ظرف الكوبلن الداخلى لفيكترا b2

**haisam ali** · 26-04-2014 03:00 PM

الحمد الله بعد تغيير زيت الفتيس والدنيا ظبطت شويه رحت النهارده رفعت العربيه مغسله وقولت ابص بصه كويسه كده واشيك على الدنيا لقيت الكوبلن من جوه من عند الفتيس جايب زيت وكميه مش قليله ..... فتقريبا كده الاولسين ضرب من جوه وحاجه اخر زهق ( الحمد لله ) المهم دلوقت العمل ايه ؟؟؟؟؟؟ اتصلت على بتاع قطع الغيار اللى ماقدميش بديل غيره فقالى اللى موجود المانى ب ٤٥ جنيه ....... الفكره بقى اجيبه وهيضرب تانى واقعد إفك واركب تانى وانا كريهى الموضوع ده فأرجو النصيحة وكمان عندى مشكله اولسين الكرنك من جوه بيجيب زيت فبفكر اغيره هوه كمان فهل بعد ماركبه هيضرب تانى ولو برضه فيه نصيحه أرجو ان ماحدش يبخل عليا بيها وشاكرين افضالكم .... هذا وبالله التوفيق

**فادى محمد** · 26-04-2014 09:52 PM

قدر الله وماشاء فعل..
اويل سايلات الكبالن سهله . لازم هتركبهم علشان تحافظ علي زيت الفتيس..
اويل سايل الكرنك الخلفي ده مشكله ..
لازم تفك الفتيس والفولام علشان توصل له.
هو هتلاقي تمنه هايف 60ج مثلا. انما مشكلته في مصنعيه تركيبه..
في اضافات بتتباع في كارفور بتمنع تهريب الزيت ده ( بتعمل اكستند لكاوتش الاويل سيلات)
جرب كده مؤقتا علي ماتبقي تفك بظروفها..

**haisam ali** · 28-04-2014 12:59 PM

بقولك ايه ياكبيرنا ...... دلوقت انا اشتريت الظرف بتاع الكوبلن ده وروحت للميكانيكى قالى ياهيثم الظرف مش مستهله تغيره وتقريبا كده ياهيثم هوه مش ضارب وممكن يكون نقط خفيف ومسحلى مكانه بالبنزين ونظف مكانه وتمام ..... وقالى جرب كده ... المهم الحمد لله انا خبطت مشوار بتاع ٧٠٠ كيلو كده امبارح ورجعت تانى للميكانيكى يبصلى على الاولسين تانى قالى الحمد اله مفيش أى حاجه وكله تمام ولوكس ..... كده يبقى اعمل ايه ؟؟؟؟

**فادى محمد** · 28-04-2014 05:34 PM

تابع برده الزيت ..
ممكن يكون مستوي زيت الفتيس نقص علشان كده معدش بيسرب !
وممكن تكون المشكله مش منه. بس هو لو بيهرب , تاكد انه مش هيبطل
لان كاوتشه بينشف ويكش ويسمح للزيت بالنفاذ من خلال الخلوص بتاعه..

- لو لا قدر الله غيرته..
خلي العفشجي بعد مايخرج الكوبلن بره, في كبايه كده اللي بيركب جواها الاولسيه
خليه يفكها ويخرجها بره ( هي قلاوظ زي غطاء ازازه البيبسي) يغسلها بالبنزين
ويركب الاويل سايل علي الطرابيزه بره علشان شغلك يبقي مضبوط. في ناس بتستسهل
وتخرج القديم وهووووب يقوم لاطع الجديد وحشره علي الرمل والوساخه ...