هوة انا ممكن اعرف انهى عربية احسن فى الفلوانس و الكرولا فى الهاى لاين عشان انا ناوى اشترى واحدة منهم هاى لاين واية الللى موجود هنا مش موجود هنا ويا ترى كل واحدة بكام
هوة انا ممكن اعرف انهى عربية احسن فى الفلوانس و الكرولا فى الهاى لاين عشان انا ناوى اشترى واحدة منهم هاى لاين واية الللى موجود هنا مش موجود هنا ويا ترى كل واحدة بكام
طيب و اشمعنى يعنى الفلوينس اللى حاطينها فى دماغهم ؟ حد يحط الاسوأ فى دماغه برضه ؟ ههههه , الاستاذ محمد هانى منسق قسم التيوتا عامل بنفسه استطلاع بين الكورولا و الفلوينس و الاسترا و السيراتو و الفورد و الهونداو الالنترا , الفلوينس هيه الاولى فى الاستطلاع و الكورولا بعدها , عرفتوا ليه هيه الاسوأ و الناس رمت فلوسها اللى بتوصل 200 الف ؟ ههههههههه
طيب و اشمعنى يعنى الفلوينس اللى حاطينها فى دماغهم ؟ حد يحط الاسوأ فى دماغه برضه ؟ ههههه , الاستاذ محمد هانى منسق قسم التيوتا عامل بنفسه استطلاع بين الكورولا و الفلوينس و الاسترا و السيراتو و الفورد و الهونداو الالنترا , الفلوينس هيه الاولى فى الاستطلاع و الكورولا بعدها , عرفتوا ليه هيه الاسوأ و الناس رمت فلوسها اللى بتوصل 200 الف ؟ ههههههههه
تقرير غير منطقي تماما لأنك بتقارن بين عربيتين فيه فارق اكتر من 20 ألف جنيه في السعر بنهم
فى الكورولا الهاى لاين هتكسب الاتى عن الفلوانس هاى لاين :
1. عدد 7 ايرباج مقابل 6 في الفلوانس
2.نظام الثبات الالكتروني ESP
3. TRC للثبات
4.كاسيت تاتش فى الكورولا وبه نافيجيشن في الكاسيت الجديد
5.كاميرا خلفية
6.خط ضوء ازرق تحت التابلوه كحلية
7.حساسات ركن امامية و جانبية
8.اوتوبارك ,خاصية الركن التلقائي Auto Park
9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
10.خاصية الاوامر الصوتية و التعرف علي الصوت voice recognition
11.سبورت موود بالفتيس
12.تابلوه لونين اسود في بيج
13.نظام ايكو لتوفير البنزين مع امكانية التحكم به
14.سخانات مرايات بزرار منفصل
15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
16.استبن نفس المقاس و جنط سبور مش حديد بعكس الفلوانس
17. وزن العربية 1300 كج مقابل 1258 للفلوانس
18. الوسع الداخلي اوسع عن الفلوانس خصوصا في الخلف .
19. مرايات تعتيم
فى الفلوانس هاى لاين هتكسب الاتى عن الكورولا هاى لاين :
1.وحدات رفع للاربعة زجاج و فتحة السقف مع خاصية Anti pinch , الكورولا في زجاج السائق فقط .
2.ضم و فتح المرايات اوتوماتيك , في الكورولا بزرار في التابلوه .
3.اضاءة زينون
4.فتحة سقف .
5.٣ ستائر مدمجة داخل الابواب الخلفية و الزجاج الخلفى
6.مخرج تكييف خلفى
7.مخرج ١٢ فولت خلفى للركاب الخلفيين
8. شنطة 490 لتر فى الفلوانس مقابل 470 لتر
9.حلية شكمان من النيكل كروم
10.تانك بنزين سعة ٦٠ لتر فى الفلوانس مقابل ٥٥ لتر فى الكورولا
11. 8way audio
الارقام لا تعبر عن شئ نهائي , يعني مثلا الفوكاس واخدة اقل رقم هل ده معناها انها اسواء اختيار ؟ كل الارقام دي بتعبر عن الناس اللي في المنتدي وكل واحد معاه عربية هيدخل يختارها عشان كدة لو تلاحظ اني مش بشارك في الاستطلاع خالص و هدفي اعمل المقارنة و اوضح الفروق للتسهيل علي الناس . وانا عمري مهشارك و لا هبين اختياراتي لحد سواء عضو او زائر .
طبعا مش مصدقني هههه, طيب انا هكلمك بأمانة انا في 2 صحابي منهم واحد معايا في الشغل انا اللي اقنعتهم يجيبو الفلوانس اللي بفتحة سقف و قلتله متجيبش كورولا اول فئة :S_thum1[1]:.
عادي يعني الاحسن و الاوحش حسب انت عاوز ايه و فلوسك قد ايه , وانا لما سألوني قولتلهم ان ده احسن اختيار ليكم في السعر والامكانيات . لكن لو كان قالي المبلغ اكتر كنت هقواه بلا تردد كورولا الفئة التانية او الهاي لاين مع الفلوانس هاي لاين .
