الصيانه داخل التوكيل بعد الحادثه !!

**m74mansour** · 07-10-2008 05:47 PM

معايا لانسر 1300 2007 مصرى عامله حوالى 43000 كم المهم أخر صيانه عملتها فى التوكيل كانت صيانة ال 1000 علشان بعديها كنت عملت حادثه وخوفت أروح التوكيل .... طبعا السبب مفهوم.

المهم انا دلوقتى عايز اروح أطمن على العربيه واعمل فحص دورى على كل أجزاء العربيه وأغير الفلاتر (بنزين بس).
حد ممكن يساعدني ويفهمنى أنا كده أعمل حسابي فى كام تقريبا ؟

وبالمناسبه حالاقى حد يتكلم معايا ويفهمنى حالة العربيه بالظبط وغيه لازم يتغيير وايه ينفع يستنى وكده يعنى وللا المواضيع زى مايقللولك وخلاص على أساس انك مصرى النيل رواك والخير جواك ؟

**مصراوي جدا** · 08-10-2008 11:17 AM

لو حضرتك مداوم على تغيير زيت المحرك والفلتر في مواعيده خلال الفترة اللي فاتت يبقى مفيش اي مشكلة لأن صيانات العشرة والعشرين والتلاتين ألف أساسها تغيير الزيت والفلتر ومراجعة عامة على باقي الزيوت والفلاتر وتيل الفرامل وتربيط العفشة

أما أول صيانة كبيرة فهي صيانة الأربعين وبيتم فيها تغيير زيت محرك وفلتر وزيت فتيس اوتوماتيك لو العربية اوتوماتيك وتيل فرامل لو محتاج يتغير ويتم تغيير البوجيهات وفلتر الهواء و فلتر البنزين ويتم الكشف على السيور

الأسعار في التوكيل كالتالي تقريبا

الصيانة نفسها حوالي 130 ج ميكانيكا و كهرباء

زيت موبيل 1 + فلتر زيت حوالي 300 جنيه

بوجيهات 100 ج

فلتر بنزين حوالي 400 جنيه

فلتر هواء حوالي 140 جنيه

تيل أمامي (لو العربية محتاجه 380 ج)

زيت فتيس أوتوماتيك (لو عربيتك أوتوماتيك) 300 ج

وبالتأكيد عن تسليم العربية للاستقبال بيتم مناقشة مهندس الأستقبال وتحديد اي شكاوي عامة من العربية ولا يتم تغيير اي قطعة لم يتم ذكرها الا بأخد موافقة العميل

**hesham2004** · 08-10-2008 11:31 AM

المشاركة الأصلية كتبت بواسطة sharky

بعد إذن حضرتك أنا مش فاهم إنت خفت تروح التوكيل ليه و إيه هو السبب المفهوم و ليه مروحتش التوكيل بعد تصليح السيارة ؟

الكبير كبير

**Sharky** · 08-10-2008 12:25 PM

المشاركة الأصلية كتبت بواسطة hesham2004

الكبير كبير

يعنى إيه ؟

**blazer** · 08-10-2008 01:10 PM

المشاركة الأصلية كتبت بواسطة hesham2004

الكبير كبير

ازاى !؟؟؟؟؟؟

**hesham2004** · 08-10-2008 01:57 PM

المشاركة الأصلية كتبت بواسطة sharky

يعنى إيه ؟

انا بعلق عل التوقيع بتاعك بس

**m74mansour** · 21-10-2008 01:23 PM

اسف على عدم الوضوح ... أنا كنت عملت حادثه بس الحمد لله أخدت شوية سمكره ودوكو ... عماتها بره التوكيل بحوالى 3000 جنيه ، خفت أروح التوكيل علشان التكلفه كانت على الأقل الضعف ، المهم بعد ماعملت الشغل ده بره التوكيل ينفع أكمل فى الصيانه الدوريه وخصوصا صيانة الأربعين ؟

**مصراوي جدا** · 21-10-2008 02:11 PM

هو شغل السمكرة اللي اتعمل في العربية ممكن يسقط الضمان خاصة لو كانت الحادثة امامية وشغل السمكرة استدعى رفع الموتور للسمكرة مع اعادته تاني

انما حتى لو الضمان سقط فالصيانة ممكن تتعمل بلا مشاكل في التوكيل لأن التوكيل بيعمل صيانة لأي عربية سواء مصري او خليجي بضمان او بدون والفرق بس هيكون ساعة الاحتياج للضمان (عند وجود قطعة غيار تالفة عيب صناعة) ساعتها يتم بحث الأمر هل العربية بضمان ولا بدون ضمان وفي الحالتين برضه بتتغير قطعة الغيار انما اما مجاني او بتكلفة حسب وجود الضمان