أخي العزيز..
مؤكد أنني لم أتضايق من أسئلتك.. وبالعكس... فأنا يهمني جدا إن المعلومة تكون وصلتك بشكل كامل علشان أساهم في نشر الوعي بطريقة الاختيار الصحيحة.. اللي بيها نقدر نحافظ على فلوسنا اللي حطيناها في عربياتنا.
للأسف.. إحنا دلوقتي في مرحلة "إنقاذ ما يمكن إنقاذه".. واختيار الزيت المناسب حسب الكتالوج هيديك فكرة كاملة عن وضع الموتور الحالي..
لو الموتور اتظبط والزيت ما بقاش ينقص.. يبقى احنا كده في الأمان وتقدر تطمن على موتورك...
لو حسيت إن الموتور ظهرت عليه أعراض معينة تبين الحالة السيئة للموتور.. ففي الحالة دي من الأفضل إنك تفكر في حلول جذربة بدل المسكنات اللي ممكن الناس تقترحها عليك.. زي زيت الشنبر مثلا.
بالنسبة لدرجة اللزوجة المناسبة.. فأنا نصحت حضرتك ب15W-40 لو ما لقيتش ال 20W-40.. وده لسببين..
1- لإن درجة 15W قريبة من 20W من ناحية حماية الموتور في بداية التشغيل.. وهتبقى مناسبة أكتر مع دخول الشتا..
2- درجة ال50 هتسبب إعاقة أكبر للموتور وتزود استهلاك البنزين.. ومش هتدي فرق كبير في حماية الموتور
الحالة الوحيدة اللي أنصحك فيها إنك تحط ال20w-50 هي إنك بعد ما تحط الزيت الصح حسب الكتالوج تلاقي الزيت بينقص بمعدلات كبيرة
خد بالك كمان إنك - والله أعلم - ما عندكش ثرموستات كوعة.. وده أحد الأسباب اللي بتزود استهلاك الزيت لإن الموتور بياخد وقت طويل على ما يسخن.
عموما... دور على الزيت المناسب وشوف إيه الوضع... وأنا جاهز لأي استفسارات.
...