و مع احترامي برضو الاستطلاع بيعبر عن اراء الناس في المنتدي , اما علي ارض الواقع الدنيا بتختلف تماما , يعني مثلا قارن عدد عربيات الفوكاس او الهوندا اللي نازلين من اكتر من سنتين مع الفلوانس وشوف انهي بتشوفها اكتر , او قارن مبيعات الفلوانس اللي بقالها سنتين مع الكورولا اللي بقالها 7 شهور و حجزها 4 شهور واوفر برايس كمان و شوف انهي بتشوفها اكتر .
تحياتي ليك يا ياسر بيك
محمد بيه مصدقك طبعا :) , بس انا عايز اقول لك حاجه مش سبب فرق الفلوس هو اللى بيخلى الناس تشترى الكورولا و لا الفلوينس و قد يكون مؤثر بس بنسبه ضئيله , اللى داخل يشترى فى شريحه سعريه من 180 الف ل 200 الف مش هايفرق معاه كتير 4 او 5 الاف , انا عن نفسى لو كنت شايف انه الكورولا بالنسبه لى مميزه عن الفلوينس كنت دفعتهم عادى و كنت حاطط اختياراتى لغاية الاوكتافيا a7 بس اكيد وصلك مصايب ال dsg , ما عليش الفلوينس الجديده ما لهاش سنتين و لا حاجه نازله مع الكورولا فى نفس التوقيت , اه ممكن يكون قصدك على الشكل القديم و ده برضه اللى كان بينافسوا الكورولا الشكل القديم , و بعدين همه فى الاستطلاع ده مش بعيد عن بعض بنسب فارقه , كل اللى نقدر نقوله انهم فعلا الاتنين فى التوب و بالدليل انه اغلب الناس اللى بتدخل بتسأل سؤال واحد اختار كورولا 2014 و لا فلوينس 2014 , كل واحده نازله بمميزاتها و رونقها و نعترف طبعا و ان كنا بنقاوح :) شويه انه الكورولا فيها ميزة ال esp و ده انا شايفه من غباء التوكيل انه ما نزلش فئات فيها الموضوع ده و ان كان سبب عذره انه هايرفع سعر العربيه بس الغاوى ينقط بطقيته و يسيب الاختيار للمشترين , و ان كان الفلوينس تتفوق فى الاوبشن و الشكل و الرفاهيه شيئا ما , لكن فعلا الاتنين فى التوب و المفاضله بينهم صعبه و الدليل كتر المقارنات بين الاتنين و شعبية الاتنين على الاقل هنا على الموقع و ده شىء اجابى يريح بال ملاك الماركتين . و لو بتتكلم من سنتين لا انا باشوف الفلوينس اكتر من الفوكاس و السيفيك الجديده مش عارف بقالها اد ايه نازله
و اهلا بيك :)
محمد بك هاني صباح الخيرات , اكتب يا حاج للراجل انهي فئتين اللي انت كاتبهم عشان ما يلخبطش , اكتب له دي ام كام و دي ام كام :))))))))))))
دي الكورولا ام 215 الف , انا مش عارف بقى اللي انت كاتبها دي الفلوينس ام 188 ولا ام 195
الى الاخ اللي بيسأل
ميزانيتك قد ايه اساسا عشان نعرف بنكلمك على انهي فئة ؟
لأننا ممكن نكلمك على فئات ما تخصكش اصلا
تامر بيه....للتوضيح
الفلوانس أعلى حاجة التوكيل بيحجزها و بتيجى بعد 3 شهور هى أم 188 ألف (حلوة أم دى...:):)
أم 195 ألف دى نادرة جداً و بتيجى بطلب خاص و بتزيد عن أم 188 ألف الأتى
- جنوط 17 بشكل أجمل بكتير بدلاً من جنوط 16
- 4 حساسات أمامية
- فرش جلد كامل لون بيج روعة و فخامة
و فيه فئة أعلى أم 200 ألف و بتزيد عن ما سبق
- شاشة 7 بوصة باللمس مع وحدة تحكم فى الكنسول الأوسط (زى ال idrive) و فيها نافيجيشن بس خرايطه مش شغاله فى مصر
تحياتى
انا اسمع ان الفئة ام 200 دي بتنزل بفرامل يد كهربا كمان , صحيح الكلام ده ؟
بس معنى كده ان زميلنا محمد هاني في المقارنة دي بيقارن فئة الكورولا اللي ب215 بفئة الفلوينس اللي ب188 الف
كده تبقى مش مظبوطة و محتاجة تتعدل كتير
زي ما باقول من اول لحظة , نقطة الفئات بين العربيتين دول خادعة جدا و اللي يقارن لازم يحدد بالظبط هو بيقارن بين انهي فئتين عشان ما يتلخبطش