هل من الممكن ان اتاخر علي صيانه ١٠٠٠ الي ١٥٠٠ مع العلم ان استلمت السياره في ١١/٣/٢٠١٤ كما ذكرت قبل ذالك .هل تاخيري في الصيانه الي هذا الحد يؤثر علي اداء السياره او يسبب مشاكل في التوكيل .الف شكر
عرض للطباعة
هل من الممكن ان اتاخر علي صيانه ١٠٠٠ الي ١٥٠٠ مع العلم ان استلمت السياره في ١١/٣/٢٠١٤ كما ذكرت قبل ذالك .هل تاخيري في الصيانه الي هذا الحد يؤثر علي اداء السياره او يسبب مشاكل في التوكيل .الف شكر
الافضل كلهم في التليفون في الفرع اللي عايز تعمل فيه الصيانه و قولهم عشان لو جيت تحجز بعد كده او تروح ميعملوش مشاكل مع اني لا اعتقد ان فيها مشكلة
اما بالنسبة لو ده ليه تأثير علي السيارة نفسها ... لا اعتقد ان يكون ليه تأثير كبير و لكن اللي اتقال ليا من بعض الاصدقاء ان الزيت اللي بينزل بعد الالف ده بيكون زيت stock او زيت لتخزين السيارات لفترات عشان بتبقي مركونه في المعرض لحد ما تتباع فلا ينصح انك تمشي عليه كثير و كمان عشان لو في ليك اي ملاحظات يعملوهالك
و الف مبروك و بالتوفيق
الف شكر علي الافاده ومنتظر المذيد
مفيش اي مشكلة اطلاقا ولا من ناحية التوكيل ولا التأثير على العربية :]
ربنا يباركلك فيها :]
طبعا الافضل انك تغير الزيت في ميعاده
بس معتقدشي انه يعمل مشكلة لو اتغير علي 1500
انا ليا واحد صاحبي معاه جيلي غير الزيت علي 5000 كيلو ومكنشي عندو مشكلة وسوقت العربية بتاعتو مكنشي فيه تغير في الاداء
الف شكر لكل من شاركني برئيه.
باشا.. حااااااااااااااول تحافظ على كل صيانة في موعدها، وياريت توصل هناك قبل ما العداد يجيب الكيلومتر بتاعها بخمسين أو مية، لأن في بعض القطع ضمانها بينتهي مع عدد كيلو متر معين، فلو كان فيها مشكلة تتغير جوة الضمان مش على حسابك..
في أخ معنا هنا زنقت معاه الصيانة قبل العيد، والعربية كسرت الكيلومتر بتاع الصيانة في العيد - وهما قافلين - وظهرت المشكلة وراح التوكيل فقالوله.: معلش انت عديت الكيلومتر بتاع ضمانها، فهتتغير على حسابك... وهو كان يادوب عامل 100 أو ميتين كيلو زيادة.
وكل أساسيات الصيانة السليمة بتقولك من الأول: "حااااااافظ على مواعيد الصيانة الدورية". فياراييت تهتم بالموضوع ده..
بالنسبة لتأثيره على الموتور فأكيــــــــــــــد هيأثر، لكن غالباً مش هتلاحظ التأثير بسرعة.. لكن حاجة على حاجة هيبان.. زيت التليين ده بيبقى على آخر الألف كيلو مليان رايش من أثر تطبيع قطع الموتور الجديدة على بعض، ولذلك ضرووووووري يتغير في موعده عشان الرايش ده وهو بيلف جوة الموتور مع الزيت ميعملش سنفرة للأجزاء المتحركة داخل الموتور، كمان نوع الزيت اللي هما بيستخدموه وحش جداً فحاول تنجز بسرعة عشان على صيانة الخمستلاف تكون جايب زيت نضيف معاك وتغيره، وتعيش أداء المحرك بعد الزيت المناسب..
بالنسبة للتوكيل زي ما الأعضاء الكرام قالوا لحضرتك كلمهم واعرف ممكن ولا لأ.. أنا اتكلمت في جزئية المحرك عشان هي اللي تهمني ^_^
الف شكر لكل شخص افادني في هذا الموضوع وانشاء الله سوف اقوم بالصيانه في اقرب وقت