قررت اغير الفنتازيا الي a7

**Adnfalcon** · 25-04-2014 04:01 AM

المشاركة الأصلية كتبت بواسطة inspiron

والله كل شئ جايز في البلد دي

بس اللي عايز أقوله الكلام ده منطقياً مستحيل ومحصلش علي مستوي العالم كله..ويوم ما بيظهر حاجة في الفتيس بيبدأ برعشة في الطلعة تستدعي تغيير الكلاتش فقط ومش بيكون علي كيلو متر قليل زي اللي حضرتك ذكرته ده :)

regards

التوكيل بيغير الفتيس كامل ع فكره انت عارف الغشامه بتاعتهم مش بيصلحوا حاجه .. شيل قديم وحط جديد
بس انا اللي قالي كده مهندس شغال ف سكودا نفسها .. وممكن يكون عيب صناعه وبتحصل ف احسن السيارات ع مستوي العالم أكيد حضرتك فاهم

**inspiron** · 25-04-2014 04:17 AM

المشاركة الأصلية كتبت بواسطة adnfalcon

التوكيل بيغير الفتيس كامل ع فكره انت عارف الغشامه بتاعتهم مش بيصلحوا حاجه .. شيل قديم وحط جديد
بس انا اللي قالي كده مهندس شغال ف سكودا نفسها .. وممكن يكون عيب صناعه وبتحصل ف احسن السيارات ع مستوي العالم أكيد حضرتك فاهم

يا باشا في توكيل فولكس لما بيحصل حاجة مش بيغير الفتيس كامل ولا حاجة إلا لما يكون الأمر يتطلب هذا..والموضوع مش بيحصل عند 2500 كيلو متر دي محصلتش علي مستوي العالم.

**inspiron** · 25-04-2014 04:21 AM

المشاركة الأصلية كتبت بواسطة Sout_Sout

لا باسات الجديدة ولا الجيتا ولا الa7 حلوة وده من وجهه نظرى ان الفانتازيا برقبتهم التلاتة
ودى مجرد وجهه نظر

حضرتك أنا ركبت الفانتازيا 3 سنين..وحالياً الباسات الجديدة...ممكن حضرتك تقولي برقبتها في ايه بالظبط :)) يمكن أكون مش واخد بالي..بالنسبة للجيتا متفق معاك لفقر تجهيزاتها..وبالنسبة للـ a7 فقطط عشان موضوع التورشن بيم.

يا ريت حضرتك تعملي مقارنة كده بين الفانتازيا والباسات الجديدة أخد فكرة برقبتها في ايه :)

شكراً.

**montary** · 25-04-2014 06:28 AM

بسم الله ماشاء الله علي التفاعل
انتظروني في الردود

**montary** · 25-04-2014 06:32 AM

المشاركة الأصلية كتبت بواسطة hossam_elwani

بالتوفيق احسنلك بس مش خايف من الفتيس dsg

المشاركة الأصلية كتبت بواسطة adnfalcon

dsg دا فاشل واعطاله مميته تمنه يعدي 70000

انا مقتنع انه لو فاشل فولكس ما كانتش نزلته تاني, بصراحه انا عاشق للالماني عن اي عربيه تانيه واكيد بنسبة 99 % فولكس حلت مشاكله في الموديل ده او زي مابيقال عليه الجيل الرابع .

**montary** · 25-04-2014 06:35 AM

المشاركة الأصلية كتبت بواسطة mo7a_mo7a

للاعضاء اللي قلقانين من الفتيس
الضمان في قطر غير مصر احنا عندنا الضمان سنتين فقط وهو ده اللي بيخلي القرار صعب جدا

ده اولا

ثانيا ممكن الاخ الفاضل يشوف لو متوفر هناك الاكتافيا 1800 تربو دي اولا مالتي لينك مش تورشن بيم
ثانيا الفتيس بتاعها مفيش منه مشاكل وهو مش جاف لا ده عايم في الزيت

تحياتي

فعلا الضمان هنا رائع بس لو لما يخلص الضمان تفضل تصلي و تدعي قدام العربيه ان مايحصلهاش حاجه.
انا مش عليز ازيد عن 1600 سي سي عشان لو حبيت انزل مصر

**montary** · 25-04-2014 06:38 AM

المشاركة الأصلية كتبت بواسطة inspiron

علي البركة يا ريس ويا ريت بتقرير فاجر كده مصور نشوف في فرق في المواصفات بين هنا وقطر ولا لا

ان شاء الله هبقي اعرفكم بكل حاجه بس دعواتكم الموضوع يتم اذا كان خير و ما يتمش لو ماكانش ,,,,,,,,,

**montary** · 25-04-2014 06:47 AM

المشاركة الأصلية كتبت بواسطة sout_sout

نصيحة
بلاش تبيع الفانتازيا
الفانتازيا بجد تحفة سكودا
لو حابب تبدل هات اما اوبل انسيجينيا او فولفو س60 او cc
لاكن لا باسات الجديدة ولا الجيتا ولا الa7 حلوة وده من وجهه نظرى ان الفانتازيا برقبتهم التلاتة
ودى مجرد وجهه نظر

فعلا انا معاك ان الفنتازيا تحفه و بالنسبه ليا عربيه بعتز بيها جداااااااااااا ومش حابب اني اغيرها لكن ماباليد حيله , للاسف العربيه دي مظلومه جدا في قطر و اعتقد في كل الخليج .

تخيل لما البلد كلها مايبقاش فيها غير الوكيل هو اللي بيبيع قطع الغيار و اي ميكانيكي او كهربائي بيخاف ييجي جنبها .

المشكله اني عايز اعمل المعادله الصعبه
- عربيه تكون الماني و لا شئ غير الالماني
- تكون رخيصه و لو نسبيا
- تكون اقل من 1600 عشان الجمارك
- عربيه ما اخسرتش لو حبيت ابيعها ( اتوقع اني هخسر جامد في الفنتازيا للاسف )
-لازم يكون ليها ضمان في قطر مش اقل من 4 سنين عشان ما البسش تاني