الموضوع: تجربتي مع توكيل مودرن موتورز سوزوكي بعد اكثر من عام

السلام عليكم و رحمة الله و بركاته
هذه تجربتي مع توكيل مودرن موتورز سوزوكي -- و بالتحديد فرع الكيلو 28 مصر اسكندرية الصحراوي....
و الله علي ما أقول شهيد...............

استلمت الالتو مو 2013 من سنة و شهرين تقريبا -- و دائما بعمل الصيانة الدورية هناك و من اول شهر بروح التوكيل عشان عضة في المارشدير --- و روحت كتيييييييير بسببها - - كل مرة يقولولي بتتحل -- وطبعا مش بتتحل..
ده غير اني احيانا روحت 3 مرات متتالية عشان خبطة بتتسمع في العفشة -- و برده فين و فين لما بتتحل -
وفيه خبطة في العفشة دلوقتي و مش عارفين يعملوها -- هيه مش باينه اوي يعني بس انا مش بحب يكون عندي اي مشكلة في حاجتي و بدفع فلوس يبقي المفروض الحاجة تتصلح..
-- اخر مرة كنت هناك قلت للمهندس و هوه قاعد جنبي بيشوف عضة الفتيس هاتحصل ازاي-- هوا انا يا فندم بجيلكم من مدينة العبور الي الكيلو 28 عشان اغسل العربية و امشي --
قاللي ازاي --
قولت مفيش حاجة بتتعمل من اللي بقول عليها -- قاللي اطمن... النهارده مش ها ندخلها مغسلة --
هههههههههههههههههههههههه


وانا بشد في شعري --
قولت فعلا و هاتدخل ليه هيه دخلت الورشة!!!!
بخصوص عضة المارشدير تاني -- في مرة البشاوات بيقولولي --
يمكن حضرتك مبتعرفش تجيب الغيار كويس --
قولت يا فندم -- اقول لحضرتك انا بسوق من امته او سوقت كام نوع عربيات؟
قدمت اكثر من شكوي --
من شهر اتصل بي مدير قسم سوزوكي في الكيلو 28 ابو رواش -- قاللي احنا "آسفين يا ريس" -- و تعالي لي شخصيا و هانشوف اي مشكلة --
و باتت العربية يوم عندهم --
و لم يحل اي شئ --
اتصل بي خدمة العملاء بعدها --
قلت لهم مفيش حاجة اتحلت --
قالت سيادتها تعالي حضرتك و نوعدك ان المشكلة لازم تتحل المرة دي -- و لو فيها تغيير الفتيس حتي --
اخذت اجازة من الشغل و روحت --
و مفيش فايدة ---
مفيش حاجة برده اتعملت --
هما اساسا بينكروا ان المشكلة موجودة لانها مش بتحصل دائما--
يتبقي بس اني اذكر الحوار التالي........
اخيرا ممثلة خدمة العملاء اتصلت بي من يومين بتقولي ايه رايك في الخدمة --
قولت الحمد لله مفيش حاجة اتحلت --
قالت ازاي بس هو المهندس قال ايه لحضرتك --
قولت قالي " زيها زي اي سوزوكي التو" ---
قالت يعني ايه --
قولتلها فيما معناها ان ده عيب تصنيع و لازم ارضي بيه - كما افهموني......
قالت-- آه..... بس كده يا فندم ده عيب تصنيع في الموديل كله يعني مالناش اي زنب --
قلت انتم المفروض توكيل محترم -- ازاي مفيش اي اتصال بينكم و بين المورد بخصوص عيب في كل السيارات لفئة معينة و انتم تعترفون به و طبعا لا يحدث هذا الاعتراف امام العميل.
قالت لا -- اي توكيل فيه عنده سيارات فيها عيوب تصنيع..
قولت -- - اي توكيل ممكن يكون عنده بعض السيارات في موديل معين فيه عيوب تصنيع و ليس معظم سيارات الموديل كما هو عندكم---- مثلا الفيرنا مع غبور -- اشتكي البعض و منهم الكثير من قام التوكيل بحل المشاكل.
و كمان انا هربت من غبور و كنت فاكر انكم افضل كتوكيل -- يحصل كده؟؟؟؟
قالت لا -- الفيرنا كلها عيوب
قلت -- حضرتك لا تعلمين ذلك لان ليس لكي علاقة ب هيونداي -- انت لك علاقة ب سوزوكي او نيسان.
قالت -- لا ما هو انا اعرف ناس معاهم فيرنا و كلها عيوب..
قلت -- و انا تعاملت مع وكيل غبور و اعرف الكثير.
و قلت ايضا -- انتم كتوكيل عندكم مشاكل كثيرة جدا و لا تعترفون بذلك و سيكون ذلك وبالا عليكم --
قالت مشاكل ايه..
قلت مثلا مشكلة عيوب الصناعة - و مشكلة التسعير السئ جدا لبعض السيارات التي تقضون عليها بانفسكم ---- سيلاريو مثلا..
قالت ازاي يعني --
قلت ياريت تقارنوها بمثلها --
قالت هي الافضل
قلت السيارة اي تن مثلا -- اوسع و اكثر انتشارا - موتور اقوي -- ضمان 5 سنين و ليس 3
و توضع في نفس سعر السيلاريو --
لم ترد --
و اخيرا انهيت المكالمة بعد ان وجهت لها الشكر --- حتي انهي واشوف موضوع تاني اتكلم فيه -- لانه قد فاض الكيل..
ملحوظة -- هناك عملاء مالكي سيارات نيسان ايضا لهم شكاوي كثيرة و ليس سوزوكي فقط

