نداء إلى خبراء إسبرانزا 516 ....... الرجا المساعدة

بسم الله الرحمن الرحيم
"قل لن يصيبنا إلا ما كتب الله لنا"


الحمد لله ..
اليوم وأنا ماشى بالعربية (516) فى أمان الله على طريق الأتوستراد .. وإذ بها فجأة .. تبطل و أسمع صوت حشرجة فى المتور ... وربنا ستر إن ده ماتسببش فى حادث .. قدرت وبفضل الله ألم العربية إلى أقصى اليمين و أركنها بقوة دفع السرعة إللى كنت ماشى عليها ... وبعدين ...

مش عارف إية إللى حصل ... ما بتدورش خالص ولا بسمع صوت مارش أصلا .. وبسمع صوت غريب من الموتور

معنديش خبرة أوي بحيس أقدر أقرر .. الموتور قفش ولا إية
مع إنى العربية عاملة 60 ألف بس من الزيرو 2008 ومش بامشى بيها كتير وكل صياناتها فى التوكيل
وأخر صيانة لها كانت صيانة ال 60 ألف من أسبوع فقط وغيرت بوجيهات ومجموعة كاتينة وزيوت وفلاتر
طبعا اليوم كان الأحد .. وغدا أجازة .. إتصلت بونش ورحت ركنتها ... إية العمل طمنوني بالله عليكم ...

لو الصوت الي بتسمعة دة وانت بتدور العربية بتحس انها عاوزة تلقط بس مبتدورش برضو و الموتور بيتحرك ببطئ وفي صوت حشرجة يبقي دة سير الكتينة حصل فية مشكلة خلي المكنة تقفش

اقتباس:

---

المشاركة الأصلية كتبت بواسطة m i d o

لو الصوت الي بتسمعة دة وانت بتدور العربية بتحس انها عاوزة تلقط بس مبتدورش برضو و الموتور بيتحرك ببطئ وفي صوت حشرجة يبقي دة سير الكتينة حصل فية مشكلة خلي المكنة تقفش

---

بس سير الكاتينة أنا مغيرة من 5 أيام فقط فى التوكيل
...
لو كدة .. يبقى الموتور باظ؟؟؟؟
هاعمل عمرة يعنى مثلا ولا إية؟

اول شى بص على الزيت لونه ايه عشان لو وش السلندر
ثانيا بص على سير الكاتينه ممكن يكون الى ركبه مركبه غلط وفك وقفش فى التروس ( بعيده شويه )
ثالثا العربيه حرارتها عليت وهى بتعمل كده ولا ايه الظروف الى اعرفه ان العربيه دى حرارتها بتعلى لوحدها من غير اى سبب وخصوصا 2008

الزيت تمام ولونه فاتح ولزوجتة جيدة .. برضة لسة متغير من كام يوم فى نفس الصيانة الدورية
سير الكاتينة والبلية فى مكانهم تمام .. وحرارة العربية لم تزيد قبل الموقف ده .. أو بعد ماجربت أدورها ...
كل إللى بيحصل إنى بسمع صوت صادر من الموتور كما لو كان كركبة .. وصوت المارش مافيش تماما

لو كاتينه اللفه بتاعت المارش بتكون سريعه
الله اعلم بالموقف اللي حصل
من كلامك ان مفيش لقط للمارش من اصله

مض الصيانة معمولة في التوكيل؟كويس اوي
لو الفواتير معاك خد العربية علي ونش و روحلهم تاني يوم التلات
و انشاء الله تكون حاجة بسيطة

انا مش عايز اقلقك بس انصحك متحاولش تدور تانى
بس الواضح ان المشكله كبيره
ربنا يستر ان شاء الله وتكون حاجه هايفه
بس صوت كركبه من داخل الموتور دى مش تمام يعنى
بص هيا حاجه من 2 على معلوماتى
ممكن يكون المرش الترس بتاعه علق ف حاجه او الترس فيه مشكله
ثانيا ربنا يستر ومتكونش هى المكنه تكون فيها مشكله من جوه بعد الشر يعنى
حاول تدى الغيار الرابع وزق العربيه لورا كده او قدام لو لقيت صوت الكركبه جوه الموتور سيبها زى ماهى ومتحركهاش لحد متودهالهم التوكيل
شوف كده وقولى
والله واعلم برده انا مش خبير قوى

مشكلة عويصة... طب تمم على الاسلاك والفيوزات وفيشة الثروتل او البوابة اللي في وش المكنة ممكن تكون فكت وقبل اي قرار لازم تحطها على سكانر

يا باشا ولا تشغل بالك ما دام الشغل فى التوكيل وبالفواتير.ونش و على التوكيل و متحولش تدورها خالص.....وصور الورق كله الفواتير و دفتر الصيانة و عليهم و اى حاجة عليهم يا باشا ديه لسه صيانة من 6 ايام.........وفى الغالب ديه كاتينة........وان شاء الله تاخد حق حضرتك كله منهم بس اهم حاجة الفواتير المؤرخة بالأعمال ولو لقيتهم بيستهبلوا اكش عليها برة و اتأكد ايه ال حصل الأول و محضر اثبات حالة بالفواتير ,,وتليفون لحماية المستهلك....... امال حضرتك بتدفع 1500 صيانة كاتينة فى التوكيل ليه و هى برة ماتعملش 800 ج.وان شاء الله خير وابقا طمنا عملت ايه

