الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

المشاركة الأصلية كتبت بواسطة Dr.a.osman

باشمهندس هانى
أنا كان معايا الفئة ال special order اللي ب 195000 فرش و تابلوه بيج و كانت تزيد عن اللي مع حضرتك الفرش اللونين و حساسات الركن الأمامية و جنط 16 بس مختلف الشكل عن الموجود فى باقى الفئات. الكلام بتاع المبيعات مش مضبوط إطلاقا. الفئة اللي ب 200000 بتزيد جنط 17 و نافيجاتور 7 بوصة و مرآه electrochemical . المهم العربية رجعت ﻷن كان فيها عيوب صناعة و لما حبيت أخد مكانها قالوا مبقتش تنزل تانى و لو انت مصر تدفع 100000 و تستنى 6 شهور و ساعتها السعر النهائى هيبقى حسب سعر الدولار ساعتها.

فعلاً يا دكتور
و علشان كده أنا ذكرت الملحوظة دى فى تعليقى أنهم شكلهم كانوا تايهين فى الفئتين 195 ألف و 200 ألف و معندهمش معلومات عنهم....أنا كان عاجبنى الفرش البيج جداً و شكل الجنط كانت تحفة بس خفت من مقاس 17 لدرجة أنى قلتلهم أعملوهالى أسبيشال أوردر بجنط 16 حتى لو مش هاخد فرق فلوس....بس كده حضرتك وضحت أنها أصلاً بتنزل جنط 16 فى فئة 195 ألف

الحاجة التانية أنى سألتهم على المراية ال electrochrome و نفوا أنها بتنزل و لكن حضرتك بتأكد لى دلوقتى أنها بتنزل فى فئة 200 ألف.....

الحاجة الكويسة فيهم أنهم كانوا فى منتهى الصراحة معايا بخصوص الفئة اللى ب 200 ألف فيما يخص النافيجيشن و قالولى أن الخرايط مش نازلة و مش هتنزل....عايزه كشاشة و دلع ماشى لكن نافيجيشن شركة TOMTOM معندهاش خرايط لمصر.....و علشان كده هما لغوا الفئة دى لأن مينفعش بصراحة أجيب كاسيت ب 5000 جنيه و تكون خرايطه مش شغالة

أنا مبسوط أن حضرتك رجعت عربيتك و أسترديت فلوسك و ربنا يوفقك فى عربية جديدة أن شاء الله

تحياتى