انا رايى ال301 احسن و فى ناس كتير بيشكرو فيها اما بالنسبة للنيسان انا والدى كان هايجيب قشقاى و بعد موضوع الصنى ده قفل من ناحية النيسان خالص و على العموم حاول تجيب مقارنات بين الاتنين و ربنا يوفقك للاحسن ان شاء الله
رقم العضوية : 75735
تاريخ التسجيل : 19Jul2010
المشاركات : 14
النوع : ذكر
الاقامة : alexandria
السيارة: Reaunaut Loagn 2011
السيارة[2]: Reaunaut Loagn 2011
دراجة بخارية: aaa
الحالة :
مساء الخير يا جماعة
اخوكم محمد من اسكندرية ..... انا من زمان متابع نايل موتورز بس فى جروب رينو لوجان فقط ،،، اصل معايا لوجان ٢٠١١ و هابيعها اليومين دول . بقالى فترة متابع جروبين جداد بالنسبه لى نيسان و بيجو .
طبعا كلو متابع المقارانات التاريخية زائعة الصيت بين الصنى و ال ٣٠١ ... فانا كنت متابع العربيتين.... و عشان انا بتكلم فى فئة من ١٢٠٠٠٠٠ الى ١٤٠٠٠٠٠ و عايز عربية هاى لاين ٍ( و لو حتى بالاسم ) فانا ملقيتش الا العربيتين دول ده غير التويوتا الياريس الاوتوماتيك برضه ب ١٤٠ قفل بس حسيت انها ضيقه شويه و برضه اول فئة يعنى عربيه ب ١٤٠ و بطاسات .... عيب قوى ...اصل اخوكم جته برضه و عايز عربيه الى حد ما واسعة .....
المهم نفسيا استقريت على الصنى .... سوبر صالون اللون الغريب ده اللى مش رصاصى ولا بنى .. و قلت انا اولا بالفرق ١٥ ولا ٢٠ باكو ... اغيرلها كاوتش و احط مثبت سرعةو فرش نضيف و طيبه كده.
بس من حوالى اسبوعين سمعت عن موضوع حماية المستهلك مع نيسان. و مشاكل الفرامل ،،،،، انا اوك سامع عنها من زمان بس مش كده و حمايه مستهلك .... انا اسقط فى قلبى .... او قدمى مش فاكر .....
يا جدعان انا مليش فى الراحة والجاية و بقالى ٤ سنين سايق اللوجان صيانات كل ٥٠٠٠٠ كيلو و خلاص ... مش يتاع مشاكل و توكيل كل يومين و فوت علينا بكره ....
من شوية لقيت عضو فاضل حاطط تجربة استلام العربية و ماشى بييها ١٧٠٠ كيلو و بيقول كل العيوب الفرامل اختفتى.... انا انشكحت تانى .... الله يكرمكم..... انا عايز نصيحة لوجه الله و اعتبرنى اخوك يا اخى .... قولا فصلا قولا واحدا و شيلوا زنبى بعد كده ...... و خلى بالكوا ...... و الله ناس كتير بتاخد كلامكو بجد و بتحدد عليه قرارات شراء.
