ماعرفش الفوكاس الحالية متجمعة فين و اظنها فعلا مش في المانيا , لكن اللي في اللينك دي الشكل القديم
عرض للطباعة
التوكيل و ملاك العربية
تامر باشا , منورنا
انا قبل مقول اي حاجة و ارد علي صاحب لموضو سألته :
""ياريت حضرتك تقولنا بتقارن انهي فئات عشان نعرف نفيدك""
و هو قالي :
""في حالة قرانت بين الفئة اولى فوكاس والتانيو كورولا مين يكسب وفي حالة قارنت بين الفئة التاني والفئة التانية مين اللي يكسب ؟""
عشان كدة متكلمتش علي الهاي لاين في الفوكاس و الكورولا
طيب هي تجميع أسباني ولا تصنيع أسباني ؟
عشان تفرق
ازاي تفرق ؟
علي حسب علمي بلد المنشأ هو مكان التجميع هو التصنيع .
يعني مثلا :
الاسترا بلوندي المنشأ و التجميع و التصنيع
الكورولا تركي المنشأ و التجميع و التصنيع
السيفيك تركي المنشأ و التجميع و التصنيع
الفلوانس تركي المنشأ و التجميع و التصنيع
الكورسا اسباني المنشأ و التجميع و التصنيع
الفوكس اسباني المنشأ و التجميع و التصنيع
علي القايم بتاع العربية بيتكتب بلد التصنيع و التجميع و في الافراج الجمركي بيتكتب المنشأ و كلهم بيبقو بلد واحدة
فورد توكيلها قتلها
خليك في الياباني وبسسسسس
بص يا سيدي
اولا الفوكس الجديدة الماني التصنيع و التجميع
الفوكس الاسباني ده كان الشكل القديم اللي اتغير في ٢٠١٢
ثانيا الكورولا طبعا في الامكانيات دي و الاوبشن ده علشان تعوض فرق الثبات و الهاندلينج و متعة القيادة اللي في الفوكس و بالمناسبة كمان التسارع ( طبعا الشباب اصحاب الكورولا و عاشقي الهوندا هايزعلوا من الكلام ده) لان الجير الدوال كلتش برغم انه فعلا مش اسلس من cvt لاكن يفرق عنه كتير في التسارع ( الرجاء المقارنة بين زمن الوصول من ٠ الى ١٠٠ ) بين الهوندا و الكورولا و الفوكس من واقع بورشور التوكيل لكل منهم
ثالثا تتمتع الفورد في مصر دائما بوكيل سيء ( من رجب لفكري حتى عبد اللطيف جميل) و اللي دائما بيتعامل مع العربية و ملاكها على انها عربية فارهة و ملاكها لازم يطلع عينهم و ده مش حقيقي العربية كانت محتاجة وكيل يحاول يوصل بالعربية لكل الناس زي ما غبور و منصور و الفطيم بيعملوا
رابعا و دي الخلاصة في نوعية من العربيات في مصر مظلومة و مش واخده حقها ( بالمناسبة مبيعات الفورد فوكس في اوروبا عالية جدا و هي العربية الاكثر مبيعا في بريطانيا) العربيات دي لو حتركبها حتحتاج تعمل جزء من شغل التوكيل ان تصونها انت و تتعب شويةعلشان تلافي قطع الغيار باتعتها االعربيات دي زي الفورد و الاوبل و الفولفو و المازدا و البيجو و غيره فلو انت غاوي ركوب و هتستحمل يبقى بص على العربيات دي لو مش كده خليك مع السوق المصري و مع الوكيل الاقوي علشان ترتاح
انا بحترم ال فورد جدا و الفورد ال فيستا شوفتها بناخد غرزه 160 فى الرمله و العربية ردت مكانها و معومتش تماما ... اشك ان الكورولا ممكن تعملها بس قصه التسارع دى بقا انا مش معاك فيها .... يا ريت لو تدعم الكلام ده بفيديو تسارع 0-100 و اشك انها تجبهم فى اقل من 9.5 زى الكورولا
الفيستا عملت كدة عشان فيها esp و نفس الكلام في الكورولا الجديدة و انا باكد الجديدة عشان فيها esp .
اما الفوكاس فميش فيها esp الا في الهاي لاين ب ٢٤٤ الف فقط .
الكورولا جبت بيها من ٠ الي ١٠٠ في ٩.٥ ثانية انا معرفش الفوكاس اخبارها ايه بس مشفتش عربية ١٦٠٠ مش تربو تجيب الرقم ده