بﻻقى دخان ابيض واحيانا مائل للزرقه لما اسيب العربيه تحت البيت لمده يومين اوثﻻثه يظهر اول ما ادور العربيه
هل ده عيب فى الموتورمع العلم ان الشكمان بيطلع مياه
بﻻقى دخان ابيض واحيانا مائل للزرقه لما اسيب العربيه تحت البيت لمده يومين اوثﻻثه يظهر اول ما ادور العربيه
هل ده عيب فى الموتورمع العلم ان الشكمان بيطلع مياه
دخان ابيض على ازرق يبقي بلوف المكينة بتهرب والزيت بيتحرق خلاص والدخنه دى معناها للاسف ان الموتور بيجيب اخره او بيودع او بدا يسلم نمر
ولو هتصلحها بلاش عمره وتصلح فى الدايب هاته استيراد احسنلك واريحلك
او علشان تريح دماغك وتبقى مرتاح علشان تتاكد لو كان فية شك قيس كبس المحرك
كاوتش صباب
وده تغييره بيسبب مشاكل فيما بعد؟؟اقتباس:
كاوتش صباب
ومصنعيته كام؟؟
جلد الصباب هتلاقيه ناشف فبينزل زيت على ضهر البستم لما بتكون واقفه فبمجرد الدواره بيظهر لك الدخنه اللى انت بتشوفها ده
متخفش الموضوع مش مقلق خالص
الشكمان بيعرق زيت ام لا
الزيت بينقص راقب مقاس الزيت كل يوم
المياة بتنقص راقب قربة المياة
سحب العربية وعزمها فى المطالع
هتحتاج اوسيل صبابات ودى عملية بسيطة بس محتاجة ميكانيكى كويس
كلمة ان الموتور خفيف تعنى ان اجزاء الموتور الحاكمة لعدم تسرب الحريق الى حيز الزيت وتسرب الزيت الى حيز الحريق اصبحت خلوصاتها واسعة وتسرب الحريق والضغط الى حيز الزيت والزيت الى حيز الحريق وهذا يؤدى الى اضطراب اداء المحرك وضعفه ونلاحظ ظهور الأعراض الآتية
1- تسرب الحريق الى حيز الزيت يضغط على الزيت ويسخنه فيهرب بخار الزيت من خرطوم الفايظ الذى يصل بين غرفة الزيت ووحدة تغذية الوقود، ويسهل الكشف عليه بالفحص النظرى لخرطوم الفايض اثناء دوران المحرك، فعندما تخرج كمية قليلة من البخار الأبيض من الخرطوم عند كبس دواسة البنزين بشدة فلا مشكلة اما لو ان البخار يخرج طوال فترة دوران المحرك وبكميات كبيرة فهذا معناه ان شمبر الضغط خفيف(لدينا 3 شنابر على كل مكبس، الأعلى مسئول عن الحبك على الحريق، والأوسط مسئول عن حبك الضغط داخل غرفة الحريق، اما الثالث فمسئول عن منع دخول الزيت الى غرفة الحريق،)
2- تسرب الزيت الى غرفة الحريق يؤدى الى عدة اعراض، اولها ظهورا هو تلف البوجيهات حيث يترسب عليها الزيت ويقلل كفائتها، ويلاحظ دلك بفك البوجيها وملاخظة وجود لمعة زيتية على طرفها المشتعل، وعندا يزيد التسرب يعرقل وجود الزيت بالمحرك سرعة دوران السيارة عندما تكون باردة ونجد انها اصبحت صعبة الدوران صباحا، وعندما يزداد تسرب الزيت نلاحظ عدم احتراق الزيت بالكامل ويخرج من الشكمان فى شكل دخنة بيضاء مائلة للأزرق ذات رائحة محترقة تظهر حصوصا فى بدايات النقلات او مع كبس البنزين، وطبعا تسرب الزيت للمحرك وكذلك تبخره نتيجة لكبس الحريق عليه يؤدى الى نقص الزيت من خزان الزيت ويلحظ ذلك على مقياس الزيت على المدى الطويل(الف كيلومتر متثلا-نقص نصف كيلوجرام من الزيت فى ألف كيلومتر بودن وجود تسرب من الجوانات يعنى مباشر ان المحرك خفيف، ايضا من اعراض تسرب الزيت الى المحرك تدهور خواص الإحتراق نتيجة لاختلاط الوقود بالزيت فنلاحظ ان المتور يصفع(يسقف) بشكل مبالغ فيه مع الحمل او المطالع او الكبس على البنزين وهذا عرض أخر لخفية المحرك
3- تأكل اسطوانات الكراسى (السبيكة) الخاصة بالكرنك والكامة يؤدى الى سرعة مرور الزيت خلالها وتدهور ضغط الزيت ونلاحظ ذلك عندما تضئ لمبة الزيت فى السلانسية
وعلى ذلك يمكن تلخيص اعراض خفية الموتور فى :
1- مشاهدة بخار زيت كثيف من خرطوم الفايظ ثناء دوران المحرك وبدون كبس
2-وجود زيت على البوجيهات
3- وجود آثار زيت بكثرة فى دورة تغدية الوقود (لو كان خرطوم الفايظ متصل بها ولم يقم الميكانيكى بنزعه)
4-صعوبة دوران السيارة فى الصباح ( وإن كانت هذة لا تقوم لوحدها دليل على خفية الموتور لأن لها اكثر من سبب هذا احدها)
5-تسقيف الموتور بشكل مبالغ فيه فى المطالع او مع كبس البنزين
6-خروج دخنة بيضاء مائلة للأزرق مع بداية تحريك السيارة او مع كبس البنزين (طبعا لو وصلنا لمرحلة انها بتخرج طوال الوقت يبقى المحرك منتهى)
7- نقص الزيت مع استخدام السيارة (نصف كيلوجرام زيت لكل ألف كيلومتر هو معدل بداية القلق)
استاذ إدوارد
يعني من الآخر إيه الحل علشان أنا عندي نفس المشاكل
وشكراً
ميكانيكى كويس يفتح الموتور ويغير جوانات الصبابات ولو جوان وش السلندر
اهم حاجة ميكانيكى دايو
شكراً لرد حضرتك بس أنا نسيت أقوللك إن الكرنك عندي طلع مخروط 3 مرات فأغيره بالمرة بالسبايك
معلش انا اسألتي كتير بس الواحد لما صدق لاقى حد بيفهم يساعده
وكل سنة وإنت طيب
وانتة بالصحة والسلامة اخى
لا شوف طالما اتخرط ثلاث مرات ومع عدم وجود ميكانيكى كويس بسهولة يفضل شراء موتور استيراد افضل
العمرة لو بسيطة ومتفتحش شغل يبقى كويس
لكن هتفتح وتكلفك يبقى موتور استيراد كويس وتريح دماخك