استفسار عن انذار العربية + سعر باب الفيرنا

**mohamedvip** · 23-04-2014 08:04 PM

السلام عليكم ورحمة الله وبركاتة
مشكلتى ان فى حاجة غريبة فى العربية ومش عارف سببها ايه
اوقات والعربية واقفة ومقفولة فجأة بيشتغل صوت الانذار واحنا كلنا عارفين بان الفيرنا مش بيجى معها انذار ولكن صوت الانذار اللى بيشتغل دا لو العربية مقفولة بالمفتاح وحد حاول يفتح المسوجر باى طريقة اخر زى السرقة دا على حد علمى

لكن العربية بتكون واقفة فى امان الله وبيشتغل صوت الانذار دا معرفش ايه السبب مع ان البيبان مقفولة كويس وللاسف العربية اوقات بتعملى صداع من الصوت دا وكمان الصوت بيشتغل مع الفجر والشارع كلو بيصحى على صوتها ياريت تفيدونى فى المشكلة دى ايه سببها.

وبالمرة عايز اسئل عن سعر باب الفيرنا عشان واحد صاحبى عايز يعرف سعره ايه اللون ابيض عشان لو السعر على حسب اللون ولو الباب الامامى ليه سعر والخلفى ليه سعر ياريت سعر البابين ايه لانى معرفش هو عايز يعرف سعر الامامى ولا الخلفى.

وياريت سعر الباب الجديد والاصلى مش التقليد او الاستيراد وزى ما قلت الباب الجديد والاصلى

وجزاكم الله كل خير واعتذر على الاطالة

**eng.salama93** · 23-04-2014 08:27 PM

المشكلة دي ف عربية واحد ساكن ف عماره جنبي و اتخانقت معاه اكتر من مره و دايما رده اصلها كدا و دا جهاز انزار اصلي و معرفش ايه
و لسه بتضرب كل يوم لحد دلوقتي

**mohamedvip** · 23-04-2014 08:31 PM

ربنا يستر ومحدش يتخانق معايا بسبب الصوت دا هههههههههههه
بس اكيد المشكلة دى ليها سبب واكيد ليها حل
فياريت اللى يعرف حاجة عن المشكلة دى يفيدنا

**haysam2000** · 23-04-2014 09:12 PM

بص لازم تكشف و لو عربيتك فى الضمان يبقى تروح التوكيل لو مش فى الضمان اعمل انت كشف بنفسك على الحاجه الصغيره زى انك تفتح باب باب و تدوس على زرار الحساس اللى فى الباب علشان تتاكد ان مفيش حاجه بتعلق و بعد كده يبقى عليك و على كهربائى شاطر

**haysam2000** · 23-04-2014 09:43 PM

كده يبقى غالبا فى حاجه فى الحساس الأساسى بتاع الجهاز اللى هو مع جهاز الأنزار و ده لازم التوكيل علشان غالبا هيتغير فى الضمان

**tameem2010** · 24-04-2014 02:58 AM

حصلت معايا قبل كده
شيل كابل البطاريه السالب
وخلى حد يدي لك زقه ودور وماشي 10 دقايق
وطفي وركب كابل البطاريه تانى
وكله هيبقى تمام
انا الجهاز كان بيهنج معايا كده والكهربائي هو اللى قال لى كده
او افصل البطاريه خالص
السالب والموجب واستنى خمسه

**mohamedvip** · 24-04-2014 04:09 AM

المشاركة الأصلية كتبت بواسطة eslam atia

سعر البابين فاضيين من غير قزاز ولا فرش داخلي 550 جنية من بورسعيد ، لسه جايبهم لواحد صاحبي
ولو اللون الابيض ممكن يزيدوا حوالي 200 جنية لان الطلب علي الابيض بكثرة بسبب الاجرة
انما لو جديد عليك وعلي التوكيل

شكرا لحضرتك على الافادة
لكن انا عايز اسعارهم جديدة من التوكيل فياريت اللى يعرف السعر يفيدنا

**mohamedvip** · 24-04-2014 04:11 AM

المشاركة الأصلية كتبت بواسطة tameem2010

حصلت معايا قبل كده
شيل كابل البطاريه السالب
وخلى حد يدي لك زقه ودور وماشي 10 دقايق
وطفي وركب كابل البطاريه تانى
وكله هيبقى تمام
انا الجهاز كان بيهنج معايا كده والكهربائي هو اللى قال لى كده
او افصل البطاريه خالص
السالب والموجب واستنى خمسه

معقول الحل دا هينفع ؟
انا بقدر اخدها لكهربائى واشوف المشكلة لكن قلت اسئل هنا قبل ما اروح لاى كهربائى ويقعد يفتى فيها وانا مش فاهم حاجة ومش عارف الصح من الغلط فقلت اكيد فى حد هنا قابلتو نفس المشكلة ولقى ليها حل