بعد إذن صاحب الموضوع اللي هو أنا برده :) هجاوب على حضرتك
نصيحة خليك في الآيفون عن تجربة شخصية لآيفون 5 ونوت 3
كاميرا الآيفون أفضل من النوت 3 بالرغم من إن كاميرا الآيفون 8 ميجا والنوت 3 كاميرا 13 ميجا
نظام الios أكثر ثبات وأقل مشاكل من الأندرويد خاصة لو الجهاز سامسونج
وآديك شفت تحديث أندرويد قعد أكتر من 3 شهور لحد ما وصلنا ! مع إن الآيفون ساعات أو أيام بالكتير ويوصل لكل الأجهزة
أنا مستني الآيفون الجديد ينزل وهجيبه فورا بدون تردد إن شاء الله
وسبب تركي للآيفون وتجربة النوت 3 هو حجم الشاشة ليس أكثر لكن سمعت أن آيفون الجديد هينزل بحجمين منهم حجم فابليت بشاشة كبيرة زي النوت 3 كده وأتمنى الكلام ده يكون صحيح وحتى لو مش صحيح هجيبه برده لأني قرفت من البطء والتهنيج بتاع النوت 3 مع إن الجهاز ده مفروض إنه جهاز خارق يعني ! بس بصراحة حاسس إن الآيفون أسرع منه على الرغم من أن النوت 3 مواصفاته أعلى ظاهريا
وأرجو من الإخوة متعصبين سامسونج ميزعلوش من كلامي لأن في ناس بتاخد المواضيع دي بحساسية أوي وبيزعلوا مش عارف ليه !!
والقرار في الآخر لحضرتك ممكن تقرأ رفيوهات الجهازين على يوتيوب وتقرر بنفسك لأنها مسألة أذواق برده في النهاية
المفضلات