تجربتى النهارده مع زيت visco 3000

**midomido123** · 24-04-2014 01:58 AM

النهاردة قررت واخيرا انى اغير الزيت بعد ست شهور و 3000 كيلو و ده علشان ظروف الكليه والامتحانات
بعد لما قاسيت بجد من زيت شل الاصفر اللى كنت حطه واللى اتاكدت انه مش مناسب لعربيتى (جين 2) بعد اما جربت فيسكو
اول مشكله كان عملها شل هوا صوت الكستبنات اللى كنت بعانى منها من اول ما اشتريت العربيه تانى حاجه ان العربيه بتاكله او بتحرقه او بيتبخر مش عارف واكتشفت بالصدفه من يومين ان الزيت تحت علامة ال min بس الحمد لله ربنا سترها لحد ما رحت غيرت زيت النهارده

(طيب اشمعنا جبت فيسكو ده حتى اسمه غريب؟؟؟؟)

انا كنت قريت هنا فى المنتدى ناس كاتبه وبتشكر فيه للبروتون بالذات وانا اقتنعت فعلا ان العربيه دى عايزة زيت تقيل نسبيا ولزوجته عاليه وده حتى اللى مكتوب فى الكتالوج عشان كده جبتو وفعلا مكسفنيش خالص والمفاجأه ان مفيش صوت كستبنات(صوت تكتكه) والموتور انعم وصوته هادى نسبيا لأن البروتون اصلا صوتها عالى حتى فى التدوير بحس بنعومه فى الموتور عن الاول......

**ahmed_sawalhy** · 26-04-2014 10:58 PM

يعني زيت فيسكو احسن من توتال

**abubakr1234** · 30-04-2014 11:10 AM

حالات وحالات زي ما الراجل كاتب

**elpasha1** · 30-04-2014 11:18 AM

بصراحة انا جربته فى النوبيرا ومعجبنيش
هو الموضوع بيختلف من عربية لعربية

**أحمد عثمان** · 01-05-2014 03:42 PM

أنا جربته في اللانوس بس ال10000 كم اللي هو فيسكو 5000 و الحقيقة معجبنيش لأن إستهلاك البنزين زاد و كمان إستهلاك الزيت و صوت الموتور بقى عالي.
و الملاحظات دي تأكدت بعد تغييره لزيت كالتكس هافولين ال10000 اللي في الجركن الذهبي, و الحقيقة الفرق كبير بين الإتنين لصالح الكالتكس.