تحب تخليهم كهرباء تاتش؟
عرض للطباعة
تحب تخليهم كهرباء تاتش؟
تمام دول لازم اغير واجيب مكنتين زجاج كهربا صح كده والزراير
هتجيب المكنتين
الزراير هنعملهم تاتش
مش مفتاح تضغط عليه
زي فكرة وحدة الرفع كده
الله ينور عليك ويزيدك علم
انا هستاذن حضرتك تفكر معايا في فكره مجنناني وداخله دماغي اوي بقالي يجي سنه ومش عارف اعملها ازاي
اولا ان الزجاج الاربعه كهربا و العربيه فيها جهاز ايموبلايزر يعني ما بتدورش الا بالمفتاح اللي فيه الفحمايه المشفره
الفكره اني عايز اعمل دايره تخليني اقدر ادور العربيه من الريموت وافتح الاربع شبابيك ربع او نص فتحه من الريموت وكمان اشغل التكييف من الريموت ... لاني لما بنزل اركب العربيه وتكون مركونه بقالها فتره في الشمس بتبقي عامله زي نااااااااااااار جهنم
بالنسبة لفكرة الزجاج الخلفي دي مش مهمة عندي انا اهم حاجة الفكرة الي شرحتهالك دي انا عايزها ولكن اكيد هنفكر في حاجات تانية
كل شئ ممكن حتى تدوير العربية للي فيها إيموبلايزر من غير المفتاح أصلا
أمال إنت فاكر العربيات بتتسرق إزاي
بتوع الشرطة بيقولو قاعدة مهمة
"أي حرامي عربيات كان في يوم صبي كهربائي عربيات"
المهم
إنت عايز تدور من الريموت
تمام مفيش مشكله
طبعا إحنا مش هنقدر نزود مفاتيح في دايرة الريموت
هل إنت هتزود دايرة ريوت تانية علشان نستخدمها في الموضوع ده؟
ولا تحب نخلي مفتاح الفتح بيعمل الليلة دي
بس خد بالك من حاجة مهمة
أنا مش هاجي ناحية ضفيرة العربية
يعني لما أحب أدور هدي كهرباء للكومبيوتر وكهرباء لمدة خمس ثواني للمارش
وكهرباء للكومبريسور وكهرباء للسرعة الرابعة للبلاور بتاع التكييف
وكهرباء لمدة ثاية لكل زجاج كهرباء
بس ده ليه مشاكل
أولا : العربية هتدور حتي لو واخدة نقلة مش شرط تكون على الركن او المور
ثانيا : لو دست على الزرار في أي لحظة خلاص أي حد ممكن يمشي بالعربية
++++++++++++++++++++++++++++++++
طيب أنا عندي فكرة
ماتخلي فتح السنتر يشغل بلاور التكييف لمدة 5 دقايق مع فتح الزجاج الخلفي
أكيد ده هيخفف كتير من حرارة العربية
شوف إنت عايز إيه وأنا معاك
طبعا علشان تحول الإزاز لكهرباء بتجيب مكنة إزاز كهربا وتركبها
الماكنة دي بيكون ليها سلكين بتوع الكهربا اللي بيدخلو على المفتاح
واحيانا بيكون فيه وحدة رفع بين المكنة والمفتاح واحيانا وحدة رفع وإنزال
الزرار وظيفته بيدي كهربا للماكنة في الاتجاهين
لو وحدة الرفع موجودة بتاخد من الزرار تكة وتفضل مشغلة مكنة الازاز على وضع الرفع لمدة 10 ثواني علشان تضمن إن الإزاز اترفع للآخر
لو رفع وإنزال هتبقى نفس الحكاية لتحت ولفوق
إحنا بقا هنعمل وحدة رفع وإنزال ونعمل ليها تحكم تاتش
أو لو عايز من غير وحدة عادي
هنيجي مكان الاكرة ونحط كليبس بلاستيك كبير
ونحط فيه دبوسين ضغط
تلمس الدبوس اللي فوق الازاز يرفع
تلمس الدبوس اللي تحت الازاز ينزل
واضح؟