الركود العالمى وهبوط اسعار السيارات
انا فتحت الموضوع ده لمناقشة شىء مهم للى عاوز يشترى سيارة فى الوقت الحالى هل الوقت ده مناسب لشراء سيارة سؤاء مستعملة او زيرو
الصرحة اسعار السيارات المستعملة مبلغ فيها بشدة النهاردة شوفت اعلان عن عربية لانوس 2 موديل 2008 صاحبها طالب فيها 69 الف وتروح تسجلها يبقى العربية واقفه اغلى من الوكيل
ياترى بعد اسعار البترول ما نزلت اكتر من 40 فى المية هتفضل اسعار السلع زى ماهى وكمان المعادن
احنا طبعا كلنا سمعنا عن الازمة المالية اللى بتمر بدول العالم
الازمة دى هتدوينة لركود اقتصادى يعنى مش هيبقى فيه بيع والعرض هيكون اكتر من الطلب خصوصا فى امريكا واوربا ودى اكبر مستهلك فى العالم بالنسبة للسيارات فى بالتالى بعد نزول البترول والمعادى الشركات مجبارة تنزل الاسعار حوالى 25 فى المية على الاقل بنصحية منى اللى بيفكر يشترى حاجة يستنى حاولى شهرين حتى تبان الرؤية هل فعلا الاسعار هتنزل ولا لا وارجوا التعليق من الاعضاء
تعالوا نحلل الموضوع ببساطة
أنا قرأت تحليل عجبني أوي وممكن يكون منطقي:
1- حالة الركود اللي في امريكا واوروبا هتؤدي الى قلة السيارات المستوردة لديها (يعني الطلب عندهم هيقل).
وبالفعل شركات انتاج السيارات في كوريا واليابان واوروبا خفضت انتاجها لسنة 2009 بسبة من 10 -30 %.
2- بردة في انتاج زيادة مش هيروح امريكا ولا اوروبا فبالتالي هينزل دول الشرق الاوسط وشمال افريقيا والخليج.
يعني المفروض هيبقي في معروض كتير واوبشن افضل.
3- من المتوقع نزول سعر السيارات بنسبة معينة (انا معرفهاش) وممكن تلاحظ دوة الايام دية لو سألت عن اسعار السيارات تلاقيها نزلت في حدود 1000-2000 جنية.
على فكرة التحليل نصح اصحاب التوكيلات واللي عندهم مخزون كبير انهم يعملوا عروض ويخلصوا من المخزون اللي عنهم بسرعة
4- ممكن تفضل عربيات بنفس تمنها بس يديلك اوبشن افضل أو ممكن يخلي السداد على سنة بنفس السعر الحالي أو ممكن يعملوا تخفيض حقيقي.
5- أعتقد ان الفترة القادمة هتبقي فترة ترقب للي هيحصل (اصبر شويه ونشوف).
6- على فكرة التحليل اللي قريته كان في ملحق السيارات الجمعة اللي فاتت 17/10/2009.
اسف على الاطالة بس حبيت افيدكم باللي قريته