اجيب العريية و لا هتبهدل بيها .... هى موجوده بضاعة حاضرة ..... الموضوع موضوع وقت بس .... بس القرار صعب ....اعزائى الاعضاء ........ ماذا تفعلوا لو كنتوا مكانى .....؟
رقم العضوية : 159326
تاريخ التسجيل : 24Apr2014
المشاركات : 8
النوع : ذكر
الاقامة : القاهرة
السيارة: لا يوجد
السيارة[2]: Daewoo Lanos
الحالة :
انا رايى ال301 احسن و فى ناس كتير بيشكرو فيها اما بالنسبة للنيسان انا والدى كان هايجيب قشقاى و بعد موضوع الصنى ده قفل من ناحية النيسان خالص و على العموم حاول تجيب مقارنات بين الاتنين و ربنا يوفقك للاحسن ان شاء الله
رقم العضوية : 132066
تاريخ التسجيل : 08Dec2012
المشاركات : 2,022
النوع : ذكر
الاقامة : الجيزة
السيارة: لانسر بومة 2008
السيارة[2]: مرسيدس
الحالة :
خليك فى 301 و ريح بالك من مشاكل الصنى و بينى و بينك مفيش مقارنة بينها و بين الصنى انا عارف ناس كتير هتزعل منى لكن بجد 301 صفقة رابحة غير الصنى و 301 المستقب قدمها جامد اوووى و انتشارها واسع جدااااا و مشكلها قليلة اوى و مميزتها اكتر من العيوب من تجربة اصحبها
رقم العضوية : 153764
تاريخ التسجيل : 27Dec2013
المشاركات : 64
النوع : ذكر
الاقامة : المعادي
السيارة: No
السيارة[2]: Sunny 2014 Super Salon
الحالة :
أولا تقبل تحياتي.
ثانيا لا مقارنة بين الصني و301 اللي فشلت في أوروبا وبيجو ماعرفتش تسوقها غير عندنا.
المشاكل اللي حضرتك قلت عليها كانت عبارة عن التيل الخلفي والطنابير ودي كانت في موديلات 2013.
موديلات 2014 وأرشحلك السوبر صالون طبعا الشكل الجديد.. بسم الله ماشاء الله مافيهاش مشكلة وكل كومنتات الموديل السابق اتعدلت.
أنا معايا سوبر صالون 2014 وعامل لحد دلوقت بعون الله 7300 كم وبصراحة مبسوط جدا وغيرت الهوا لنيتروجين والكاوتش كويس والصيانة تحفة (خصوصا السبع زهراء المعادي) ناس محترمين ولو فيه حاجة جوا الضمان بتتعمل ببلاش (كانوا ظبطولي زوايا وغيرولي فيوز الولاعة ببلاش) رغم إني أنا السبب في حرق الفيوز... وأقسم بالله هذا ما يحدث معي ودي شهادة لوجه الله.)
العربية واسعة والمسافرين معاك بيبقوا مرتاحين (مهما كان الحجم) .. Abs, ebd, ba وسائد هوائية لك وللراكب عالية وثابتة علي الطريق.
أخيرا: ربنا يهديك للإختيار الأحسن ليك.
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
كل مشاكل الصنى تنحصر فى خامه التيل سيئه واعتقد هيكون ليها حل مش هتفضل كده
بس صلى استخاره وربنا يوفقك للافضل
Dr Ibrahim Saad
رقم العضوية : 153764
تاريخ التسجيل : 27Dec2013
المشاركات : 64
النوع : ذكر
الاقامة : المعادي
السيارة: No
السيارة[2]: Sunny 2014 Super Salon
الحالة :
كيف الأحوال يا د. إبراهيم .. واحشاني متابعتك المتميزة للمواضيع.
موضوع التيل مافيهوش مشكلة من وجهة نظري واستخدامي للعربية وعلي فكرة أنا كمهندس عندي مشاريع كتيرة في حتت بعيدة وباعمل مسافات بيها وباتعرض لمواقف كتير ع الطريق.
أنا تابعت كلامك عن البودرة في بوست قبل كده وكنت هقولك نفس كلام مسئول رينو إللي قال إن ده طبيعي في كل العربيات نتيجة الاحتكاك (إللي هو دور التيل).
عموما تحياتي للجميع.
