سؤال في موضوع عماد متعب مع الشرطة

**Seifmando** · 23-04-2014 10:24 AM

السلام عليكم

قريت عن موقف عماد متعب اللي حصل امبارح مع امين الشرطة في التجمع.

بدون الدخول في التفاصيل كنت عاوز اعرف هو من حق اي ظابط شرطة انه يقول "انا شاكك في الرخصة او البطاقة دي وتعالي نكشف عليها في القسم"

لان في بعض شهود العيان اللي كانوا حاضرين الموقف وقالوا ان الامين لما لقى معاه مسدس طلب الترخيص ولما متعب اداله الترخيص فالامين قالوا انه شاكك في الترخيص ولازم يروح معاه القسم عشان يتأكد من صلاحيته !!

انا بسأل السؤال دا لان نفس الموقف تقريباً حصل مع واحد قريبي .. كان في مدينة نصر و معاه صاحبه معاه عربية متفيمة كلها في نفس الوقت كان فيه ظابط في بوكس كان بيلف المنطقة و ووقف عند العربية ولما طلب الرخصة صاحب العربية مدالوش الاحترام والتــبــجــيــل اللي يليق برتبته (من غير ما يقل ادبه عليه طبعاً) فلما الظابط لقي ان الفاميه مثبوت علي الرخصة فالظابط قاله انه شاكك ان الرخصة مزورة ولازم يروحوا القسم عشان يكشف عليها ولما راح هناك عمله محضر وبيته في الحبس ورحله علي النيابة تاني يوم.... وطلع من النيابة تاني يوم.

انا عاوز اعرف الموقف دا قانوني ولا لأ .. هل من حق اي ظابط انه يشك في صلاحية الرخصة او البطاقة وهل من حقه ياخد اي حد علي القسم

لو حصل الموقف دا مع اي حد فينا المفروض اعمل يه.

**أبو صلاح** · 23-04-2014 10:35 AM

انت الان في بلد القانون
وبعدين احنا من امتى بنسال الاسئلة دي؟

**محمد يوسف** · 23-04-2014 10:51 AM

من حقه لو لاحظ فيهم كشط أو طمس أو شىء مش منطقى .. والمفروض يبقى معاهم جهاز بيكشف فورا على صلاحية الرخصة

**M.ABDOU** · 23-04-2014 11:03 AM

فى اختراع اسمه تليفووون

زى ما بيستعلمو عن البطايق فى الكمين بالرقم القومى عن طريق التليفون من القسم ممكن عادى يبلغ عن رقم الرخصه وفى خمس دقايق يعرف ان كانت مزوره او لا

بس اهلا بيك انت فى مصر

**Seifmando** · 23-04-2014 11:12 AM

طيب طالما انا سليم وورقي سليم ليه يبيتني في الحبس واطلع من النيابه ... انا اتكدرت عشان انا مش عاجبه.
وبعدين لو قدمت فيه شكوى او عملت فيه محضر مش هستفيد حاجة ومفيش حاجة هتعوضني عن الليل اللي في القسم او منظري في الكلبش.

هو قانوني اصلاً انه ياخدني علي القسم وايه الاجراء الصح في الموقف دا

**drcobra** · 23-04-2014 11:23 AM

جهاز الشرطة ده من اخطر الاجهزة
يعنى لو ظباط الشرطة عنده ضمير سواء فى الشارع او القسم كلنا هنرتاح
للاسف ظابط الشرطة يعتبر قاضى للشارع يعنى ممكن يحل اى مشكلة بدون اوراق رسمية
لكن لو جعان ومفيش ضمير ربنا يستر علينا

**أحمد كمال** · 23-04-2014 12:58 PM

المشاركة الأصلية كتبت بواسطة drcobra

جهاز الشرطة ده من اخطر الاجهزة
يعنى لو ظباط الشرطة عنده ضمير سواء فى الشارع او القسم كلنا هنرتاح
للاسف ظابط الشرطة يعتبر قاضى للشارع يعنى ممكن يحل اى مشكلة بدون اوراق رسمية
لكن لو جعان ومفيش ضمير ربنا يستر علينا

لو ..... حرف شعلقة في الجو ......

**waleed0** · 23-04-2014 05:22 PM

المشاركة الأصلية كتبت بواسطة mustafavet

القانون انتهي بالانقلاب علي الدكتور مرسي - - - انتهي

ايوا صحيح ايام مرسي كان في قانون
كان في واحد مزور في اوراق ترشحه للرئاسة وكانت امه امريكية ومع ذلك كان عايش والقانون كان مش شايفة .
لا وكمان كان قاعد مع وزير الاعلام ( بتاع تعالي وانا اقلك فين ) بيخططوا لمستقبل مصر

انتم بالذات متتكلموش عن القانون