مهم تقرا كلامى للى معاة ليبرتى

**جوزيف** · 25-04-2014 02:46 AM

طبعا مساء الخير على المنتدى المحترم بكل اعضاءة المحترمين كان ليا تجربة صغيرة جدا بالنسبة لكاوتش الجيب اليبرتى وتأثيرة على العربية الكوتش اللى كان عندى فى اليبرتى كان سمك لبن تمر هندى العربية 2004 الكاوتش اللى ورا كان لاسا تركى واللى ادام ديسكفرى امريكى الكاوتش كان بحالة 75% بس لما كنت بفرمل كنت بحس ان ال ABS بيتلكك من اقل دوسة فى رملة ناعمة على اسفلت كان بيشتغل .غيرتة وركبت good year صناعة المانى انتاج شهر سبتمبر 2013 النقشة الناعمة اولا الثبات اختلف للاحسن مسافة الوقوف فى الفرامل بقت اقل المطبات بقت انعم والضوضاء تكاد تكون معدومة كوتش فعلا تمنة فية وفرق فى العربية كتير جدا دة تالت تعامل مع كاوتش جود يير كنت ركبتة مرتين فى عربيتى الجولف القديمة بس كان صناعة فرنساوى فعلا اسم محترم لشركة محترمة وياريت كل الى معاة جيب ما يسترخص فى الكاوتش لانة بيفرق كتير اوى فى الاداء وفى عمر اللى بيسوق كمان ربنا يحمى الكل من اى خطر ويسترها علينا كلنا وشكرا

**Hazeeeeem** · 30-04-2014 11:24 PM

كام سعرهم يا باشا .. ويا ريت تقولى بعض اسعار قطع غيار العربيه دى
لأنى مقبل على شراءها بس شاغلنى سعر قطع غيارها ومدى توافرها
ولك وافر الشكر
تحياتى

**lanos2004** · 30-04-2014 11:30 PM

شكرا لك

**Hazeeeeem** · 06-05-2014 10:41 PM

باشا ما ردتش على استفساراتى
لعل المانع خير

**S O P H O S** · 15-05-2014 02:37 PM

والسعر كام يا باشا

**جوزيف** · 17-05-2014 01:00 AM

بعد صباح الخير على الكل واسف على التاخير فى الرد بالنسبة لاسعار قطع الغيار الجيب ممكن تصرف علية 1000 جنية وممكن تصرف 20000 تنوع صناعة قطع الغيار من الصينى حتى التيلاندى والامريكى بالنسبة للجلود الموجود فى العفشة التيلاندى اثبتوا كفاءة كبيرة ممكن تيل الفرامل من 150 ل 650 للامامى وزية من ورا جلب مقص طيارة 250 تايلاند او تايوان بيضة مقص طيارة خلفى ب 380 لو رحت عند عفشجى بيشغل دماغة ممكن يعالج باسعار اقل والعمر طبعا اقل بالنسبة للكاوتش انتاج ديسمبر 2013 كومهو رود فيتنور رسمة ناعمة طبعا مقاس فابريكى 235 /16/70 ب 800 ودة بكتابة بارزة جوود يير المانى نفس الانتاج 1100 ج على فكرة الكومهو فيتنامى ودة احسن من الكورى بريللى رمانى بس ناشف شوية ب 1000 فلتر البنزين بيتنضف مش بيتغير بس انا لسة مجربتش واى استفسار تانى انا تحت امر الاعضاء المحترمين وقبل ما انسى انا كنت نازل انهاردة الصبح من البيت على الضهر كدة لاقيت زجاج الباب الخلفى يمين متكسر وطوبة كبيرة جوة على الكنبة الخلفية اول شىء افتكرت سرقة لاقيت ولا حاجة اتاخدت من العربية واحد ساكن فى الدور الاول قالى دة واحد مجنون ماشى كسرة المحنون دة فى بورسعيد علم على عربيات كتير لانى لما رحت لبتاع الزجاج اسمة محمد السيسى فى حى العرب عندنا راجل محترف جدا وخبرة وعندة شغل نضيف اوى وخامات كتير اول لما شاف العربية سالنى سؤال قالى المجنون هههههههههه طلع الموضوع مشهور لان امبارح شارع بالكامل راحلة لدرجة انى قلتلة شكلك انتة اللى مشغلة واصلا مجنون محدش هيعرف يعمل معاة حاجة المهم ما طولش عليكم لوح الزجاج عندة ب 350 بالتركيب طبعا لونة اسود زى اللى فيها وصناعتة ايطالى ونفس درجة الاصلى بتاعها اللى هوة جريش سالت فى الشونة او الاسكراب لاقيتة ب 450 من غير تركيب واكيد عندكم فى القاهرة نصق التمن فى النهاية اسف للاطالة ويارب اكون افدت اى حد وشكرا