ﻏﺴﻠﺖ ﺍﻟﻤﻮﺗﻮﺭ ﻛﻴﻤﺎﺭﻱ - ﻣﺆﺷﺮ ﺍﻟﺒﻨﺰﻳﻦ ﻣﺶ ﺷﻐﺎﻝ

**mo3tazanas** · 21-04-2014 08:30 PM

هتجيب مفك عادة وشاكوش وتدق على الغطاء المدور لانة مربوط بنظام زى الصامولة

معلش عاندى شغل دلواتى لما ارجع هااكمل

**طارق _عبد السلام** · 21-04-2014 09:14 PM

ان شاء الله مش هتكون غير تهييسه عوامه او مشكله حصلت لها
على العموم اصبر عليها شويه لما البنزين ينزل ولو المشكله لاذالت قائمه
اتبع الطريقه بالصور كما وضح الاستاذ معتز
عايز اقولك انها حصلت معايا مره فى الفانتازيا بس بعد تفويل العربيه ايام اذمه البنزين والمؤشر هيس خالص
وبعد يومين تلاته العوامه ظبطت ومحصلتش تانى

**Eng.Tarek Eladwy** · 21-04-2014 10:26 PM

موضوع أستاذ معتز ممتاز بس قبل الفك ارجو تعليم القربة علي وضعها الحالي عشان تركب بنفس الطريقة . لان لو فيها نص سنتي زيادة . مش هتشتغل كويس ياما هتديك المشر بالغلط و علي الكمبيوتر هتبقي غلط يعني قبل الفك علمها بالظابط نفس ما هي راكبة زي ما فكتها تركب . و نصيحة موضوع الصنفرة ممكن تشتغل بس مش هتبقي تمام 100% . بس هو مسكن موضعي . تحياتي لك و بشكر جهود أستاذ معتز معاك و تحياتي لاعضاء المنتدي الكرام

**Eng.Tarek Eladwy** · 21-04-2014 11:12 PM

المشاركة الأصلية كتبت بواسطة mo7madbakr

ﺷﻜﺮﺍ ﺑﺎﺷﻤﻬﻨﺪﺱ ﻃﺎﺭﻕ ﺍﻟﻌﺪﻭﻱ ﻋﻠﻲ ﺍﻟﻤﻌﻠﻮﻣﺔ ﺍﻟﻘﻴﻴﻤﺔ

ﻭ ﺍﺩﻳﻨﺎ ﺑﻨﺘﻌﻠﻢ

ﺷﺎﻛﺮ ﻣﻘﺪﻣﺎ
ﻣﺤﻤﺪ ﺑﻜﺮ

عفوا و تحت امر الاعضاء المحترمين

**mo3tazanas** · 21-04-2014 11:19 PM

نكمل
هنفك بقى الغطاء او الصامولة الكبيرة ونطلعها برة

هتخلى بالك ان اتجاة السهم لازم يبقى لقدام علشان وانت بتركب تانى

بعد ما فاكينا الغطاء هتسحب الطرمبة لفوق وبحرص وميل لامام علشان تسلك العوامة فى الطلوع

**mo3tazanas** · 21-04-2014 11:38 PM

طبعا بعد ما هتطلع الطرمبة هتلاقيها لونها بنى ودة من البنزين بتاعنا النضيف انما هى فى الحقيقة لونها ابيض
طبعا احنا هنضف الطرمبة من برة بالبنزين لحد ما ترجع للونها الاصلى والمفروض نفك الطرمبة من جوة كمان بس دة حوار يطول شرحة نبقى نقولة بعدين ...هيبقى عند العوامة ..هنفك الكلبسين الى السهم الاحمر بيشير ليهم من بوردة العوامة

وبعدين هنرفع الكلبس اللى بيشير الية السهم الاحمر ونحرك العوامة فى الاتجاة السهم الاسمر ...وبكدة احنا خلعنا العوامة

**mo3tazanas** · 21-04-2014 11:50 PM

بعد ما خلعنا العوامة هتلاحظ ان العوامة عبارة عن بوردة متصلة بالكهرباء بتتحرك عليها السيخ اللى فى اخرة البالونة التى تطفوا على سطح البنزين لتعطى بذالك القراءة عن مستوى البنزين

طيب ما الذى يضمن ان يظل السيخ المتحرك ملامسا للبورة ؟؟؟ ولا يبعد عنها ؟؟؟ لانة لو بعد عن البوردة ولم يلامسها لن تقراء ولن تعطى منسوب البنزين فى التانك!!!!