عايز ورشة سمكرة كويسة

**Samir Elshahawy** · 08-10-2008 11:54 AM

صباح الخير لكل اعضاء نايل موتورز المحترمين..

أولا.. أحب أن اوضح للسادة الاعضاء ان عندي خبطة في العربية في العتب جهة الشمال تحت الباب الامامي و بطول حوالي 60 سم و عمق 20 سم بسبب كتلة حجرية اصطدمت بها علي طريق السويس في اواخر شهر اغسطس الماضي تسببت ايضا في تلفيات بالكاوتش الشمال الامامي و المقص و تم تغيرهم فورا

المهم هنا الخبطة دي مش عارف ازاي ممكن تتصلح ؟؟ و فين ؟؟ بحيث ترجع العربية لحالتها الاصلية قبل الحادثة

ثانيا.. بالنسبة للدهان , هل من الممكن رشها بنفس اللون بدون ان يكون هناك اي فرق واضح بين اللون الاصلي و المنطقة التي بها الاصابة

بصراحة انا ماعنديش وقت و عايز حد نظيف و فاهم يعملهالي في وقت قليل , يوم مثلا

ولكم جزيل الشكر

**MoMohsen** · 08-10-2008 12:12 PM

الخبطة فى العتب بالذات لازم يكون سمكرى كويس اللى هيعملها لان العتب بيكون عبارة عن علبة مقفوله مما يصعب عملية الدق عليها .و كان فية موضوع اتعمل هنا قبل كدة عن طريقة الشفط بس دة موجودة فى اماكن معينة.
هما فى الحرفيين طبعا فية اكتر من سمكرى كويس بس يفضل انك تكون عارف حد عشان هما بيحبوا يستهبلوا.وفيه واحد كويس انا كنت اتعملت معاة فة المنطقة الصناعية اللى فى المقاولون لو حبيت تروحلة بردة انا تحت امرك.

**Samir Elshahawy** · 08-10-2008 12:59 PM

انا متشكر جدا علي اهتمامك , فعلا الخبطة دي صعبة و الشفط انا سمعت عنه لكنه في مراكز لماركات معينة صغب يسمحوا لي بالاصلاح عندهم بسبب اختلاف الماركة ده علي حد علمي

اما بالنسبة للسمكري بتاعك فهو ممكن يكون بعيد عني لاني في الرحاب , لكن المهم يقدر يخلصها لي في يوم اروحله من الصبح بدري

**MoMohsen** · 08-10-2008 02:44 PM

بص المشكلة بتاعت كل الصنايعية انك متقدرش تزنقه فى ميعاد فلو انت عاوز تروحله و انت و حظك انا هديك بياناتة:
الاسطى ممدوح السمكرى
موبايل: 0122672895
عنوانةاول يمين من عند بنزينة موبيل الاتوستراد اللى قدام نادى المقولون.افضل ماشى فى الشارع هتلاقيه بعد 200 متر تقريبا.
قله من طرف محمد محسن بتاع الانسر البيستاج و لو فية اى حاجة انا تحت امرك.وعلى فكرة نزل معاة فى المصنعية جامد و اتأكد ان هو اللى هيشغل مش حد تانى من الورشة.و على العموم ممكن تبقى تكلمنى اكلمهولك قبل ما تروح ان شاء الله