قررت اغير الفنتازيا الي a7

**Mohamedjetta** · 27-04-2014 11:56 AM

حضرتك اتكل علي الله وروح اشتريها الاوكتافيا عربية روعه عيبها عدم انتشارها في الخليج نهائيا حتي كان اخويا عنده a4 وعمل حادثه جامده سمع اسعار خياليه من التوكيل راح جابها استيراد من محل وقعدت شهر ونص علي ما توصل ف سلطنه عمان ويقارب تمنها يجي ( عشرين الف جنيه)
ندخل ف حكايه الفتيس انا معايا الجيتا طبعا بتاعت الوالد بس سيبهاالي المهم اشتريناها من 25/1/2011 الشكل القديم ..... الفتيس عشره علي عشره تسارعه روعه تحس انك راكب مانويل وعلي ما افتكر كان مغير كلتشات اعتقد علي الستين الف كيلو او اكتر مش فاكر لاني كنت ف مصر والوالد هو اللي عمل السيرفس

انا ملاحظ الاعضاء بيشتكو ف الاوكتافيا موضوع الثبات والعزل فخليك في الجيتا احنا عندنا في سلطنه عمان نازل الموتور اللي 2000cc وطبعا ده استحيل اعرف انزلها مصر ف شوف توكيلك اللي ف قطر ممكن تكون نفس مصر 1.4 tsi

بما اننا احنا الاتنين قاعدين في الخليج فانا شايف السيرفس غالي نار نار ومش منتشره خالص الاوكتافيا فحاول روح للياباني زي نيسان سنترا بس حتخسر راحه وثبات لو بتحب الجري

**Mohamedjetta** · 27-04-2014 12:34 PM

المشاركة الأصلية كتبت بواسطة montary

ياباشا مشكلة الخليج هنا الحر الفظيع و المسافات الطويله بيهلكو العربيه .
الحمد لله العربيه زيرو لان ايدي كانت علي طول فيها يكفي اقولك ان اخر 3 شهور صرفت عليها 20000 جنيه مابين صيانه و تصليحات في العفشه و التكييف في شغل لو اتعمل في مصر اخره 7000 جنيه .
تعرف حضرتك سربنتينة التكييف عامله كام ؟؟؟؟ انا مشتريها ب 4500 جنيه و اخدو في تركيبها 3000 جنيه لان ماحدش بيمد ايده فيها الا الوكاله فبصراحه انا كان لازم ابيعها دلوقي و الا بعد كده جدخل في دوامة تصليحات هي في مصر عاديه و بسيطه لكن هنا نار ياحبيبي نار .

هي ايه حكايه سربنتينه التكيف برضو عاملها الصيف اللي فات ف التوكيل ع الضمان

**montary** · 27-04-2014 02:09 PM

المشاركة الأصلية كتبت بواسطة mahmoudysf

باشا ربنا يوفقك في a7
حضرتك عارض الفنتازيا على كام في قطر
وايه المشاكل الموجودة في العربية وعاملة كام كيلو

تم بحمد الله بيع الفنتازيا اليوم

**montary** · 27-04-2014 02:14 PM

المشاركة الأصلية كتبت بواسطة mohamedjetta

حضرتك اتكل علي الله وروح اشتريها الاوكتافيا عربية روعه عيبها عدم انتشارها في الخليج نهائيا حتي كان اخويا عنده a4 وعمل حادثه جامده سمع اسعار خياليه من التوكيل راح جابها استيراد من محل وقعدت شهر ونص علي ما توصل ف سلطنه عمان ويقارب تمنها يجي ( عشرين الف جنيه)
ندخل ف حكايه الفتيس انا معايا الجيتا طبعا بتاعت الوالد بس سيبهاالي المهم اشتريناها من 25/1/2011 الشكل القديم ..... الفتيس عشره علي عشره تسارعه روعه تحس انك راكب مانويل وعلي ما افتكر كان مغير كلتشات اعتقد علي الستين الف كيلو او اكتر مش فاكر لاني كنت ف مصر والوالد هو اللي عمل السيرفس

انا ملاحظ الاعضاء بيشتكو ف الاوكتافيا موضوع الثبات والعزل فخليك في الجيتا احنا عندنا في سلطنه عمان نازل الموتور اللي 2000cc وطبعا ده استحيل اعرف انزلها مصر ف شوف توكيلك اللي ف قطر ممكن تكون نفس مصر 1.4 tsi

بما اننا احنا الاتنين قاعدين في الخليج فانا شايف السيرفس غالي نار نار ومش منتشره خالص الاوكتافيا فحاول روح للياباني زي نيسان سنترا بس حتخسر راحه وثبات لو بتحب الجري

المشكله في الفولكس ان مفيش اقل من 1600 و مع كل احترامي للياباني لكن حضرتك عارف و مجرب الالماني الموضوع مختلف تماما .

