يا شباب انا عاوز اشترى كاوتش مقاس 14 /65/185 ومحتار بين كومهو ايكستا ku31 و يكوهاما c drive.
المهم انا لما سألت عند بتوع الكاوتش لقيت الاتنين سعرهم قريب يعنى الكومهو الفردة ب380 واليكوهاما الفردة ب450 بس الناس بترجح لى الكومهو.؟؟
ايه رايكم؟؟
عرض للطباعة
يا شباب انا عاوز اشترى كاوتش مقاس 14 /65/185 ومحتار بين كومهو ايكستا ku31 و يكوهاما c drive.
المهم انا لما سألت عند بتوع الكاوتش لقيت الاتنين سعرهم قريب يعنى الكومهو الفردة ب380 واليكوهاما الفردة ب450 بس الناس بترجح لى الكومهو.؟؟
ايه رايكم؟؟
الكومهو فعلا افضل
يعنى 53 مشاهدة ومفيش حد يقدر يساعحنى تانى غير محمود نبيل.
برجاء المساعدة ضرورى جدااااا
انا مركب كمهو ايكستا
هيه ناشفه شويه بس فيها ميزة هايله مش بتلم مسامير ولا زلط وبتتحمل جامد صراحه
طبعا اليوكوهاما
مفيش وجه مقارنه
افضل كاوتش في مصر هو ميشلان واليوكوهما والتورنزا
بعد كده الباقي كله اقل منهم
والتلاتة دول هتلاقيهم تقريبا نفس الاسعار
شكرا على الردود يا شباب ومستنى حد تانى يكون جرب ايكستا لان فى ناس كتير بتشجعنى انى اجيبه وشكروا فى الثبات بتاعه وكمان بيقولوا انه ثابت جدا على السرعات ومالوش صوت.
هل الكلام ده صحيح
مشكلة معظم الانواع هي النقشه .... بتلم طوب و مسامير ....
متابع
بص يا ريس المقاس بتاعك دا انا ركبته لما زهقت ميت نوع
مسترش معايا الا الدانلوب اليابانى فقط
روعة روعة روعة
البديل وجربته بس فى مقاسات مختلفة اللاسا كاوتش ممتاز فعلا
الايكستا الفيتنامى وتوكل على الله بقاله معايا سنتين
اليوكوهاما سى درايف طبعا
وبنفس السعر ممكن تجيب ميشلان أنضف من الاتنين
شكرا على الرد بس بصراحة انا معرفش موديل الدانلوب حتى السى درايف لقيت منه موديلين فاحترت اكتر
ياسيدى مفيش زعل خالص كلنا بنتعلم من بعض وحضرتك بالذات انا بحترم رأيك جدا بس قولى موديل الدانلوب ايه ومعامل السرعة ايه.
كنت مجرب المقاس ده فى أوبل كورسا كونتيننتال اسبانى وكان عاجبنى أوى
طبعاً الميشﻻن أحسنهم بس أغلى غالباً
أنا ماجربتش الاتنين الصراحة
زمان كانت اللانسر نازلة بالكاوتش اليوكوهاما وكان حلو اوى الصراحة بس الكلام ده كان سنة 98.
الدانلوب مابحبوش من زمان مش عارف ليه. واللى أعرفه إن شركة ساميتومو اليابانية وجوديير استحوذوا على دانلوب بالكامل أواخر التسعينات. وبقيت ساميتومو ماسكة دانلوب خارج أوروبا وأمريكا.
انا كمان النهاردة فى واحد صحبى عنده محل كاوتش وقالى ان اليوكاهاما احسن ياريت ياجماعة لو حد جرب دانلوب يابانى يقولى ويقولى اسم النقشة ايه. معلش انا بتعبكم معايا. وبشكر كل الشباب اللى ردوا على.
بجد يا جماعة لو فى دانلوب نقشة حلوة ياريت تقولوا عليها. لان دلوقتى محتار بين اليوكاهاما سى درايف والدانلوب. الناس بتشكر اكتر فى سى درايف يوكاهاما بس انا بردوا بحاول اعرف ان كان فى دانلوب يابانى نقشة حلوة وحد مجربها تبقى كويسة بردو وطبعا الدانلوب بينزل فى عربيات كتير قوى.
بجد يا جماعة لو حد يساعدنى فى الاختيار مابين النوعين هكون شاكر جدا. والواحد بيغير الكاوتش كل 40 الف او اكتر حاجة بسيطة يعنى كل 4 او 5 سنين مش كل يوم يعنى.
اعتقد اليوكوهاما
أفدتني بالسعر أفيدك بالفروق واختار انت
إطارات Kumho Ecsta SPT KU31 مواصفة وميزات ونتائج اختبارات إطارات
إطارات Yokohama C.drive AC01 مواصفة وميزات ونتائج اختبارات إطارات
وانا عن نفسي عن قراءة كتيييييير أوي عن اليوكوهاما هاجيبة طبعا رغم إن معايا فرده في العربية شبه جديدة من الاكستا
وخد المعلومات دي ومخمخ
[url=http://www.assayyarat.com/forums/thread54975.html]
c drive أفضل من c drive 2 أصلا
وده فيديو يوضح لحضرتك تفضل
A.drive & C.drive - YouTube
أنا آسف جدا، أنا لسه واخد بالي إن المقارنة بين A - C drive لان أنا كنت ناشره في موضوع تاني،
على العموم في رابطين تقدر تعرف منهم مقصودي وهما لموقع بيعمل ريفيوهات على الإطارات::
1
Yokohama C Drive | the Yokohama C Drive reviewed and rated - TyreReviews
2
Yokohama C Drive2 | the Yokohama C Drive2 reviewed and rated - TyreReviews
وتقبل تحياتي.
للاسف رحت النهاردة لقيت ان يوكوهاما اللى موجود عند الراجل A drive وطلع مبيفهمش. انا ماكد عليه ان هشترى سى درايف ولما رحت النهاردة قالى يا بيه مفيش سى درايف انتاج 2013 فى السوق كله قديم جدا. ولقيت عنده مندوب غبور وكيل يوكاهاما وقالى سى درايف مش هينزل تانى.
والمفاجأة التانية ان توكيل كومهو خلص من عنده ايكستا وهينزله power max 769 كورى انتاج جديد وقالى ده انعم واحسن ميت مرة من الايكستا.
رايك اخد A drive ولا كومهو باور ماكس. انا محتار جدا. اعمل ايه؟؟؟؟
أستاذ كاريير شكرا على الرد. انا هنزل يوم الجمعة لواحد فى الزيتون عنده دانلوب بس ياريت تقولى ايه النقشة اللى اجبها.
انا احترت اكتر وتعبت جدا برجاء المساعدة ضرورى جدا.
السي درايف والاكستا الاتنين ممتازين .. بس يللا الحمدلله
الدانلوب الالماني في رأيي احسن بكتير من الياباني
وفيه الكونتيننتال الفرنسي ecocontact مش البولندي ممتازه برضو وسعرها كويس كماركة زي الكونتيننتال good value for money كنت جايبها من بركات في مصطفى النحاس وكان احسن سعر لقيته عنده
في الريو جبت GT champiro مش classiro نقشتها ممتازه برضو بس صوتها عالي شوية بس في المجمل فرده ممتازة وتقريبا مقاسها هيبقى زي عربيتك
بالتوفيق