الله ينور عليك و يفتح عليك
شغل و دماغ 10/10
عرض للطباعة
الله ينور عليك و يفتح عليك
شغل و دماغ 10/10
انا شفتك لحد دلوقتي عملت:
1-دايره نور الصالون و تنفع للفانوس الامامي
وايه تاني؟ للتذكره مش اكتر
دايرة لعمل مفتاح تاتش لتشغيل أي شئ (النور - التكييف - ممكن موتور العربية)
أولا المكونات المطلوبة
1- عدد 2 ترانزيستور c1815 ودي صورته
http://nileup.com/up/uploads/nilemotors_13989664901.jpg
2- عدد 1 ترانزيستور bd241 ودي صورته
http://nileup.com/up/uploads/nilemotors_13989664903.jpg
3- عدد 1 مقاومة قيمتها 56 كيلو أوم 1/4 وات ودي صورتها
http://nileup.com/up/uploads/nilemotors_13989664902.jpg
4- عدد 1 كتاوت عادي 4 طرف ودي صورته
http://nileup.com/up/uploads/nilemotors_13989664904.jpg
الترانزيستورات والمقاومة تمنهم 3 جنيه
الكتاوت هو اللي أسعاره مختلفة بيبدا من 5 جنيه للصيني وده ممكن تجيبه تجرب بيه ولما تخلص تغيره بواحد كويس
الاول هنرقم الترانزيستور كده علشان نعرف نوضح الفكرة
http://nileup.com/up/uploads/nilemotors_13989664906.jpg وده هنسميه الترانزيستور الكبير
وكمان هنرقم الترانزيستور التاني كده
http://nileup.com/up/uploads/nilemotors_13989664907.jpg
وده هنسميه الترانزيستور الصغير ولاحظ إن عندنا اتنين منه
نيجي للتوصيل
أول حاجة هنخلي الاتنين ترانزيستور الصغيرين وشهم لبعض
يعني الجل رقم 1 من الترانزيستور الأول قبال الرجل رقم 3 من الترانزيستور التاني
أول حاجة نوصل الرجل رقم 2 بالرجل رقم 2 يعني الرجلين الاتنين اللي في النص نوصلهم ببعض ولاحظ اننا بنتكلم على الترانزيستورين الصغيرين
تاني حاجة هنوصل الرجل رقم 1 بالرجل رقم 3 من ناحية واحدة بس
يعني هتكون بالطريقة دي
http://nileup.com/up/uploads/nilemotors_13989710901.png
اللي فات ده هنعتبره ترانزيستور واحد بس
الرجل رقم 1 اللي مش متوصلة بحاجة هي اللي هنسميها الرجل رقم 1 للترانزيستور الصغير ودي هنوصل بيها طرف من المقاومة ( أي طرف فيهم مش هتفرق) ونوصل بيها سلك أي لون غير الأحمر أو الاسود ( هنسميه السلك الملون)
الرجل رقم 3 اللي مش متوصلة بحاجة هي اللي هنسميها الرجل رقم 3 للترانزيستور الصغير ودي هنوصلها بالرجل رقم 1 من الترانزيستور الكبير وننساها خالص
الطرف التاني من المقاومة اللي وصلناها بالرجل رقم 1 من الترانزيستور الصغير هنوصلها بالرجل رقم 3 من الترانزيستور الكبير ونوصل بيهم سلك أسود
الرجل رقم 2 من كل الترانزيستورات هتتوصل ببعض ( لاحظ إننا وصلنا الرجل رقم 2 من الترازيسترين الصغيرين ببعض هنوصلهم بالترانزيستور الكبير في الرجل رقم 2 ونوصل بيهم حته سلك توصل للرجل بتاع الكتاوت اللي مكتوب جنبها 85
هنوصل الرجل اللي مكتوب جنبها 86 والرجل اللي مكتوب جنبها 87 من الكتاوت ببعض ونوصل بيهم سلك أحمر
السلك الأحمر ده هنوصله بأي مصدر كهرباء في العربية
والسلك الأسود هنوصله بأي أرضي في العربية
كده تمام
خد بالك لسه عندي في الكتاوت رجل مكتوب جنبها 30 لسه ما وصلتش بيها حاجة
وكمان السلك الملون اللي متوصل بالرجل رقم 1 في الترانزيستور الصغير برده أنا لسه ما وصلتش بيها حاجة
عارف لو لمست طرف السلك الملون ده بصباعك الدايرة هتوصل الكهرباء للرجل بتاع الكتاوت اللي جنبها رقم 30 ولو شلت ايدك الكهرباء هتتفصل عن الرجل دي
ممكن بأه توصل السلك الملون ده بأي حاجة معدنية في تابلوه العربية حتي لو اشتريت حليه نيكل ووصلتها بيها يبقى كده عندك مفتاح تاتش
ووصل اللي انت عايزه في الرجل بتاع الكتاوت علشان يشتغل بالمفتاح التاتش اللي انت عملته
مبروك
ودي صورة للتوصيلات
http://nileup.com/up/uploads/nilemotors_13989747041.jpg
أتمني يكون فيه فايدة
محدش قال يعني إنه عمل حاجة
هي الحاجات دي مالهاش لازمة ولا إيه؟
ممتاز جدا بس لو عايز اركبة للموتور يوصل على اية
انا حعملها بس اول ما ااجز و حكلمك لو ينفع اخد رقم تليفونك ابتعته على الخاص