**montary** · 27-04-2014 02:16 PM

المشاركة الأصلية كتبت بواسطة mohamedjetta

هي ايه حكايه سربنتينه التكيف برضو عاملها الصيف اللي فات ف التوكيل ع الضمان

والله الناس اللي اعرفها ماحدش اشتكي من الموضوع ده الا انا و بصراحه انا كنت بهلكه لاني ببقي ساعات فاتح الازاز بشرب سيجاره مثلا و التكييف بيبقي شغال .

**Mohamedjetta** · 27-04-2014 03:24 PM

المشاركة الأصلية كتبت بواسطة montary

المشكله في الفولكس ان مفيش اقل من 1600 و مع كل احترامي للياباني لكن حضرتك عارف و مجرب الالماني الموضوع مختلف تماما .

الالماني الماني ع رأي الوالد :)

**Mohamedjetta** · 27-04-2014 03:26 PM

المشاركة الأصلية كتبت بواسطة montary

والله الناس اللي اعرفها ماحدش اشتكي من الموضوع ده الا انا و بصراحه انا كنت بهلكه لاني ببقي ساعات فاتح الازاز بشرب سيجاره مثلا و التكييف بيبقي شغال .

حضرتك انا مغيرها في الجيتا مع اني مش بشرب سجاير ولا حتي الوالد بيشرب!!! وباظت واتغيرت ف التوكيل والكلام ده ع 75 الف كيلو

**mahmoudysf** · 28-04-2014 08:58 PM

المشاركة الأصلية كتبت بواسطة montary

تم بحمد الله بيع الفنتازيا اليوم

ممكن اعرف اتباعت بكام ولو على الخاص لان ناس معرفة عايزين يشترو عربية من هناك وعايز اعرفهم رنج الاسعار

**youssef badawi** · 07-05-2014 01:29 PM

المشاركة الأصلية كتبت بواسطة Sout_Sout

نصيحة
بلاش تبيع الفانتازيا
الفانتازيا بجد تحفة سكودا
لو حابب تبدل هات اما اوبل انسيجينيا او فولفو س60 او CC
لاكن لا باسات الجديدة ولا الجيتا ولا الa7 حلوة وده من وجهه نظرى ان الفانتازيا برقبتهم التلاتة
ودى مجرد وجهه نظر

اتفق معاك جداااااااا

**wella3330** · 07-05-2014 02:58 PM

المشاركة الأصلية كتبت بواسطة montary

ياباشا مشكلة الخليج هنا الحر الفظيع و المسافات الطويله بيهلكو العربيه .
الحمد لله العربيه زيرو لان ايدي كانت علي طول فيها يكفي اقولك ان اخر 3 شهور صرفت عليها 20000 جنيه مابين صيانه و تصليحات في العفشه و التكييف في شغل لو اتعمل في مصر اخره 7000 جنيه .
تعرف حضرتك سربنتينة التكييف عامله كام ؟؟؟؟ انا مشتريها ب 4500 جنيه و اخدو في تركيبها 3000 جنيه لان ماحدش بيمد ايده فيها الا الوكاله فبصراحه انا كان لازم ابيعها دلوقي و الا بعد كده جدخل في دوامة تصليحات هي في مصر عاديه و بسيطه لكن هنا نار ياحبيبي نار .

معلش اسمحلي اعلق ولو اني مش من ملاك اسكودا لكن انا مقيم في الخليج زي حضرتك

اولا انت جبت عربية 1600 ليه ؟؟؟
طبعا علشان تعرف تنزلها مصر و تستفيد من التخفيض الجمركي .

طب جميل يعني انت ضحيت و ركبت عربية cc قليل في الخليج علشان سبب مقنع وانت اكيد فاهمني ان هناك المواتير الكبيرة هي المفضلة و كله بفضل رخص البنزين.

طيب انت لما حاتبعها هناك مش هتجيب سعر لان زي منتا عارف سكودا في الخليج مش بياعه اوي و resale لكل الاوروبي مش اد كده , يبيقي حضرتك استفدت ايه !!

انا رائي الشخصي ان عربيتك ماشاء الله عليها حالتها كويسة , يبقي تنزلها مصر و تستفيد من انك اول مستخدم من 2010 واكيد هتنفعك في اجازاتك ان شاء الله.

انا بنصحك لوجه الله يا تركب عربية مش هتعرف تركبها في مصر و تتمتع ب engine قوي يا اما تجيب حاجاة 1600 و تنزلها مصر لما تحب .

و ربنا يوفقك