الموضوع: عضو جديد وعايز اخد رايكم في عربيه بعد اذنكم

فيرنا نوبيرا لوجان لانوس خيارات كتير بس حدد انت عاوز اية من العربية و احنا انشاء اللة نفيدك

هايركبوك فيرنا حالتها تحفه،
انا عندى واحده للبيع ، موديل 2011 فابريكه دواخل وخوارج ، عدادها 70000 كم ، والمطلوب فيها 60000 جم،
وده عميل عندى بالمركز

مشكورين جدا يا جماعه علي الاهتمام والرد
----------------------------------------------
استاذ :
abofandy
ما اعتقدشي ان المبلغ ده ممكن يجيب كريستاله او مكواه اعلي من 2010
--------------------------------------------------------------------------------
استاذ :
kokowasfy
انا عايز عربيه حالتها حلوه ةتكون قطع غيارها كويسه ومش متعبه في اعطالها وتستحمل
-----------------------------------------------------------------------------------------------
استاذ :
moe gawad
طب بعد اذن حضرتك هو المبلغ ده ما يجبش موديل 2012 ع الاقل تكون ما اتبهدلتش اوي ولا ايه
ولو ممكن تبعتلي صوره للعربيه ال 2011 او مواصفاتها ولونها ومشكور جدا
-----------------------------------------------------------------------------------------------------

فى فيرنا معروضة على كونتاكت كارز 2012 عاملة 60 الف كيلو ب 60 الف بالظبط بيقول رشة حزام معرفش يعنى ايه - بس عيبها ان لونها ابيض مبحبوش - انا معايا 80 الف وهمووووووووووت واجيب لانسر مستعملة بس بعد مشفت خوازيق لبسها ناس اعرفهم فالمستعمل قررت اجيب فيرنا زيرو مع انها والله متستاهل المبلغ المدفوع فيها ده - بصراحة انا لو منك طالما كده كده هتجيب مستعمل جيب لانسر لو مفيهاش خوازيق هتعيش معاك اكتر مالفيرنا الزيرو مش 2011 ولا 2013 حتى

المشاركة الأصلية كتبت بواسطة mico_mico

فى فيرنا معروضة على كونتاكت كارز 2012 عاملة 60 الف كيلو ب 60 الف بالظبط بيقول رشة حزام معرفش يعنى ايه - بس عيبها ان لونها ابيض مبحبوش - انا معايا 80 الف وهمووووووووووت واجيب لانسر مستعملة بس بعد مشفت خوازيق لبسها ناس اعرفهم فالمستعمل قررت اجيب فيرنا زيرو مع انها والله متستاهل المبلغ المدفوع فيها ده - بصراحة انا لو منك طالما كده كده هتجيب مستعمل جيب لانسر لو مفيهاش خوازيق هتعيش معاك اكتر مالفيرنا الزيرو مش 2011 ولا 2013 حتى

كلامك مظبوط بس هو المبلغ ده يجيب لانسر اعلي من 2010 ؟

المشاركة الأصلية كتبت بواسطة ahmed aburaia

السلام عليكم ورحمه الله وبركاته

------------------------------------
انا عضو جديد معاكوا في المنتدي
-----------------------------------
ان شاء الله انا ناوي اجيب عربيه اخر الشهر ده او اول الشهر الجديد لحد ما اظبط الامور بس
انا معايا 60 الف وممكن ازود الفين كمان
فا كنت بفكر في الفيرنا
وبما ان انتوا فيرناويه حبيت اخد رايكم

انا عايز فيرنا موديل فوق 2010
--------------------------------------
2010/2011/2012/2013
--------------------------------------
تكون مانيوال
----------------
فياريت حضارتكوا تفيدوني
هل المبلغ ده يجيب فيرنا موديل كام وحالتها ايه ؟
ولو في اختيارات تانيه غير الفيرنا في رايكم احسن منها ياريت تفيدوني
-----------------------------------------------------------------------------
واسف علي الاطاله
-------------------------
شكرا..

رغم ان الفرنا شغالة تاكسي ..لكن الفرنا من وجهة نظري وده راي شخصي..هي التطور الطبيعي لل 125 او ال 128 في اقصى التوقعات ...يعني متتوقعش منها انها تكون زي التويوتا او البروتون او الكريستاله او بومه او غيرها من الماركات...وفي احد الاعضاء قالك انها تجيب لانسر بومه ...ادخل على كونتكت وهتلاقي بومه بالسعر ده ..وملكش دعوه بالموديل...العربية حالة ..في عربيات موديل حديث وبتعمل عمرة والموتور ضايع ..اهم حاجة الشاسية والقوايم ..ارخص حاجة الموتور....يا راجل انا كان معايا نوبيرا 99 اوتوماتيك قعدت معايا 6 سنين بدون مشاكل نهائي.. مغيرتش غير مقصات وكوعة ميه والصيانات الدورية فقط من زيت وفلاتر وسيور لا غير
....وبالتوفيق