تجربتى بعد تنضيف البوابة باسبراى تنضيف الكربراتير..... العربية اتكتمت

**hytham_112** · 24-04-2014 12:17 PM

ياجماعة العربية عندى كانت زى الفل وسحبها حلو ..... كل اللى عملته انى رشيت سبراى (جانك) لتنضيف البوابة وغيرت سلك البوجيهات عشان كان فيه فردة مقطوعة وبوصلها كل شوية بايدى وغيرت البوجيهات بنفس الكود اللى كان راكب bp6ey وده بعد التنضيف عشان سمعت انه يفضل ان اغير البوجيهات بعد تنضيف البوابة بالاسبراى وظبطت الثغرة على 0.8 مم
المهم فى الاخر العربية سحبها قل وبقت كانها مكتومة ياترى ايه السبب؟؟؟؟؟؟
طبعا رشيت الاسبراى وانا مدور العربية وفاكك خرطوم فلتر الهوا وكذا مرة كانت بتبطل وانا برش الاسبراى بس الحقها وادوس على الشداد وازود بنزين
ملاحظاتى بعد البحث ان البوجيهات اللى كانت راكبة الثغرة بتاعتها كانت مظبوطة على اقل من 0.8 لانى قيستها بالفيلر ال 0.8 لقيته ما دخلش فيها فهل ممكن ده اللى كان فارق؟؟؟؟؟
ولا الطبيعى انها بعد التنضيف تتكتم كام يوم على ماتنزل الرواسب ؟؟؟؟؟
وكمان ليا سؤال .... كان فيه احد الزملاء قال اننا ننضف بسبراى ونفك البوجيهات عشان الرواسب تطلع من فتحات البوجيهات ونحط جورنال ادام الفتحات عشان اللى حيطلع ما يبهدلش المراوح والردياتير .......... ازاى بقا العربية حتدور وتطلع رواسبها واحنا فكين البوجيهات؟؟؟؟؟؟؟؟؟؟؟؟؟؟؟؟ ؟؟؟؟

بس ده كل اللى حصل ...... ياريت الافادة

**eng.salama93** · 24-04-2014 12:29 PM

واحد صاحبي بينضف بوابة عربيتة دايما بإسبراي الكربراتير و عمره ما اشتكي منه
لدرجة انه قالي دا بتاع الإنجكشن بس
و لما اخدته منه اشتغل معايا زي الحلاوة

**lutenit030** · 24-04-2014 12:31 PM

حتدور مارش بس و تطرد اللى فيها :)

**hytham_112** · 24-04-2014 01:54 PM

المشاركة الأصلية كتبت بواسطة lutenit030

حتدور مارش بس و تطرد اللى فيها :)

شكرا ياباشا لردك
يعنى افهم من كده الاتى ويريت لو غلط تصحح لى:
1- افك البوجيهات
2- ارش اسبراى فى البوابة
3- ادور سنة سنة مارش
معلش انا غبى حبتين ...... البوابة بتبقا مقفولة ..... اخلى حد هو اللى يدور سنة المارش وانا ارش ؟؟؟؟
افك الاربع بوجيهات ولا واحد واحد؟؟؟
وامتى اعرف انها نطرت كل الوساخة اللى جواها ونضفت ؟؟؟؟؟؟

**ebnelnel** · 24-04-2014 02:20 PM

يا باشا انت هتنضف البوابه الاول علشان لو فى اى رواسب تنزل على ضهر البستم وبعد ما تخلص البوابه وتقفلها هتروح للبوجيهات وتفكها وبعدين سنه مارش
هاااا سنه واحده علشان الصبابات متبوظش
والسنه ده بتطرد اى شوائب بتكون على ضهر البستم وبعدين تركب البوجهات الجديده

**lutenit030** · 24-04-2014 02:26 PM

المشاركة الأصلية كتبت بواسطة ebnelnel

يا باشا انت هتنضف البوابه الاول علشان لو فى اى رواسب تنزل على ضهر البستم وبعد ما تخلص البوابه وتقفلها هتروح للبوجيهات وتفكها وبعدين سنه مارش
هاااا سنه واحده علشان الصبابات متبوظش
والسنه ده بتطرد اى شوائب بتكون على ضهر البستم وبعدين تركب البوجهات الجديده

و ايه اللى يخلى الصبابات توظ اساسا؟؟

**lutenit030** · 24-04-2014 02:37 PM

الصراحه يا ريس انا عمرى ما عملت الموضوع ده قبل كده لكن اللى فهمته لما قريت الموضوع مره من احد الاعضاء ان حترش على البوابة و يستحسن انك تطلعها بره و تنضفها و تنظف الحساسات و المنافول و خلافه و بعدين تقفل و تفك الربع بوجيهات و تدى مارش لحد ما الوساخه كلها تطلع بس تغطى جسم العربيه عشان البويه ممكن تبوظ و بعدين تقفل و تدور و شمرا على كده
عموما حتلاقى مواضيح بتشرح الموضوع بالتفصيل
سيرش على جوجل حتلاقى مواضيع هنا على المنتدى

**hytham_112** · 24-04-2014 02:37 PM

سامحونى يا جماعة ومتشكر لطولة بالكم
يعنى افك البوابة برة وانضفها بالاسبراى كانى بغسلها وبعدين اركبها تانى وافك البوجيهات واعمل سنة مارش؟؟؟
وبكده يبقا انا مش حرش سبراى بعد ما اركب البوابة؟؟
لو اوك ردوا عليا

**lutenit030** · 24-04-2014 03:20 PM

اقرا الموضوع ده كويس و انت حتفهم كمل حاجه بالتفصيل الممل

http://www.nilemotors.net/Nile/103773-a.html

**swimmer25** · 24-04-2014 03:32 PM

موديل البوجيه الأصلي bpr6es وليس bp6ey
أكيد دا اللي عملك الكتمة دي

الموضوع: تجربتى بعد تنضيف البوابة باسبراى تنضيف الكربراتير..... العربية اتكتمت

LinkBack

أدوات الموضوع

عرض

-

-

-

المواضيع المتشابهه

تنضيف البوابة الكهرباء للنوبيرا

تنضيف البوابة وغيره للشارك

عاوز اعرف طريفة تنضيف البوابة للاوبترا

تجربتى فى تنضيف اليداتير

استفسار عن تنضيف البوابة والحساسات والبوجيهات

الكلمات الدلالية لهذا الموضوع

المفضلات

المفضلات

ضوابط المشاركة