بيجو 301 مانويل .. أم جين 2 أوتوماتيك .. ساعدونىىىىىىىىىىى !!!!!!

**mohamed mannaa** · 25-04-2014 07:55 PM

أنا خلاص تعبت من التدوير والتسعير .. بصراحه ووصلت للنتيجه دى ان أفضل عربي مقابل سعر (على اد الفلوس اللى معاى طبعا ) اما جين تو أوتو او 301 مانويل ... ساعدونىىىىىىى اختار مين .. ملحوظه دى اول عربيه ليا وانا مش جامد اوى فى السواقه بس شغال يعنى

**m mosalam** · 25-04-2014 08:00 PM

الاوتو هيريحك اوى بس انا بحب البيجو 301 فالاحسن انك تزود شوية وتجيب بيجو بيزلاين افضل

**kokowasfy** · 25-04-2014 09:46 PM

جين 2 اكيد عشان اتو

**tifa2015** · 25-04-2014 10:14 PM

جين تو طالما لسه جديد فى السواقه يبقى اﻻوتو احسن لك

**m mosalam** · 25-04-2014 11:01 PM

ياريت تجيب اوتوماتيك زى راى الاعضاء وياسلام لوجبتها بيجو 301 بيز لاين هتبقى تمام اوى

**mohamed mannaa** · 25-04-2014 11:48 PM

طيب معلش بالنسبه لموضوع مشكلة التيل والبوجيهات دى .. الموضوع ده مشاكل فرديه ولا ده عيب فى العربيه ... وهل فى مشاكل جوهريه تانيه غير كده بالنسبه لل 301 طبعا .. وشكرا على ردودكم الجميله

**amrelsaqqa** · 26-04-2014 12:02 AM

الـ 301 عربية زي الفل والمانيوال معايا وكويسة
انما ما اخبيش عليك لو طريقك اليومى او مشوار الشغل او ما شابه بيتطلب المشى في زحمة القاهرة يوميا على طرق لعينة زي كوبري اكتوبر و يوميا ، يبقى يا تزود وتجيب الاوتوماتيك يا تجيب عربية تانية عشان ما تكرهش نفسك وتكره العربية والسواقة كلها اما لو مش في القاهرة او مشاويرك محدودة جواها ومش بتروح بيها الشغل يبقى المانيوال هنا اختيار حلو وهيبقى كويس انك تتعلم وتاخد على المانيوال عشان تبقى سويق بجد :)

**J A G U A R** · 26-04-2014 12:17 AM

العربيتين تقريبا مستوى واحد

لو انا اللى هاختار بين دول يبقى بيجو علشان مبحبش الاوتو فى الجين 2 انما لو الاتنين مانيوال اختار جين 2 .. مجرد رأى

**amrelsaqqa** · 26-04-2014 12:43 AM

والله لو زي ما بتقول مش من القاهرة وطرق مفتوحة يبقى البيجو وانا مغمض والله مفيش داعى للحيرة
المانيوال مقرف في الزحمة ااه ، بس ممتع على الطرق والعربية جديدة وحلوة مش زي الجين تو اللى داخلة على 10 سنين في السوق
صلى استخارة وتوكل على الله وروح اركب دى ودي في نفس اليوم ، واللى تستريح فيها اكتر هاتها ، الموضوع ده هيساعدك كتير في حسم القرار