اقتباس:

---

المشاركة الأصلية كتبت بواسطة fourseasons

يا باشا ولا تشغل بالك ما دام الشغل فى التوكيل وبالفواتير.ونش و على التوكيل و متحولش تدورها خالص.....وصور الورق كله الفواتير و دفتر الصيانة و عليهم و اى حاجة عليهم يا باشا ديه لسه صيانة من 6 ايام.........وفى الغالب ديه كاتينة........وان شاء الله تاخد حق حضرتك كله منهم بس اهم حاجة الفواتير المؤرخة بالأعمال ولو لقيتهم بيستهبلوا اكش عليها برة و اتأكد ايه ال حصل الأول و محضر اثبات حالة بالفواتير ,,وتليفون لحماية المستهلك....... امال حضرتك بتدفع 1500 صيانة كاتينة فى التوكيل ليه و هى برة ماتعملش 800 ج.وان شاء الله خير وابقا طمنا عملت ايه

---

اتفق معاك في كل حاجة

ماتحاولش تدورها تاني أبدا .. وأرفعها على ونش ووديها لهم على طول وأحكيلهم بدقه شديده كل اللي حصل معاك .. وفي إنتظار الأخبار لإن الموضوع غريب جدا ...

السادة الأعضاء ...
شكرا لمروركم الكريم وشكرا لنصائحكم
بالفعل .. ما حدث فى السيارة من (قفش الموتور) لا يمكن أن يحدث دون مقدمات
وبما أننى فى أخر صيانة من أسبوع فقط تم تغيير (سير كاتينة + مياة رادياتير + زيت موتور وفلتر + زيت فتيس + سير دينامو + فلتر بنزين + فلتر هواء) .... فأين الخلل ؟
(لا يمكن إلا أن يكون تركيب خاطئ لسير الكاتينة)
توجهت اليوم لمركز (تكنو سيرفس 1) وتحدثت مع مدير المركز مباشرة
وبو بعد أن راجع جدول صيانات السيارة على الكمبيوتر .. قاللى تعالى نجرب
أول مادور العربية ... قال (بس .. بس .. ماتدورش تاني .. الصوت جاي من الكاتينة)
إن شاء الله سنعمل اللازم ولا تحمل هما والتكلفة كلها علينا وهايكون إتصالك معايا مباشرة
حاولت أعرف منه .. إية إللى هايتغير و إية مدى الضرر إللى فى السيارة
قاللى هابقى أتصل بيك .. وأبلغك .. أول بأول

شكرا لكم ... ولكنى مازلت قلق
لو حد عنده نصيحة لوجه الله لا يبخل بها

بص يا باشا اهم حاجة بيان اعمال بالأعمال ال تتم فى السيارة مختوم بختم المركز و اهم حاجة حضرتك تحافظ على الفواتير واذن دخول العربية المركز تصوروه و تخليه معاك و خلى بالك من التاريخ المؤرخ عليه.ولو مطوحوا محضر اثبات حالة اهم حاجة لأن الحمد لله حضرتك معاك فواتير بالصيانة.وربنا يكرم حضرتك ان شاء الله و تعدى على خير

قدر الله وماشاء فعل
ان شاء الله العربيه ترجع افضل
اكيد طالما طلعت كاتينه يبقي العيب من عندهم
سوء مصنعيه تركيب
الشيء المهم وربنا يكون معاك
انهم يرجعوا العربيه لحالتها الاصليه
ومش هايبان الا بالاستخدام

ان شاء الله يكون خير يارب وابقى عرفنا ايه اللى تم معاك وفى العربية

متابع

متااااااااااااااابع ..

ان شاء الله خير ومتابعين حضرتك

اقتباس:

---

المشاركة الأصلية كتبت بواسطة hugan

قدر الله وماشاء فعل
ان شاء الله العربيه ترجع افضل
اكيد طالما طلعت كاتينه يبقي العيب من عندهم
سوء مصنعيه تركيب
الشيء المهم وربنا يكون معاك
انهم يرجعوا العربيه لحالتها الاصليه
ومش هايبان الا بالاستخدام

---

ممكن إيضاح أكتر لو سمحت؟
إية ممكن يخلى العربية ما ترجعش لحالتها الأصلية؟

الموضوع باين
الكاتينة اتقطعت او فلتت والبساتم بتخبط فى الصبابات
ودة صوت التخبيط اللى سمعتة
اعتقد هايفكو الوش ويغيرو طقم الصبابات

مدير المركز .. إتصل بى وقال الأتي:
"لقينا مسمار بلية الكاتينة مكسور .. إحتمال يكون إنكسر أو إحنا قرطنا عليه بزيادة فأنكسر ... حتى الأن مفيش حاجة تانية .. بس هانفتح ونشوف .. بس إن شاء الله مافيش حاجة فى الماكينة .. وهاتستلمها بكرة إن شاء الله ..."

