أنا بصراحة مش مرتاح ف مصر ،، بدون الخوض ف الآساب الكثيرة جدا ،، أرجو من السادة الآعضاء النصيحة لى عن كيفية السفر لأي دولة تحترم بنى أدم ،، مثلا تركيا ،، أنا مؤهل عالى وزوجتى أيضا ،، ولدي طفلة 3 سنوات وزوجتى حامل ف شهرين تقريبا .
عرض للطباعة
أنا بصراحة مش مرتاح ف مصر ،، بدون الخوض ف الآساب الكثيرة جدا ،، أرجو من السادة الآعضاء النصيحة لى عن كيفية السفر لأي دولة تحترم بنى أدم ،، مثلا تركيا ،، أنا مؤهل عالى وزوجتى أيضا ،، ولدي طفلة 3 سنوات وزوجتى حامل ف شهرين تقريبا .
بالتوفيق ان شاء الله
في حالة حضرتك الخليج اقرب عشان حضرتك معاك عائله
اقرا الموضوع ده يمكن تستفيد منه بشيء
http://www.nilemotors.net/Nile/234718-a.html
بكل بساطه اسرع طريق للسفر
ان اللى انت رايح له يكون محتاجك , و معندوش منك
انما تروحله علشان تبقى عاله عليه , هايقولك ملكش مكان عندى
يارضا لو كل واحد مخنوق عايز يمشى يبقى مش هيفضل حد فى البلد اساسا وكلنا هنمشى\
زى ما الأخ mtak قالك كدة لازم تكون مطلوب فى بلد ساعتها هتسافر بسرعة وتاخد وضعك غير كدة العادى بقى بتاع كل المصريين فى الخليج
ههههههههههههههه
كلنا هذا الرجل
بس مافيش اى دوله نضيفه بترضى بينا
أنا بصراحة أصبح عندي هاجس أن ممكن يتم أعتقالى ف أي لحظة ،، بسبب أو بدون سبب ،،، وهناك أشخاص جيران تم أعتقالهم منذ 4 أيام ،، أنا بجد مخنوق .
أشكر جميع الآعضاء والزملاء على مشاركتهم .
[QUOTE=Mohamed_Hamid;3875540413]ابدا يا ابو الجوهرى ومين عاجبه الحال؟
ربنا يسمع منك ويرزقنا بالجوهري الصغير .
اللهم آمين
اللهم فرج عنا ما نحن فيه .
اطلع فيزا سياحه لاى دوله ناوى تستقر فيها وشوف امورك والدنيا هتناسبك ولالا قبل ماتاخد الناس وتشحططتهم معاك
اما بالنسبه للسفر عموما انت اكيد هتحتاج ميزانيه فى الاول لانك مش رايح على شغل فبالتالى تروح الاول تزبط سكن وحالك وبعدين تاخدهم معاك ولو قفلت اوى شوف اسهل دوله ينفع يتفتح فيها مكتب او اوفيس صغير كده لاى نشاط بسيط وطلع عليه اقامتك وكده كده الزوجه بتبقا على اقامتك يعنى ليها كذا سكه متقلقش بس حط الموضوع فى بالك واطلع من البلد علشان ترتاح نفسيا
لو كنت سنجل كنت اقترحت عليك اقتراحات كتير لكن للاسف
السناجل كتير اقترح ميهمكش :d
متابع
قدم حضور مؤتمر فى اى دوله
سافر ومتحضرش المؤتمر
ضبط نفسك وشوف سكة
يا جماعة أنا عاوز رأيكم ف تركيا .
هل فيه أي سكة هناك ؟.
جزاكم الله خيرا على المشاركات .
واحد صاحبى بيقول لى فى سفر لروسيا حاجة أسمها عمالة موسمية بمرتب 1500 دولار ف الفترة من شهر 8 الى شهر 12 .
مش عارف ده صحيح ولا نصب .
حضرتك أقول لك الى أنا اعرفه
بالنسبة لتركيا مفيش وظائف هناك حتى للأتراك و المرتبات كده كده مش عاليه بس فرصة الأنشطة التجارية و الاستثمار عاليه جداً و مش هتشعر باى غربة و ممكن تشترى اى شقة صغيرة و تأخذ إقامة مفتوحة أو تحط وديعة فى البنك و تأخد عليها إقامة بس الحياه هناك رغم أنها ممتعة بس غالية و اى سؤال أنا تحت أمرك أنا كنت عايش هناك لمدة ٥ سنوات قبل ما يفتحوا باب التملك للمصريين و كنت مأجر شقة و كنت باشتغل لغاية عام 2009 و رجعت مصر بعديها
و نصيحة ابعد عن روسيا خالص إلا لو عرفت تسلك نفسك هناك و ده صعب جداً أنا اعرف روس أمنية حياتهم ٥٠٠ دولار فى الشهر مش ١٥٠٠ دولار و الناس دى عنيفة جداً و بيكرهوا الأجانب جداً جداً إلا لو ناوى تشتغل فى أشياء اكره أن اذكرها
طلع فيزا اتحاد اوروبى سياحة, وسافر اى بلد ليك حد معرفة فيها لوحدك بدون الأسرة, يفضل ايطاليا , و ظبط حالك باى شغل و بعدين ابعت هات أهلك لما امورك تستقر, بس الموضوع متعب جدا و صعب اى حد يستحمله بسهولة
جزاكم الله خيرا جميعا .
والله يا جماعة أنا مستعد أي مكان حتى لو السودان ،، بس المهم أحترام البشر والنفس .
طيب ياجماعه مفيش اى اخبار او معلومات عن السويد
انا اسمع انها بلد كويسه جدااا
هو ليه الناس محسساني اننا بنختار سندوتشات من ماكدونالدز (اخد بيج ماك و لا ماك رويال) ...... كأن كل البلاد فارشة لنا السجادة الحمرة و بننقي ؟؟؟
مش عارف الناس مستعجله وعايزين يسيبوا مصر ويهجوا ليه
اصبروا بس ياجماعه ومصر هتبقى قد الدنيا دي كلها ان شاء الله lol
أسرع وسيلة هي الدراسة، كل دول العالم المتحضر عندها منح ماجستير في كافة المجالات تقريبا وبعد الماجستير لو عرفت تلاقي عمل هناك او تكمل دكتوراة او على الأقل تروح الخليج وانت معاك شهادة أجنبية تخلي سعرك هناك عال
شوف حضرتك الصفحات دي
https://www.facebook.com/Mosta2bly
https://www.facebook.com/for9a
https://www.facebook.com/pages/Scholarship-Resources
https://www.facebook.com/daad.cairo.office
https://www.facebook.com/ScholarshipPositions
https://www.facebook.com/Scholarshiper
جزاكم الله خيرا جميعا .
سألت واحد صاحبى له أخ ف فرنسا قال ،، أن بولندا أو أسبانيا السفر لهما سهل وبسيط وغير مكلف ،، حد عنده فكرة ؟؟.
مفيش بلد في الاتحاد الاوروبي و بالذات منطقة شنجن (اللي بولندا و اسبانيا و فرنسا اعضاء فيها) هتديك تاشيرة الا لو شغال شغلانة كويسة بمرتب كويس جدا و عندك رصيد في البنك و معاك دعوة عمل (لاجتماع او مؤتمر مثلا) او حجز فندق ...... و حتى بعد كل ده مفيش اي ضمان انها تتوافق ....... و هيديك الفيزا على قد الايام بالظبط يعني المؤتمر من يوم 1 ليوم 10 هيديك فيزا من يوم 1 ليوم 10 بالظبط ....