صوت تخبيط فى الموتور فى بدايه التدوير

**astrologer** · 24-04-2014 01:34 AM

السلام عليكم ورحمه الله وبركاته
يارب تكونوا بخير وبصحه

النهارده بالصدفه سمعت صوت خبط فى الموتور فتحت الكبوت بقيت صوت تخبيط مستمر افتكرت قطه ولا حاجه

دورت تانى ولقيت الصوت ظهر تانى وللعلم العربيه صوتها بيبقى عالى جداً فى التسخين وبعد كده بيتظبك

التخبيط انتهى بعد التسخين ودا اول مره اسمعه

جربت تانى بلليل لقيته اشتغل ولما تسخن العربيه وازود بنزين تخبط مره مرتين ويختفى

1- العربيه سحبها مفيهوش مشكله
2- الزيت معاده قرب يعنى مفروض اغير وانا مش بقرص على الزيت استخدامى بيسط للعربيه
3- بسوق من 18 سنه وعمرى ما اتعرضت للموضوع دا.
4- سير الكاتيه يتغير عند 117 الف وهيا الان 99 الف.
5- سير الدينما نفس الشىء.
6- الماكينه جديده ومعملتش فيها اى شىء قبل كده الحمد لله.
7- الزيت مستواه حلو بس حاسس انه خفيف لانه انتهى كده تقريباً

انا خايق تكون بدايه سير كاتيه ؟
هل ممكن يكون بسبب الزيت ؟
هل ممكن يكون شىء اخر ؟

السياره هيونداى اكسنت موديل 2003 الشكل القديم مش اكسنت 2

ياريت الافاده مع انى مشيت عليها عادى جداً بس قلقان بصراحه من الموضوع دا

جزاكم الله خيراً

**ادوارد** · 26-04-2014 01:40 AM

العربية دى انجكشن ولا كاربرتير
لو انجكشن راجع على الرشاشات
وراجع على قواعد الموتور
وراجع البوجيهات وسلك البوجيهات
وهل بتتأخر فى التدوير
وهل فية دخنة من الشكمان

**astrologer** · 26-04-2014 01:44 AM

العربيه اكسنت 2003 كربراتير
الصوت بيظهر لما بيكون فى كبس على الموتور فقط وكذلك فى الصباح للتسخين لان بيكون فى كبس تلقائى للتسخين

قمت بتغيير الزيت اليوم ولم تجدى اى فائده

توجهت للميكانيكي وقال لى ان هذا الصوت ليس بتخبيط فى الموتور وطماننى من ذلك
ونصحنى بتغيير سير الدينمو والكاتينه والتكييف والكشف الكلى على الجزء الايسر من المحرك بجانب الدينمو

الصوت يظهر فقط فى الكبس على الموتو والزيت المتناثر على الموتور هو مجرد يحتاج الى تغيير بسيط فى وش التاكيهات الخاص بالسياره عباره عن كاوتش اسود اسفل غطاء الموتور " لا اذكر اسمه "

برجاء النصيحه

شكراً

**astrologer** · 10-06-2014 01:10 AM

مع الاسف طلع سير الكتينه اللى كنت شاكك فيه
وحدثت الكارثه :( بس الحمد لله لحقته على اخر لحظه بفضل ربنا

الصوت بدا يعلى على سرعه 90 وانا مشغل التكسسف بعد حمل على الموتور وسمعته على السرعه دى !!

نولت فكيت غطا السير لقيته متعلق على شعرتين فقط

ركنت ومورت وزقيت العربيه على جوزيف تيتو

وجبت ميكانيكي وغيرها بعد عناء 5 ساعات بس ربنا سترها بفضله الحمد لله