يا راجل إنت فين؟ ده أنا دايخ عليك :) بتضبط زوايا فين؟؟؟
Sorry man i still didn't do it.
I want to call you.. please give me your phone no.. or call me 012 2487696
سؤال للأخOldVic. انت بتستعمل بنزين 92 و لا 95 ؟
معلهش انا بسأل كتير بس عايز اطمن على موضوع البنزين ده
مخالفة القاعدة 6ب
إدارة المنتدى - 3
يا جماعة انا اول مرة اقرى الموضوع وليا تعليق واحد، انا معايا ميجان 2006 جايبها معايا من السعودية وكنت طول ما انا هناك بحطلها بنزين 95 ومكتوب على التانك اني استعمل 95 او اعلى وفضلت قبل ما البنزين يغلى احطلها 95 لكن بعد ما البنزين غلي قررت ابدا احط 92 فضلت شوية في الاول تسقف بعد كده التسقيفة دي راحت. مع العلم انه نفس الموتور المستخدم في الميجان اللي في مصر بدون اي تغيير. فانا اعتقد ان موضوع البنزين المستخدم بيفرق حسب العربية هتتصدر لفين
ودى اول مره اقراء الموضوع ده وليا رأى قد لا يعجب الكثيرين لكنه رأى انا متأكد منه ومقتنع بيه 100%
اولا اسعار السيارات فى مصر حاجه وحشه جدا واى عربيه بتجبها من مصر بتكون غاليه عن العربيات المماثله لها على الاقل 20 او 30 الف
ده غير انها ممكن تفرق فى التقفيل لو التقفيل مصرى ودى لوحدها مشكله يعنى ماينفعش اشترى عربيه ب100 الف والاقى التابلوه بيزيق او فيها مشكله من اى نوع لانها المفروض تكون فى احسن حال
الموزعين فى مصر مابيعملوش اوفر حقيقى يعنى الخصومات بتبقى ضحك على الناس
ماينفعش فى اى مكان فى الدنيا يتباع سياره موديل سنتين قبل ويبقى الخصم 5 او 10 الاف جنيه فقط لان المفروض الخصم ده على سعر العربيه موديل سنه قبل والتخفيض يكون على سعرها القديم بمعنى
اللانسر 2007 كانت ب80 الف لو اتعملها اوفر فى نصف او اواخر 2008 لازم يكون سعرها 70 الف موش اكتر لكن اللى بيحصل ان سعرها كان 80 الف وبعد الاقبال عليها الوكيل بيفضل يطلع بالسعر الى ان يصل 90 او 100 الف على نفس المودل والامكانيات وده المفروض مايحصلش
اما موضوع البنزين فده لوحده مشكله ولازم نهتم بتغيير فلتر البنزين لان بجانب الاسعار البنزين كله شوائب وده لوحده بيأثر على السحب
وشكرا للجميع وااسف على الاطاله
سؤال رخم: طب اللي عايز العربية تقسيط يعمل ايه؟ ..... يسقف :)
وكمان سؤال ساذج:......هو البنزين ال 95 بكام؟
آخر سؤال: لما العربية تفضل 3 سنولت مركونة بدون استعمال أو صيانة تبقى حالتها ايه؟
ماتفتكرونيش بهزر...أنا معجب جدا بالعربية دي من أول ما نزلت
وبتكلم بجدية والله فياريت تساعدوني
موضوع التقسيط ده مش عارف ايه المشكلة فيه
هل البنوك بترفض تقسيط عربية زيرو علشان مش موديل السنة طيب ليه ما هي زيرو ومن الوكيل
بخصوص بنزين 95 قبل ما نقول بكام حضرتك اسأل ملاك العربية كلهم بيحطوا بنزين 92 عادي جدا (ما عدا الأستاذ احمد OldVic)
بخصوص سؤال ركنة العربية هتأثر عليها ولا لأ
سؤال مهم وفي محله
بس احب ائكد لحضرتك اولا ان العربية بيتراجع على كل حاجه فيها قبل تسليمها للعميل وثانيا ان العربية لها ضمان 3 سنوات او 60 ألف كيلو متر من تاريخ الشراء