبهم

**borio1704** · 20-04-2014 09:59 PM

المشاركة الأصلية كتبت بواسطة mohab.nabil

يا باشا ولا على الورق ولا على غيره 265 ازاى يعنى ؟ دا موتور 1600

و 220 ده مع ظروف مساعدة كتير منها اكيد ان الهوا كان معاه و كان الطريق كويس و العربية حالتها كويسة و اظن ان ده اخرها

الارقام اللى بتتكلموا فيها 260 و الكلام ده محتاج عربية 2000 سى سى على الاقل دا لو قدرت تجيبهم

حسابات الورق حاجة.. والواقع حاجة تانية

أنا ما قلتش إن العربية تجيب 265 فعلا.. اللي كنت عايز أقوله إن حسابات السرعة تسمح إن العربية توصل ل265 بفرض إنك جايب السادس ودوران الموتور واصل لحد 6500 اللي هو بداية الخط الأحمر

على أرض الواقع.. لا يمكن توصل للسرعة دي علشان قوة الموتور أضعف بكتير من إنها تخلي العريية توصل للسرعة دي.. خصوصا إن السادس في السيراتو غرضه تخفيض الدوران وتقليل استهلاك البنزين.

السرعة القصوى تيجي على الخامس .. مش السادس... أي حد بيفهم عربيات كويس عارف المعلومة دي.

...