التجميع مش معناه كل المكونات بتيجي من البلد الام .
التجميع بيبقي في نسبة محلية من البلد اللي بتتجمع فيه ممكن توصل ل ٦٠٪ .
يعني او افترضنا الكورولا مثلا هتلاقي ٤٠٪ من المكونات تركي و الباقي ياباني و بيتقال التصنيع و التجميع و بلد المنشأ تركيا
عرض للطباعة
اولا بالنسبة لموضوع بلد المنشأ للفورد
فورد ليها فرعين فورد امريكا وده الام وخاص بالعربيات الكبيرة وفورد المانيا وده مخصص للعربيات الصغيرة الموجهة للسوق الاوروبى زى الفوكاس والمونديو
الفوكاس القديمة تصنيع المانى والتجميع اسبانى انما الجديدة تصنيع وتجميع المانى
بالنسبة لنقطة الـ esp فا استاندرد فى كل فئات الفوكاس
موضوع التسارع معرفش بصراحة بس اللى متأكد منه ان الفوكاس الجديدة مختلفة عن القديمة فى النقطة دى تحديدا لأن القديمة كانت تقيلة وبالذات الطلعة وده راجع لوزن العربية
نقطة الستابيليتى والهاندلينج فا من غير ماجرب الكورولا النتيجة لصالح الفوكاس وبتفوق
نقطة قطع الغيار ياريت الناس متاخدش على السمع وتنزل تسأل على قطع الغيار اسعارها ايه صحيح هى مش مرطرطة فى كل حتة زى الكورى واليابانى ومش هتلاقى استيراد كتير بس الاأصلى هتلاقيه سواء فى التوكيل او برة واسعاره احسن من حاجات كتير كورى ويابانى حتى فى التوكيل ... المشكلة بس ان الناس بتسمع اسم فورد بتقشعر وخلاص
الف شكر على المعلومات الرهيبه دي .. تقريبا الموضوع شبه اتحسم بالنسبه لي وهو الكورولا .. الف شكر مره تانيه لكل الناس اللي ساعدتني في اتخاذ القرار :)
انا مش قصدي اشكك في معلومات حضرتك و الله يا بشمهندس احمد , ولكن انا رحت التوكيل السنة دي في شهر 2 تحديدا و شوفت العربية و ادوني البروشور بتاع النسخة المصرية و صورته لحضرتك بيقول ان ال ESP في الهاي لاين فقط !!
http://nileup.com/up/uploads/nilemotors_13986458411.png
انا برضو حابب حضرتك متاخدش علي السمع و تجرب الكورولا الجديدة في الثبات والهاندلينج ,شئ مختلف تماما عن ما سبق .
تحياتي لشخصك الكريم
https://icclients.net/Ford/Fb/Final_Focus_Brochure.pdf
انا فاكر ان كل الفئات كان فيها لأن واحد قريبى كان هيجيبها وده كان الكلام ساعتها مش عارف بقى لما عبد اللطيف جميل اخد التوكيل شالة ولا ايه عموما اللينك اللى فوق ده البروشور من جروب فورد مصر على الفيس
ياباشا مفيش تشكيك ولا حاجة , انا لا ليا اسهم فى دى ولا فى دى :) ...
موضوع الثبات والهاندلينج والعفشة الفوكاس طول عمرها مختلفش عليها اتنين فى النقطة دى وفعلا فورد كماركة مظلومة فى مصر بسبب توكيلاتها من رجب لفكرى لعبد اللطيف والسمعة اللى خدتها من ايام رجب من ان قطع الغيار نار ومش موجودة مع العلم ان عندى حاجات فى التوكيل ارخص من الماتريكس والالنترا
كلامى ميقللش من الكورولا اللى بالنسبالى حتى لو مجربتهاش فا توييوتا اخيرا صحيت لموضوع التصميم والشكل بعد فترة نوم كبيرة اوى وكون انها تنزل بالاوبشن الل فيها فا ده يؤكد ان تويوتا غيرت فعلا من فكرها والتسويق بتاعها بعد ماكان الزجاج الكهربا بتحسبة اوبشن ودى كلها نقط تحسب للكورولا تحديدا وتويوتا عامة بس للأسف عكوها فى الياريس الجديدة :))
اتمنى فعلا ان الكورولا دى تعيد امجاد الكورولا 92 بعد فترة النوم فى العسل اللى تويوتا كانت فيها :praying: