الموضوع: استفسار بخصوص لفات موتور sir

هو ال rpm كام؟ 9 و الا 10؟

أشكرك علي معلوماتك الراءعه فيه حد معاه sir استوك و مغيره موتور الكود ده و فعلا ده بتاع الاوتو و و بنفكر ندخل العربيتين نبدل يعني بس كنت مستغرب لما قال المكنه حالتها ممتازه و بتاكل ربع كيلو زيت كل غيار و كمان انا مسوقتش اي عربيه علي الميه الغيار الخامس لفات الموتور عاليه كده و لا حتي الرابع قلت اسأل أهل الخبره و الراجل اللي معاه العربيه قالي أن الموتور ال ٥ ده احمي موتور فيها و طبعا انا مش واثق بس اعرف أن الهورس بتاع ال b16a6 إلا ستوك اللي نزل مصر مبيوصلش ١٦٠ مش عارف بس انا كده عرفت مبدئيا الراجل بيتكلم في الصح و شكرا مره تانيه سامح باشا و تحياتي لكل اسره المنتدي

ار بي ام ٩

اه هو مركب جنط ١٦ و قالي اخرها بتقفل ٢٣٠ و لغايه ٢٠٠ تجميعها جميل لونها زيتي و هو مغمقها شويه قريب من الأسود و صاحبها من الاسماعيليه و قاعد في مصر الجديده حد من الرجالة عارفها اكيد طبعا عارفين بعض بالاسم ههههههه

يا باشا بمنتهي البساطة لما يبقى اخر ال ار بي ام 9 تبقى 3.5 دي تقريبا 1/3 من ال ار بي ام كله

نفس النسبة لو عربية اخرها 7 ار بي ام و بتجيب ال 100 على 2.5 اللي هي برضه 1/3 من ال 7 تقريبا

و عشان ال sir فيه ار بي ام عالي عاملين الفتيس بتاعه بنقلات قصيرة و ده بيعمل تجميع سريع و بيدي عزم

لكن العربيات العادية بتكون النقلات اطول و الار بي ام اقل

و حقولك على حاجة المكنة ال b16a2 اللي بتنزل في الاوريجينال لمصر و شمال افريقيا تشغيلها مع البنزين ال 92 احسن من ال b16a5 عشان معامل الانضغاط بتاعها اقل من ال b16a5 و ده اللي بيخليها اقل في الهورس بور

عشان كده هي نازلة لمصر بالكود ده لانهم عارفين ان مصر صعب فيها الاوكتان العالي (وقت ما نزلت)

و حتة بقى ان ال b16a5 احمي من ال b16a2 دي مش حتلاقيها الا اذا حطيت 95
لكن مع ال 92 الاتنين واحد

كلامي دا عن تجربة لاني كان عندي المكنتين و شيلت ال b16a5 و رجعت الاوريجينال تاني

أشكرك علي المعلومات الجميله بس هو تعقيب صغير اللي نزل مصر الكود بتاعه b16a6 لأني شفته بعيني في عربيه كنت هشتريها بس كان الموتور تعبان و لما سالت سامح و دخلت علي النت لقيت المكنه دي اضعفهم بتعمل ١٥٨ حصان بس و ال b16a 5 دي اقواهم ١٧٥ حصان بس نزلت أمريكا و كندا علي فتيس أوتو انا اساسا ياست ألاقي عربيه منهم نظيفه انا شفت ٣ عربيات استوك ek4 بس انظفهم مفوته و موتورها أرب يرزع و الباقي خبطات موثره و تغيير لون و كده اظاهر مفيش عربيات نظيفه منها خالص و بيني و بينك كنت هعمل عربيتي انا و أعدلها بس الموضوع دوشه وعاوز حد فاضي و ناس قالت أن اغلب المكن الاستيراد بييجي يمين و بتعدل في الدفيره و ده بيخلي أداءها اقل من الاصليه و سببت مشاكل لناس احسن حاجه الواحد يستني شويه و اشوفلي وحده ٢٠١٠ vti و خلاص و الله المستعان و أكرر شكري و سلامي لكل المنتدي و عشاق الهوندا

المشاركة الأصلية كتبت بواسطة Waleed maher

أشكرك علي المعلومات الجميله بس هو تعقيب صغير اللي نزل مصر الكود بتاعه b16a6 لأني شفته بعيني في عربيه كنت هشتريها بس كان الموتور تعبان و لما سالت سامح و دخلت علي النت لقيت المكنه دي اضعفهم بتعمل ١٥٨ حصان بس و ال b16a 5 دي اقواهم ١٧٥ حصان بس نزلت أمريكا و كندا علي فتيس أوتو انا اساسا ياست ألاقي عربيه منهم نظيفه انا شفت ٣ عربيات استوك ek4 بس انظفهم مفوته و موتورها أرب يرزع و الباقي خبطات موثره و تغيير لون و كده اظاهر مفيش عربيات نظيفه منها خالص و بيني و بينك كنت هعمل عربيتي انا و أعدلها بس الموضوع دوشه وعاوز حد فاضي و ناس قالت أن اغلب المكن الاستيراد بييجي يمين و بتعدل في الدفيره و ده بيخلي أداءها اقل من الاصليه و سببت مشاكل لناس احسن حاجه الواحد يستني شويه و اشوفلي وحده ٢٠١٠ vti و خلاص و الله المستعان و أكرر شكري و سلامي لكل المنتدي و عشاق الهوندا

فعلا مظبوط انا اسف مش عارف ايه اللي مخليني معلق على b16a2 :) هو b16a6 صح

لو بتدور فعلا في واحد صاحبي معاه ek4 استوك كان بيفكر يبيع , العربية ماشاء الله استوك زي ما هي كل اللي فيها جنط و نفس مقاش الاستوك 15 و موتورها سليم و كل حاجة فيها استوك , حشوف لو لسه جد في البيع حبلغك