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
والله ياصاحبى انا الحمد لله باستثناء الخبطه اللى خدتها فى الشنطه مفيش اى مشاكل معايا لا فى فرامل ولا غيره والفرامل معايا كويسه جدا ولكن انا بتكلم عن المشاكل اللى البعض صادفته وهى مشكله التيل واكيد هيتم تغييره هى مساله وقت بس مش ممكن يفضل على كده
بس برده انا شايف ان لازم يكون فيه ضغط على التوكيل علشان يغير النوعيه دى
Dr Ibrahim Saad
رقم العضوية : 132787
تاريخ التسجيل : 28Dec2012
المشاركات : 420
النوع : ذكر
الاقامة : القاهرة
السيارة: Sunny 2014
السيارة[2]: Lanos 2011
الحالة :
العربيتين فيهم نفس المشكله
هتغير تيل كل 10 الاف كم عشان الخامة زباله
الصنى تتفوق فى الوسع و الارتفاع و العفشة و الفتيس و استهلاك البنزين و التوكيل و قطع الغيار و سعر اعاده البيع
البيجو احسن فى الشكل الخارجى و الداخلى و الموتور و الثبات و الصاج و التسارع
شوف انت عايز ايه من العربية و قرر
و برده اركب الاتنين و شوف انهى مرتاحله اكتر
و متساش الاستخاره
رقم العضوية : 53526
تاريخ التسجيل : 21Nov2009
المشاركات : 1,215
النوع : ذكر
الاقامة : cairo
السيارة: brava
السيارة[2]: opel
دراجة بخارية: لا يوجد
الحالة :
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
ما شاء الله علي الكلام الجميل,,
حضرتك جبت الكلام دا منين ؟
عزيزي هاني,, ياريت قبل ما تقول كلام تكون عارف بتقول أيه ومتأكد من صحته الأول.
فياريت متقولش ولا ترمي بأي كلام مش حقيقي علي الحاجة اللي مش عاجباك,,
وتقول أي كلام علي الحاجة اللي علي مزاجك لمجرد أنك عاجباك الصني مثلاً,,
البيجو 301 سيارة أقتصادية وموجهة للدول النامية,,
ومكنتش موجهة للسوق الأوروبي وتحديداً أوروبا الغربية.
وبلاد أوروبا الغربية هيا إسبانيا، فرنسا، البرتغال، إيطاليا، ألمانيا، النمسا، سويسرا، المملكة المتحدة بريطانيا، إيرلندا، الدانمارك، لوكسمبورغ، هولندا، بلجيكا.
العربية نازلة لدول العالم الثالث, من شمال أفريقيا لغرب أسيا والخليج,,
وكمان نزلت في أوروبا الشرقية,, وأوروبا الشرقية عشان لو معندكش خلفية بالنسبة لأوروبا الغربية تعتبر دول العالم الثاني,
زي بولندا والتشيك وأوكرانيا والحتت دي. والعربية عملت فيهم مبيعات ممتازة.
وكله هتشوفه دلوقتي بالأرقام.
يعني عربيات بيجو اللي بتزعم أنها "فشلت" ومش فاهم جبت الكلام دا منين,,
عاملة مبيعات في أوربا أكتر من ال BMW والمرسيدس والكوري.
وبعدين في أخر ال List هتلاقي النيسان.
مع أحترامي لكل ملاك النيسان طبعاً.
أتفضل شوف ال Chart بنفسك.
دي مبيعات مجموعة PSA في 2012,
================================
نسبة أستحواذ بيجو في السوق الأوروبي 12%
قدام 6% لصالح BMW
و 5% لصالح مرسيدس.
وتقدر كدا تقولي يا أستاذ هاني نيسان فين في اللستة ؟؟
أه صح دي في الأخر خالص,,
خليني أسهلها عليك,, بيجو اللي بتقول عليها فاشلة حصتها في السوق الأوروبي أربع أضعاف حصة النيسان.
وكنت بتقول بيجو فشلت في أوروبا ومش عارفة تسوق غير عندنا ؟؟ هههههههه
=============================================
أما المبيعات بقي في سنة 2013,, برضه بيجو 3 أضعاف مبيعات النيسان.
تحياتي ليك.
LeitoSR سابقا
المفضلات