أعضاء المنتدى الكرام .ميجاناوي جديد محتاج مساعدة في تسعيرة الحاجات دي و أعملها فين ؟!

**thisisman** · 25-04-2014 06:48 PM

السلام عليكم

أعضاء المنتدى المحترمين

كنت اشتريت من كذا شهر ميجان 2006 عامله 85 الف كيلو , رحت كشفت عليها في التوكيل طلعلي شويه حاجات طبعا عايزه تتعمل فيها , طبعا التوكيل أسعاره عالية , فكنت عايز اعرف من حضراتكم أسعار الحاجات دي و إيه الي أجيبه أصلي و إيه الي ممكن إستيراد و أعملها فين بالضبط لأني من بره القاهرة و هاجي أعملها في القاهرة , و لكم جزيل الشكر

العفشة
==============
كرسي شكمان وسط
كاوتشه كوبلن داخلية شمال
2 تيش ميزان
2 مساعد خلفي و امامي
2 بيض تيش داخلي
2 بطاحة مساعد امامي
صيانة اسكترا

الكهرباء
============
زجاج امامي بحساس المطر
قربة مياه مساحات
فانوس نمرة
upc + ضفيرة انوار
طقم كلاكس

**osamaos20022** · 25-04-2014 07:40 PM

متابع
بس ايه ده كلو
ربنا يوفقك

**محمود سامح** · 25-04-2014 09:16 PM

**محمود سامح** · 25-04-2014 09:19 PM

صقر قريش فيها كل قطع الغيار ممكن تروح مركز مضطفى فهمى يسعرها لك او عادل زوايا او اى ورشة يسعرها لك على الطبيعة بدون اى نكلفة

**thisisman** · 26-04-2014 03:10 PM

المشاركة الأصلية كتبت بواسطة محمود سامح

:u_thin1[1]::u_thin1[1]:صقر قريش فيها كل قطع الغيار ممكن تروح مركز مضطفى فهمى يسعرها لك او عادل زوايا او اى ورشة يسعرها لك على الطبيعة بدون اى نكلفة

منا بقول حضرتك إني مش من القاهرة ! فعايز و أنا نازل أعرف اجيب معايا فلوس قد اايه

**thisisman** · 28-04-2014 10:34 AM

ايه يا جماعه محدش عايز يساعدنا ولا ايه ؟

**osamaos20022** · 30-04-2014 12:20 AM

بص البليه مع البطاحه snr ب 250 الواحده
المساعد الأمامي ب 950 الطقم
الباقي مش عارف ممكن لديك تليفون التاجر تكلمه

**تامر.محمد** · 30-04-2014 10:07 AM

انا ماعرفش اسعار اغلبهم , بس خد نمر التجار و كلمهم

بالنسبة لكاوتشة الكوبلن يفضل انك تعملها في التوكيل او في مركز خدمة زي فرينش موتورز , لأن عمايلها بتعوز فك الكوبلن واعادة ملئه بالشحم تاني و طبعا يفترض يكون الشحم الاصلي

المساعد الاصلي في التوكيل بحوالي 1200 جنيه , برة الطقم كله ممكن يعمل الف و نص مثلا بالتقريب كده

البطاحة في التوكيل بألف جنيه :( , بس المش اصلية برة ارخص بكتير , و طبعا اداء اقل و عمر اقل

الزجاج الامامي دكتور جريش و اظن هايعمل 600 جنيه ولا حاجة , و يا سلام لو الحساس موجود عندك عشان يفكوه و يركبوه في الزجاج الجديد و خلاص , مش عارف الحساس بكام لو مش عندك

فوانيس النمر هاتهم استيراد , هتلاقيهم الاتنين ب100 و شوية اظن

ادي نمر التجار , و انصحك تتصل بكذا حد منهم لأن اسعارهم بتتفاوت , بالنسبة لبتوع صقر انصحك تكلم البلدوزر و المهندس و المصطفى
بالنسبة لبتوع الحرفيين (القاضي و بشطر و اظن البدري) فما عنديش معلومات عنهم

**تامر.محمد** · 30-04-2014 11:33 AM

نسيت حاجة , كاوتشة الكوبلن الاصلية سعرها حوالي 200 جنيه , و مصنعيتها في فرينش لما عملتها كانت حوالي 50 جنيه او 100 جنيه , و في التوكيل اظن هاتبقى زي كده برده