ما يمنعني من عدم التعامل معهم - هو اني لا اجد ميكانيكي قريب مني محل ثقة
ودائما مشاويري طويلة و ليس لدي وقت للذهاب لميكانيكي --

هدانا الله و اياكم لما فيه الخير

و آسف علي الإطالة

المشاركة الأصلية كتبت بواسطة scientist9508

بسم الله الرحمن الرحيم

الأخ الفاضل صاحب المشكله

أمتلك سياره ماروتى منذ خمس سنوات و بدأت مع التوكيل تمامآ مثل حضرتك و إنتهى الأمر بأن حررت محضر ضد الشركه فى جهاز حماية المستهلك كما أننى كنت على وشك إستدعاء الشرطه لنفس مركز الصيانه الذى تقوم فيه حضرتك بعمل صيانه لسيارتك وهو مركز الكيلو 28 طريق إسكندريه الصحراوى و لنفس الأسباب التى تعانى منها حضرتك و إن إختلفت التفاصيل

لا أريد الإطاله و لكننى أقدم لك ملخص تجربتى و الإفاده و ليس معاقبة التوكيل فهم أقل شأنآ من أن أشغل نفسى بهم

وجدت ميكانيكى فى غمره . . . شديد المهاره . . . رائع بحق و لكنه قد يغالى فى أجرته أحيانآ . . . بالنسبه لى لا يشغل بالى غلو أجرته لأننى منذ أن تعاملت معه و السياره فى أفضل حالاتها هلى الإطلاق . . . فلم يحدث أن كرر العطل نفسه بعد أن قام هذا الميكانيكى بتصليحه كما أنه دقيق فى عمله

و أشعر بندم على كل المبالغ و الأموال التى أنفقتها على التوكيل

أخى الكريم . . . إنسحب من التوكيل حفاظآ على سيارتك و على أموالك

جزيل الشكر اخي الفاضل scientist9508
فعلا افكر جديا في الانسحاب من هذا التوكيل -- ادعو الله ان يهديني الي البديل الجيد بخصوص الميكانيكا و العفشة الزيت --
شكرا جزيلا انك ايضا كتب عنوان الميكانيكي