منطقى الكلام ده؟
مع العلم بإن سير الكاتينة فعلا مافرطش ولسة فى مكانة .. بس الفرامل حجرت وكان فى صوت ترزيع
معقول الصبابات ووش السلندر .. لا يتأثروا؟

لاتقلق اخي الكريم
انا قصدي ان الوش لمل يتحل في المواتير الالمنيوم
لازم يتعمل بعنايه خاصه وبجوده
علشان مايعملش مشاكل تاني

اقتباس:

---

المشاركة الأصلية كتبت بواسطة hugan

لاتقلق اخي الكريم
انا قصدي ان الوش لمل يتحل في المواتير الالمنيوم
لازم يتعمل بعنايه خاصه وبجوده
علشان مايعملش مشاكل تاني

---

الله يطمنك ..

متابع وان شاء الله خير

متابع معاك ... وخير إن شاء الله ..

ان شاء الله تتحل على خير

الحمد لله
اليوم كان إستلام السيارة
روحت النهاردة الساعة 11 صباحا لقيتها جاهزة و مغسولة .. يعنى الشغل خلص فيها يوم الأربع .. عشان الخميس والجمعة كانو أجازة
حسب كلام مدير المركز ... إن كان فى مسمار البلية مقطوم .. وهما عملو سير كاتينة جديد وكمان غيروا طرمبة المياة على حسابهم (فقط لاغير) وحلف مائة يمين أن الماكينة لم تتأثر ولم يحدث شي فى وش السلندر أو الصبابات .. و إلا كانت خدت وقت أكثر من كدة ..(انا ودتها الثلاثاء وخلصت الأربعاء)
الحمد لله إنها جت على قد كدة
بس برضو هاروح لحد يكشف عليها ويطمنى أكثر
شكرا لمتابعتك ودعواتكم
و أتمنى لو حد عندة تفنيد للكلام ده .. أو رأي فنى لا يبخل به
وعموما .. لو كانت الأمور كدة يبقى شكرا وألف شكر للمهندس / وليد (مدير مركز تكنو سيرفس) على إهتمامه وأرجاع الأمور إلى نصابها
بس ده مش معناة إننى بأشجع أي حد يروح يعمل أي صيانة فى المركز ده .. بالعكس تماما
أنصح أى حد معاة سبرانزا أى نوع ....((( لا تقترب من مركز تكنو سيرفس 1 إللى فى جسر السويس))) أكرر (((لا تقترب)) ... كفاية معاناة أسبوع مواصلات من غير العربية .. رغم إننى كنت عامل صيانتها قبل ميعادها ودافع ضعف الثمن

والسلام عليكم

الحمد لله انها عدت علي خير
الشيء المهم انك تتابع الحراره
وقياس مستوي الزيت كل كام يوم
للاطمئنان ليس اكثر

اقتباس:

---

المشاركة الأصلية كتبت بواسطة hugan

الحمد لله انها عدت علي خير
الشيء المهم انك تتابع الحراره
وقياس مستوي الزيت كل كام يوم
للاطمئنان ليس اكثر

---

مشكور يا فندم ... ربنا يبارك فيك على النصائح الغالية

الحمد لله على كده
ربنا لطيف

ولكن تابع صوت ماتور العربيه هل هناك تغيير فى صوتها عن ما قبل هذا الموضوع
لانى متخوف من ان يكون قد اثر فى الصبابات ....

وربنا يحفظك ويحفظنا اللهم امين

اقتباس:

---

المشاركة الأصلية كتبت بواسطة elkomyalto

الحمد لله على كده
ربنا لطيف

ولكن تابع صوت ماتور العربيه هل هناك تغيير فى صوتها عن ما قبل هذا الموضوع
لانى متخوف من ان يكون قد اثر فى الصبابات ....

وربنا يحفظك ويحفظنا اللهم امين

---

الحمد لله .. جربت العربية النهاردة فى مشوار شاق
من شيراتون إلى الدقى (عبر كوبرى اكتوبر) ثم إلى الجيزة كوبري ثروت ثم إلى مدينة نصر (عبر الدائرى) ثم من مدينة نصر إلى شيراتون (عبر الدائري)
كبس وحرق على الغيارات وتشغيل تكييف
والحمد لله
الحرارة ثابتة
السيارة تجميعها ممتاز
بس التكييف أداؤة ضعيف (وهو كان كدة أصلا .. شكله عايز شحن)

__________ كدة إختبار جيد؟ ولا أختبر كمان؟

ركز معاها برضه كام يوم كمان .. واشحن التكييف وجرب لمايتشحن،تحميله على الموتور ايه..

طب الحدلله وان شاء الله العربية تكون تمام